உதவி இயக்குநர் டூ இயக்குநரான மதிமாறன்... - மேடையில் ரகசியத்தை போட்டு உடைத்த வெற்றிமாறன்!

“ ஆடுகளம் திரைப்படத்தின் பொழுது , குறும்படம் ஒன்றை எடுத்துக்கொண்டு மதிமாறன் என்னிடம் வந்தான்."

வெற்றிமாறன்_(1)

தமிழ் சினிமாவில் தான் இயக்கிய அனைத்து படங்களிலும் வெற்றியை பதிவு செய்திருக்கிறார் வெற்றி மாறன். பொல்லாதவன் , ஆடுகளம் , வட சென்னை என இவர் இயக்கிய அனைத்து படங்களுமே சூப்பர் டூப்பர் ஹிட். இவர் சமீபத்தில் மேடை ஒன்றில் பேசியதுதான் தற்போது வைரலாக ஷேர் செய்யப்பட்டு வருகிறது. ஜி.வி பிரகாஷ் கௌதம் வாசுதேவ் மேனன் காம்போவில் , மதிமாறன் இயக்கியிருக்கு திரைப்படம்தான் செல்ஃபி. இந்த திரைப்படத்தை கலைப்புலி எஸ். தாணு தயாரித்திருக்கிறார். மதிமாறன் , வெற்றி மாறனின் ஆடுகளம் திரைப்படத்தில் உதவி இயக்குநராக பணிபுரிந்திருக்கிறார். இந்நிலையில்  செல்ஃபி படத்தின் இசை வெளியீட்டு நிகழ்ச்சியில் கலந்துக்கொள்ள வெற்றிமாறன், மிஷ்கின் போன்ற இயக்குநர்களுக்கு அழைப்பு விடுக்கப்பட்டிருந்தது.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mathi Maran (@mathimaaran)

இதில் பேசிய வெற்றிமாறன் “ ஆடுகளம் திரைப்படத்தின் பொழுது , குறும்படம் ஒன்றை எடுத்துக்கொண்டு மதிமாறன் என்னிடம் வந்தான். அதை பார்த்ததும் என்னிடம் சேர்த்துக்கொண்டேன். மதிமாறன் மிகவும் சுயமரியாதைக்காரன்.  ஆடுகளம் படத்தில் அவன் ஜூனியர் உதவி இயக்குநர். ஆனால் அவன் செய்த போஸ்ட் புரடக்‌ஷன் வேலைகள் மிகப்பெரியது. நான் செல்ஃபி படத்தை பார்த்தேன். 29 நாட்களில் படத்தை முடித்துவிட்டான் என்பது ஆச்சர்யமாக இருக்கிறது. தாணு சார் இந்த படம் மூன்று மடங்கு லாபம் தரும் என சொன்னார். படம் மதி மாறனுக்கு நிறைய பெருமையை வாங்கித்தரும்.  கவனமாக இருக்க வேண்டும். நமது குறை நிறைகளை நாம்தான் அறிந்துக்கொள்ள வேண்டும் . நான் ஒரு விஷயத்தை சொல்லக்கூடாதுனு நினைத்தேன். மதி மாறன் எனக்கு உறவினர். ஆனால் அதை அவன் எங்குமே காட்டிக்கொண்டது இல்லை. எனக்கு பெயர் வைத்ததே மதிமாறனின் அப்பாதான். அவர் என் மாமா“ என பலருக்கும் தெரியாத  சீக்ரெட்டை சரியான நேரம் என போட்டுடைத்திருக்கிறார் இயக்குநர் வெற்றிமாறன்.