Vaadivasal glimpse: சூர்யாவின் அடுத்த அவதாரம்..பிறந்தநாள் பரிசாக வெளியானது வாடிவாசல் கிளிம்ப்ஸ்..!
சூர்யாவின் பிறந்தநாளை முன்னிட்டு வாடிவாசல் படத்தில் இருந்து புதிய கிளிம்ப்ஸ் வீடியோ வெளியிடப்பட்டிருக்கிறது
சூர்யாவின் பிறந்தநாளை முன்னிட்டு வாடிவாசல் படத்தில் இருந்து புதிய கிளிம்ப்ஸ் வீடியோ வெளியிடப்பட்டிருக்கிறது
தேசிய விருது வென்ற திரு @suriya_offl அவர்களின் பிறந்தநாள் அன்று, அவர் #வாடிவாசல் படத்திற்காக தன்னை தயார் படுத்திக்கொள்ள, மாடுபிடி வீரர்களுடன் பயிற்சி மேற்கொண்ட காட்சிகள் இன்று உங்களின் பார்வைக்கு @VetriMaaran @gvprakash @jacki_art @VelrajR #NotATeaserhttps://t.co/uEI8FQEYIc
— Kalaippuli S Thanu (@theVcreations) July 23, 2022
வாடிவாசல் படத்தின் தயாரிப்பாளர் கலைப்புலி எஸ்.தாணு பதிவிட்டு இருக்கும் ட்விட்டர் பதிவில், “ தேசிய விருது வென்ற சூர்யாவின் பிறந்தநாள் அன்று, அவர் வாடிவாசல் படத்திற்காக தன்னை தயார் படுத்திக்கொள்ள, மாடுபிடி வீரர்களுடன் பயிற்சி மேற்கொண்ட காட்சிகள் இன்று உங்களின் பார்வைக்கு என்று குறிப்பிட்டு சூர்யா பயிற்சி பெறும் வீடியோவை வெளியிட்டு இருக்கிறார்.
தமிழ் சினிமாவின் மிக முக்கியமான இயக்குநருமான வெற்றிமாறன் சூர்யாவுடன் முதன்முறையாக வாடிவாசல் படத்தில் இணைந்திருக்கிறார். எழுத்தாளர் சி.சு.செல்லப்பா எழுதிய வாடிவாசல் நாவலைத் தழுவி இந்தப்படம் எடுக்கப்பட்டு வருகிறது.
#வாடிவாசல் #Vaadivasal pic.twitter.com/smEdgnavXL
— Vetri Maaran (@VetriMaaran) July 23, 2020
கலைப்புலி எஸ். தாணு தயாரித்திருக்கும் இந்தப்படத்திற்கு ரசிகர்கள் மத்தியில் மிகப் பெரிய எதிர்பார்ப்பு நிலவுகிறது. இந்தப்படத்தில் இருந்து, முன்னதாக போஸ்டர் ஒன்று வெளியிடப்பட்ட நிலையில், பேட்டி ஒன்றில் வெற்றிமாறன், காளை ஒன்றுடன் சூர்யா பழக வைக்க வேண்டும் என்று கூறியிருந்தார்.
இப்படத்துக்கான டெஸ்ட் ஷூட் சென்னை கிழக்கு கடற்கரை சாலையில் ஏற்கெனவே நடைபெற்றது. படத்தின் நடிக்கும் காளையை சூர்யா அருகில் வைத்து கவனித்து வருகிறார். இதனிடையே நேற்று சூர்யாவின் சூரரைப்போற்று படத்தில் சிறந்த நடிப்பை வெளிப்படுத்தியதற்காக சிறந்த நடிகருக்கான தேசிய விருது வழங்கப்பட்டது. அவரது பிறந்தநாளான இன்று வாடிவாசல் படத்தில் இருந்து இந்த கிளிம்ப்ஸ் வீடியோ வெளியிடப்பட்டிருக்கிறது.
#VaadiVaasal Update🔥🔥@Suriya_offl @gvprakashhttps://t.co/N9Jwrl72PG pic.twitter.com/C1OxmwV0M2
— 🕊️ (@RazakSuriya) March 5, 2022
முன்னதாக, ‘வாடிவாசல்’ படத்தை பற்றி பேசிய இசையமைப்பாளர் ஜிவிபிரகாஷ் குமார் பேசியிருந்த போது, “ வெற்றியும் நானும் நிச்சயமாக ஒரு வெற்றி கூட்டணி. இப்போது நாங்கள் வாடிவாசல் படத்திற்காக வொர்க் பண்ணிக்கொண்டிருக்கிறோம். 2,3 பாடல்கள் ஆல்ரெடி கம்போஸ் செய்து முடித்து விட்டோம். ஒரு ராவானா, ஃபோக் மியூஸிக்காவும், ஃபோக்கோட எக்ஸ்ட்ரீமாவும் இசை இருக்கும். இதுமட்டுமல்லாமல் நேட்டிவ் சார்ந்த ஒரு ரஸ்டிக்கான மியூசிக்காக பாடல்கள் இருக்கும்.” என்று கூறியிருந்தது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
