KGF 2 Editor: கேஜிஎஃப்-2 எடிட்டருக்கு 19 வயது! யார் இந்த உஜ்வால் குல்கர்ணி?
கேஜிஎஃப்- 1 படத்திற்காக உஜ்வல் செய்திருந்த ஸ்பெஷல் எடிட் இயக்குனர் பிரஷாந்த் நீலின் கண்ணில் பட்டிருக்கிறது. அதனை அடுத்து, ஜேஜிஎஃப்-2 படத்தின் டீசர் கட் எடிட் செய்யயும் வாய்ப்பு கிடைத்திருக்கிறது.
கன்னட நடிகர் யஷ் நடிப்பில் கடந்த 2018ம் ஆண்டு வெளியான திரைப்படம் கே.ஜி.எப். பிரசாந்த் நீல் இயக்கிய இந்த படம் தமிழ், இந்தி, தெலுங்கு, மலையாளம் என வெளியாகிய அனைத்து மொழிகளிலும் மாபெரும் வெற்றி பெற்றது. மேலும் இந்த படம் அடுத்த பாகத்திற்கான தொடர்ச்சியுடன் முடிக்கப்பட்டிருக்கும். இதனால், இந்த படத்தின் இரண்டாம் பாகத்தின் மீது அதீத எதிர்பார்ப்பு ஏற்பட்டது.
ஊரடங்கு, கொரோனா உள்ளிட்ட காரணங்களால் படத்தின் இரண்டாம் பாகம் உருவாவதில் காலதாமதம் ஏற்பட்டது. இந்தநிலையில் நீண்ட இடைவெளிக்கு பிறகு மிகவும் எதிர்பார்க்கப்பட்ட கே.ஜி.எப். - 2 இரண்டாம் பாகம் ஏப்ரல் 14ம் தேதியான இன்று வெளியானது.
ஒருத்தன் வந்தான்... தீ பிடித்தது திரை... ஒரிஜினல் பீஸ்ட்... நாடி நரம்பை புடைக்க வைக்கும் கே.ஜி.எப்-2!
— ABP Nadu (@abpnadu) April 14, 2022
பட விமர்சனம்<< https://t.co/CvVraCk9ay#KGFChapter2 #KGF2 #KGF3 #Yash #RockyBhai
படம் வேற லெவலில் இருப்பதாக ட்விட்டர் பக்கத்தில் சினிமா ரசிகர்கள் 5 திற்கு 4 முதல் 5 ஸ்டார்கள் வரை கொடுத்து வருகின்றனர். இதனால், கே.ஜி.எப். - 2 ஒரு முழு பக்கா கமர்ஷியல் மூவி என்று புகழ்ந்து தள்ளி வருகின்றனர். திரைக்கதை, இயக்கம், ஒளிப்பதிவு, படத்தொகுப்பு என படத்தில் அனைத்தும் சிறப்பாக இருந்ததாக மக்களும், விமர்சகர்களும் பாராட்டி வருகின்றனர். இந்நிலையில், படத்தொகுப்பாளர் உஜ்வல் குல்கரணிக்கு சிறப்பு வாழ்த்துகள் குவிந்து வருகிறது. ஏனென்றால், கே.ஜி.எஃப் படத்தில் பணியாற்றி இருக்கும் அவருக்கு ஒரு இளம் படத்தொகுப்பாளர். அவருக்கு வயது 19.
சமூக வலைதளத்தில் ஆக்டீவான உஜ்வல், எடிட்டிங்கில் அசத்துபவராம். ஹிட்டான படங்களின் ஃபேன் எடிட் என சொல்லப்படும் வகையில் நிறைய வீடியோக்களை எடிட் செய்து அப்லோட் செய்து வந்திருக்கிறார். அந்த வரிசையில், கே.ஜி.எஃப்- 1 திரைப்படத்திற்காக இவர் செய்திருந்த ஒரு ஸ்பெஷல் எடிட் இயக்குனர் பிரஷாந்த் நீலின் கண்ணில் பட்டிருக்கிறது. அதனை அடுத்து, ஜே.ஜி.எஃப்-2 படத்தின் டீசர் கட் எடிட் செய்ய அவருக்கு வாய்ப்பு வழங்கப்பட்டுள்ளது.
வாய்ப்பை பயன்படுத்தி கொண்டு மெர்சல் காட்டிய உஜ்வலுக்கு, முழு படத்தையும் எடிட் செய்ய அழைப்பு வந்திருக்கிறது. இதனால், கே.ஜி.எஃப் - 2 படத்திற்கான ஃபைனல் எடிட்டை அவர் எடிட் செய்திருக்கிறார். தனது அறிமுக படத்திலேயே இந்திய சினிமாவை திரும்பி பார்க்க வைத்திருக்கும் உஜ்வல், அடுத்தடுத்து பெரிய படங்களில் பணியாற்றுவார் என எதிர்ப்பார்க்கப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
