Aneedhi : அநீதி படத்துக்கு வந்த புது சிக்கல்... ரிலீஸ் அறிவிப்பு வராத காரணம் இது தானா?  குழப்பத்தில் ரசிகர்கள் 

வசந்தபாலன் இயக்கத்தில் அர்ஜுன் தாஸ் - துஷாரா நடிப்பில் உருவாகியுள்ள 'அநீதி' திரைப்படம் வெளியாவதில் புதிய சிக்கல் ஏற்பட்டுள்ளது.

அநீதி திரைப்படம் ரிலீஸில் சிக்கல்

தமிழ் சினிமாவின் பிரம்மாண்டமான இயக்குனர் என கொண்டாடப்படும் இயக்குனர் ஷங்கரிடம் உதவி இயக்குனராக இருந்து பல வெற்றி படங்களை டைரக்ட் செய்தவர் வசந்தபாலன். 

 

 

இயக்குனர் பிரவேசம் :

ஒரு இயக்குனர் வசந்தபாலன் 'ஆல்பம்' திரைப்படம் மூலம் என்ட்ரி கொடுத்தார். அதனை தொடர்ந்து வெயில், அரவான், காவியத்தலைவன், அங்காடி தெரு என பல திரைப்படங்கள் மூலம் பிரபலமான இயக்குனர் தற்போது அர்ஜுன் தாஸ், துஷாரா விஜயன் உள்ளிட்டோரை வைத்து 'அநீதி' என்ற திரைப்படத்தை இயக்கியுள்ளார். மேலும் ராதிகா சரத்குமார் தயாரிப்பில் பரத் நடிப்பில் வெப் சீரிஸ் ஒன்றை ஜீ 5 ஓடிடி தளத்திற்காக இயக்கி வருகிறார் வசந்த பாலன் என்றும் அதன் டைட்டில் 'தலைமை செயலகம்' என வைக்கப்பட்டதாகவும் தகவல்கள் கூறுகின்றன.   

வெளியாக தயாராக இருக்கும் படங்கள் :

சமீபத்தில் இயக்குனர் வசந்தபாலன் இயக்கத்தில் ஜி.வி. பிரகாஷ் நடிப்பில் வெளியான திரைப்படம் 'ஜெயில்'. மிகுந்த எதிர்பார்ப்புக்கு மத்தியில் வெளியான இப்படம் எதிர்மறையான விமர்சனங்களை பெற்று தோல்வியை சந்தித்தது. அதனை தொடர்ந்து அவர் இயக்கியுள்ள திரைப்படம் 'அநீதி'. அர்ஜுன் தாஸ், துஷாரா விஜயன் நடிப்பில் உருவாகியுள்ள இப்படத்திற்கு இசையமைத்துள்ளார் ஜி.வி. பிரகாஷ். இப்படத்தின் டீசர் மற்றும் ஃபர்ஸ்ட் சிங்கிள் பாடல் ஏற்கனவே வெளியாகி வரவேற்பை பெற்றது. வசந்த பாலன் இயக்கி தயாரித்துள்ள இப்படத்தை இயக்குனர் ஷங்கரின் எஸ் பிக்சர்ஸ் நிறுவனம் வெளியிடும் என்றும் பிப்ரவரி அல்லது மார்ச் மாதத்தில் வெளியாகும் எனவும் கூறப்படுகிறது. 

 

Director Shankar's S Pictures to release director Vasanthabalan's #Aneethi, starring ArjunDas and Dushara.https://t.co/GeRxIDItIV pic.twitter.com/i8sK1E4Ilc

— Christopher Kanagaraj (@Chrissuccess) December 18, 2022

ரிலீஸில் இருக்கும் சிக்கல் :

படப்பிடிப்பு மற்றும் போஸ்ட் புரோடக்‌ஷன் பணிகள் முழுவதுமாக முடிவடைந்த நிலையில் அநீதி திரைப்படம் மற்றும் வெப் சீரிஸ் இரண்டின் வெளியீடும் பைனான்ஸ் பிரச்சனையால் வெளியாகாமல் உள்ளது என கூறப்படுகிறது. அதனால் ஷங்கர் இப்படத்தினை வெளியிடுவதாக சொல்லப்படுகிறது. அதே போல இந்தியன் 2 படத்தில் கமல்ஹாசன் நடிக்கும் சில காட்சிகளை இயக்குனர் வசந்த பாலன் இயக்கி கொடுத்ததாகவும் கூறப்படுகிறது. அதனால் இயக்குனர் இந்தியன் 2 படப்பிடிப்பில் பிஸியாக இருப்பதால் அநீதி திரைப்படம் ரிலீஸ் குறித்த அப்டேட்டை வெளியிடவில்லை எனவும் சினிமா வட்டாரங்கள் தெரிவிக்கின்றன. இருப்பினும் ரசிகர்கள் மத்தியில் அநீதி படத்திற்கான எதிர்பார்ப்பு நீடித்து வருகிறது.