Watch Video | ரியலிலும் ஜோடியான மேலும் ஒரு சீரியல் ஜோடி.! நடந்து முடிந்த திருமணம்! இன்ஸ்டாவில் வீடியோ!
கலர்ஸ் தொலைக்காட்சியில் ஒளிபரப்பாகும் திருமணம் தொடரின் நடிகர் சித்துவும், நடிகை ஸ்ரேயாவும் திருமணம் செய்து கொண்டுள்ளனர். அவர்களுக்கு பலரும் வாழ்த்து தெரிவித்து வருகின்றனர்.
தமிழ்நாட்டில் வெள்ளித்திரையில் தோன்றும் நடிகர்கள் மற்றும் நடிகைகளைப் போலவே, சின்னத்திரையில் தோன்றும் நடிகர், நடிகைகளுக்கும் தனி ரசிகர்கள் பட்டாளமே உள்ளது. குறிப்பாக, தொலைக்காட்சித் தொடர்களில் நடிக்கும் இளம் நடிகர், நடிகைகளுக்கு பல இளைஞர்கள் ரசிகர்கள் பட்டாளம் உள்ளது. மேலும், தொலைக்காட்சி தொடர்களில் ஜோடியாக நடித்து ரசிகர்களின் மனதில் நீங்காத இடம்பிடித்த பலரும் நிஜ வாழ்க்கையிலும் திருமணம் செய்து கொண்டு ஜோடியாக வாழ்கின்றனர்.
இந்த வரிசையில் புதிய சின்னத்திரை ஜோடி ஒன்றும் இணைந்துள்ளது. கலர்ஸ் தமிழ் தொலைக்காட்சியில் ஒளிபரப்பாகி வரும் தொடர் திருமணம். இந்த திருமணம் தொடருக்கு ரசிகர்கள் மத்தியில் நல்ல வரவேற்பு உள்ளது. திருமணம் தொடரில் சித்து நாயகனாகவும், ஸ்ரேயா நாயகியாகவும் நடித்து வருகின்றனர். கடந்த 2018ம் ஆண்டு முதல் ஒளிபரப்பாகி வரும் இந்த தொடரின் ஜோடிகளான சித்து – ஸ்ரேயா ஜோடி காதலிப்பதாக தகவல்கள் பரவியது. இருவரும் இதை உறுதி செய்தனர். விரைவில் இருவருக்கும் திருமணம் நடைபெற உள்ளதாக தகவல்கள் வெளியானது.
இந்த நிலையில், நடிகர் சித்து – நடிகை ஸ்ரேயா திருமணம் சமீபத்தில் நடைபெற்றது. இவர்களது திருமண புகைப்படங்களை சமீபத்தில் இன்ஸ்டாகிராம் பக்கத்தில் பதிவிட்டனர். அவர்களுக்கு திரைப்பிரபலங்கள், சின்னத்திரை பிரபலங்கள் மற்றும் ரசிகர்கள் வாழ்த்து தெரிவித்து வருகின்றனர்.
செம்பருத்தி தொடரில் நடித்து வந்த நடிகை ஷபானாவும், பாக்கியலட்சுமி சீரியலில் நடித்து வந்த நடிகர் ஆர்யனும் நீண்டகாலமாக காதலித்து வந்தனர். அவர்களும் கடந்த சில தினங்களுக்கு முன்புதான் திருமணம் செய்து கொண்டனர். அதேபோல, சின்னத்திரையின் மற்றொரு ஜோடிகளான ரேஷ்மா – மதனும் கடந்த சில தினங்களுக்கு முன்பு திருமணம் செய்துகொண்டனர். அவர்களுக்கும் சின்னத்திரை பிரபலங்கள், ரசிகர்கள் என்று பலரும் வாழ்த்து தெரிவித்தனர். இந்த வரிசையில் தற்போது திருமணம் தொலைக்காட்சி தொடரின் ஜோடி சித்துவும், ஸ்ரேயாவும் திருமணம் செய்துகொண்டு நிஜ ஜோடிகள் வரிசையில் இணைந்துள்ளனர்.
View this post on Instagram
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
