சிரஞ்சீவி, பாலகிருஷ்ணாவுடன் மோதும் விஜய் - அஜித்...! வெற்றிக்கொடி கட்டப்போவது யார்..?
டோலிவுட்டில் சங்கராந்தி ஸ்பெஷலாக சிரஞ்சீவி , பாலகிருஷ்ணா படங்களுடன் துணிவு, வாரிசு படங்களும் தெலுங்கில் டப் ஆகி வெளியாகின்றன.
தமிழ்நாட்டில் பொங்கல் ரிலீஸ் ரேஸ் உச்சக்கட்டத்தை எட்டியுள்ளது. இந்த ஆண்டு பொங்கல் ரிலீசாக துணிவு படம் வரும் ஜனவரி 11ஆம் தேதி ரிலீசாக உள்ளது. வாரிசு படம் ஜனவரி 11ஆம் தேதி ரிலீசாக உள்ளது.
தமிழ்நாட்டின் இரு பெரும் நடிகர்களான அஜித் - விஜய் படங்கள் கிட்டத்தட்ட 8 ஆண்டுகளுக்குப் பிறகு இந்தப் பொங்கலுக்கு மோத உள்ள சூழலில் இரு தரப்பு ரசிகர்களும் உற்சாகக் கொண்டாட்டத்தில் ஈடுபட்டு வருகின்றனர்.
சங்கராந்தி ரிலீஸ்:
இந்நிலையில் கோலிவுட் பொங்கல் வெளியீட்டுக்கு இணையாக டோலிவுட் சினிமாவிலும் சங்கராந்தி ரிலீஸ் பரபரப்பை ஏற்படுத்தி வருகிறது.
டோலிவுட்டின் மெகா ஸ்டாராக வலம் வரும் நடிகர் சிரஞ்சீவியின் படமும், தெலுங்கு சினிமா உச்ச நட்சத்திரமும் தெலுங்கு தேசம் கட்சி எம்.எல்.ஏ.வுமான பாலகிருஷ்ணா படமும் இந்த சங்கராந்தி பண்டிகைக்கு நேரடியாக மோதவுள்ளன.
வால்டர் வீரய்யா-வீரசிம்மா ரெட்டி:
அதன்படி டோலிவுட் மெகா ஸ்டார் சிரஞ்சீவி மற்றும் முன்னணி நடிகர் ரவி தேஜா இணைந்து நடித்துள்ள ‘வால்டர் வீரய்யா’ படம் ஜனவரி 13ஆம் தேதியும், பாலகிருஷ்ணாவின் வீர சிம்மா ரெட்டி படம் ஜனவரி 12ஆம் தேதியும் ரிலீசாக உள்ள நிலையில் டோலிவுட் வட்டாரம் களைகட்டத் தொடங்கியுள்ளது.
அதே நேரம் விஜய்யின் வாரிசு படம் தமிழ் - தெலுங்கு ஆகிய இரண்டு மொழிகளிலும் ரிலீசாகி சங்கராந்தி ஸ்பெஷல் படங்களுடன் போட்டி போட உள்ளது. அதேபோல் ‘துணிவு’ படமும் தெலுங்கிலும் ரிலீசாக உள்ளது.
வாரசுடு - தெகிம்பு:
ஏற்கெனவே கோலிவுட்டில் விஜய் தான் நம்பர் 1 என தில் ராஜூ சொன்ன கையோடு தெலுங்கிலும் பிரம்மாண்டமான முறையில் வாரிசு படத்தை வாரசுடு என ரிலீஸ் செய்கிறார். அதே போல் துணிவு படம் தெகிம்பு என்ற பெயரில் டோலிவுட்டில் வெளியாக உள்ளது.
STARDOM in Other States🔥@actorvijay #Varisu #Vaarasudu pic.twitter.com/VmYnCjJjya
— TD....❥ (@MiniiGirl__) January 7, 2023
டோலிவுட்டில் நடிகர் சூர்யா - கார்த்தி, சிம்பு உள்ளிட்டோருக்கு ஏற்கெனவே நல்ல மார்க்கெட் உருவாகியுள்ள நிலையில், தல - தளபதியின் படங்கள் இந்த ஆண்டு உச்ச நட்சத்திரங்களின் படங்களைக் கடந்து வெற்றிவாகை சூடுமா என எதிர்பார்த்து காத்துள்ளனர் சினிமா வட்டாரத்தினர்.
மேலும் படிக்க: RRR nominated in BAFTA: ஆஸ்காருக்கு அடுத்து பாஃப்டாவில் அதிரடியாய் நுழைந்த ஆர்.ஆர்.ஆர்... வாழ்த்து மழையில் ராஜமவுலி!
தலைப்பு செய்திகள்
ட்ரெண்டிங் செய்திகள்
