Vaanathaipola : விறுவிறுப்பான வானத்தைப்போல சீரியல்.. இவங்களுக்கும் மாறிட்டாங்களா? எத்தன..

தற்போது எண்ட்ரி கொடுத்துள்ள சாந்தினி பிரகாஷ் காற்றின் மொழி, ராஜாராணி, பிரியமானவள், பூவே பூச்சூடவா, ஈரமான ரோஜாவே  என பல தொடர்களில் நடித்து பிரபலமானவர்..

சாந்தினி பிரகாஷ்

திரைப்படங்கள் போல இல்லாமல் சீரியல்கள் வருடக்கணக்கில் நடைபெறுவதால் அதில் நடித்து வரும் பல நடிகர்கள் மற்றும் நடிகைகள் தவிர்க்க முடியாத ஒரு சில காரணங்களால் அதிலிருந்து விலக வேண்டிய சூழல் ஏற்படுகிறது. மேலும் அந்த கதாப்பாத்திரத்திற்கு ஏற்றார் போல் மற்றொருவர் அந்த இடத்திற்கு வருவார். ஆரம்பத்தில் ரசிகர்களால் ஏற்றுக் கொள்ள  முடியாத ஒன்றாக இருந்தாலும் காலப்போக்கில் மாற்றப்பட்டவர்களே அந்த கதாப்பாத்திரத்தில் மக்கள் மனதில் நிலைத்து நிற்பர். இது போல சீரியல்களில் நடிகர்கள் நடிகைகள் மாற்றம் என்பது தற்போது அதிகமாகி வருகிறது.

தற்போது சன் டிவியில் ஒளிப்பரப்பாகி வரும் பிரபல சீரியலின் கதாநாயகி ஒருவர் மாற்றம் செய்யப்பட்டு உள்ளார். குறிப்பாக  சின்னத்திரையில் முக்கிய இடம் பிடித்துள்ள சீரியல்களில் ஒன்று வானத்தைப்போல. இந்த தொடரில் அண்ணன் தங்கை இருவருக்குமிடையே உள்ள பாசத்தை வைத்து கதையை நகர்த்தி வருவதால் ரசிகர்கள் மத்தியில் நல்ல வரவேற்பை பெற்று உள்ளது.  இருப்பினும் இந்த சீரியலில் இதுவரை பல மாற்றங்கள் அரங்கேறியுள்ளது.  ஆரம்பத்தில் துளசி கேரக்டரில் நடித்து வந்த ஸ்வேதா திடீரென சீரியலில் இருந்து விலகினார். அதனை தொடர்ந்து மான்யா ஆனந்த் என்பவர் தற்போது துளசி கேரக்டரில் நடித்து வருகிறார்.

அதேபோல ஸ்வேதா விலகிய சில மாதங்களில் அண்ணன் சின்ராசு கதாப்பாத்திரத்தில் நடித்து வந்த தமன்குமாரும் சீரியலில் இருந்து விலகினார். அவருக்கு பதிலாக சின்ராசு கேரக்டரில் ஸ்ரீகுமார்  என்ட்ரி இருந்தது. ஆரம்பத்தில் ரசிகர்களுக்கு இருவரது விலகலும் சோகத்தை ஏற்படுத்தினாலும் தற்போது அண்ணன் - தங்கையாக இருவரது நடிப்பும் அனைவரையும் கவர வைத்ததோடு டிஆர்பியை அதிகப்படுத்தியது. இந்த சூழலில்தான் கடந்த சில வாரங்களாக பொன்னி - சின்ராசு திருமணத்தை நடத்தி வைக்க மிகப்பெரிய போராட்டம் நடைபெற்றது. குறிப்பாக பொன்னியின் காதலன் சரவணனை திருமணம் செய்வாரா? அல்லது சின்ராசுவை தான் திருமணம் செய்வரா என எதிர்பார்த்த நிலையில் சின்ராசு - பொன்னி திருமணம் நடைபெற்றது.

இந்த சூழலில் தான் பொன்னி குமார் சீரியலில் இருந்து விலகியுள்ளார். குறிப்பாக பொன்னி கேரக்டரில் நடிக்கும் ப்ரீத்தி குமாருக்கு பதிலாக சாந்தினி பிரகாஷ் என்பவர் எண்ட்ரி கொடுத்துள்ளார். சீரியல் தொடங்கியது முதல் பொன்னி கேரக்டர் தற்போது 3-வது முறையாக மாற்றப்பட்டுள்ளது. முதலில் சங்கீதா என்பவர் பொன்னி கேரக்டரில் நடித்து வந்தார். அதன்பிறகு அவருக்கு பதிலான ப்ரீத்தி குமார் பொன்னியாக நடித்து வந்த நிலையில், தற்போது அவரும் சீரியலில் இருந்து விலகியதால் அவருக்கு பதிலாக சாந்தினி பிரகாஷ் நடித்து வருகிறார். இவர் காற்றின் மொழி, ராஜாராணி, பிரியமானவள், பூவே பூச்சூடவா, ஈரமான ரோஜாவே  என பல தொடர்களில் நடித்து பிரபலமானவர்.

வானத்தைப்போல தொடரில் தனக்கு பிடிக்காத ஒரு திருமணத்தை கட்டாயத்தின்பேரில் செய்து வைத்த நிலையில் பொன்னியின் ஆட்டம் தொடரும் என ரசிகர்களால் எதிர்பார்க்கப்பட்டு வருகிறது.