Varisu Trailer: ‘இது திருப்பி கொடுக்கும் நேரம் மாமே’..நாளை வெளியாகிறது வாரிசு ட்ரெய்லர்! - அதிகாரப்பூர்வ அறிவிப்பு!

ஒரு சில காரணங்களுக்காக விஜய் நடிக்கும் வாரிசு படத்தின் ட்ரெய்லர் வெளியீடு தள்ளிப்போய் கொண்டிருந்தது, தற்போது அப்படத்தை குறித்த முக்கிய தகவல் வெளிவந்துள்ளது.

வாரிசு படத்தின் போஸ்டர்

விஜய் நடிக்கும் வாரிசு படத்தின் ட்ரெய்லர் குறித்த அறிவிப்பு வெளியாகியுள்ளது.

 

 

#VaaThalaivaa it’s time for #VarisuTrailer 🔥
Releasing Tomorrow at 5 PM on @SunTV YouTube channel 💥

See ‘U’ soon nanba 😁#VarisuGetsCleanU#Thalapathy @actorvijay sir @directorvamshi @MusicThaman @iamRashmika @7screenstudio @TSeries #Varisu #VarisuPongal pic.twitter.com/OAm0gBhV48

— Sri Venkateswara Creations (@SVC_official) January 3, 2023

இயக்குநர் வம்சி பைடிபள்ளி இயக்கத்தில் உருவாகியுள்ள வாரிசு படத்தில் நடிகர் விஜய் நடித்துள்ளார். தில் ராஜூ தயாரித்துள்ள இப்படத்தில் ராஷ்மிகா மந்தனா ஹீரோயினாக நடித்துள்ளார்;

வாரிசு படத்திற்கு தமன் இசையமைத்துள்ள நிலையில், ஏற்கனவே இப்படத்தில் இருந்து  ரஞ்சிதமே, தீ தளபதி, ஆராரிராரோ ஆகிய பாடல்கள் வெளியாகி ரசிகர்களிடையே நல்ல வரவேற்பை பெற்றது. 

மூன்று பாடல்கள் வெளியானதையடுத்து சமீபத்தில் வாரிசு படத்தின் இசை வெளியீட்டு விழா நடந்தது. இந்நிகழ்ச்சியை நேரில் சென்று காணமுடியவில்லை என பலரும் வருத்தப்பட்டனர். அவர்களின் கவலையை போக்குவதற்காக, வாரிசு படத்தின் இசை வெளியீட்டு விழா நிகழ்ச்சி ஆங்கில  புத்தாண்டான ஜனவரி 1 ஆம் தேதி அன்று மாலை 6:30 மணிக்கு சன் தொலைக்காட்சியில் ஒளிபரப்பப்பட்டது.

வாரிசு படம் பொங்கல் பண்டிகையையொட்டி வெளியாகும் என்பதை, அப்படத்தின் விநியோகஸ்தரான செவன் ஸ்கிரீன் ஸ்டுடியோஸ் போஸ்டர் அடித்து உறுதிபடுத்தியது. ஆனால், இன்று வரை படத்தின் ரிலீஸ் தேதி குறித்த அதிகாரபூர்வ தகவல் எதுவும் வரவில்லை.

#Varisu Trailer Tomorrow

Announcement 4pm 💥

Thalaivaaaaaaaaaaaa 🔥❤@actorvijay pic.twitter.com/UH2SVYwMMK

— Michael Vijay (@Itz_MichaelVj) January 3, 2023

கடந்த ஆண்டின் டிசம்பர் மாதத்தில் வெளியான துணிவு படத்தின் ட்ரெய்லர் மில்லியன் கணக்கான பார்வைகளை பெற்றது. இதன் பிறகு, விஜய் ரசிகர்கள் வாரிசு ட்ரெய்லர் குறித்த அறிவிப்புக்காக ஏங்கி வந்தனர். முன்னதாக, ஜனவரி 2 ஆம் தேதி வாரிசு படத்தின் ட்ரெய்லர் வெளியாகவிருந்தது.

ஆனால், இதற்கிடையே வெளியான துணிவு படத்தின் ட்ரெய்லர் வெளியாகி நல்ல வரவேற்ப்பை பெற்ற காரணத்தினால், அதை விட சிறந்த ட்ரெய்லரை கொடுக்க வேண்டும் என்று படக்குழுவினர் முடிவு செய்ததாகவும் அத்துடன், எடிட் செய்ப்பட்டிருந்த ட்ரெய்லரை மீண்டும் எடிட் வேலைக்காக அனுப்பியதாகவும், இதனால்தான் ட்ரெய்லர் ரிலீஸ் ஒத்திப்போனதாகவும் கூறப்படுகிறது. 

அதற்கேற்றவாறு, அனைவரும் எதிர் பார்த்து கொண்டிருக்கும் வாரிசு படத்தின் ட்ரெய்லர் நாளை மாலை 5 மணிக்கு வெளியாகும் என அதிகாரபூர்வ தகவல் வந்துள்ளது. மேலும் ட்ரெய்லரானது சன் டிவியின் அதிகாரப்பூர்வ யூடியூப் பக்கத்தில் வெளியாகும் என்றும் தெரிவிக்கப்பட்டு இருக்கிறது.

 

வாரிசு படத்தின் பாடல்கள் :

முதலில், ரஞ்சிதமே பாடல் வெளியாகி கலவையான விமர்சனத்தை பெற்றாலும், ஒரு சில நாட்களிலேயே அந்தபாடல் வைரலானது. அடுத்ததாக, 30 ஆண்டு கால விஜயின் சினிமா வாழ்க்கையை கொண்டாடும் விதமாக, தீ தளபதி பாடல் வெளியிடப்பட்டது. இந்தபாடலை நடிகர், சிம்பு பாடி, தீ செட்டில் ஆடி அசத்தினார். சின்ன குயில் சித்ரா பாடிய சோல் ஆஃப் வாரிசு சற்று செண்டிமென்ட் இருந்தது. பின்னர், வா தலைவா மற்றும் ஜிமிக்கி பொன்னு ஆகிய இரண்டு பாடல்கள் வாரிசு இசைவெளியீட்டு நிகழ்ச்சியில் பாடப்பட்டது.