The GOAT: 'தி கோட்' பிரஸ் மீட் இன்றும் நடக்கவில்லை' - வேறு ஒரு நாளுக்கு ஒத்திவைப்பு

The GOAT: நடிகர் விஜய் நடித்துள்ள 'தி கோட்' படத்தின் பிரஸ் மீட் இன்று நடைபெற இருந்த நிலையில் தற்போது மீண்டும் ஒத்திவைக்கப்பட்டுள்ளது என்ற தகவல் வெளியாகியுள்ளது.

தி கிரேட்டஸ்ட் ஆஃப் ஆல் டைம்

Source : social media

ஏ.ஜி.எஸ் நிறுவனத்தின் தயாரிப்பில், வெங்கட் பிரபு இயக்கத்தில் நடிகர் விஜய் நடித்துள்ள 'தி கிரேட்டஸ்ட் ஆஃப் ஆல் டைம்' திரைப்படம் வரும் செப்டம்பர் 5ம் தேதி உலகெங்கிலும் உள்ள திரையரங்கில் வெளியாக உள்ளது. இப்படத்தில் நடிகர் பிரஷாந்த், பிரபு தேவா, அஜ்மல், மோகன், ஜெயராம், சினேகா, லைலா, மீனாட்சி சவுத்ரி, வைபவ் என மிக பெரிய திரை நட்சத்திர பட்டாளமே நடித்துள்ளது. யுவன் ஷங்கர் ராஜா இப்படத்துக்கு இசையமைத்துள்ளார். 

 

சமீபத்தில் வெளியான 'தி கோட்' படத்தின் டிரைலர் பெரிய அளவில் கவனம் ஈர்த்தது 50 மில்லியன் வியூஸ் கடந்தது. அதிலும் டிஏஜிங் தொழில்நுட்பம் மூலம் விஜய்யின் இளம் வயது காட்சிகள் ரசிகர்களுக்கு விசுவல் ட்ரீட்டாக இருந்தது. இப்படம் வெளியாக இன்னும் ஒரு சில நாட்களே உள்ளதால் படத்தின் புரொமோஷன் பணிகளில் தீவிரமாக ஈடுபட உள்ளனர்  படக்குழுவினர். அந்த வகையில் 'தி கோட்' படக்குழுவினர் கலந்து கொள்ளும் பிரஸ் மீட் ஒன்று ஆகஸ்ட் 29ம் தேதியான இன்று நடைபெறும் என்ற அறிவிப்பு சில தினங்களுக்கு முன்னர் வெளியானது. ஆனால் தற்போது அந்த பிரஸ் மீட் இன்று நடைபெறவில்லை என்றும் வேறு ஒரு நாளுக்கு ஒத்திவைக்கப்பட்டுள்ளது என்றும் தகவல் வெளியாகியுள்ளது. மிகவும் ஆர்வமுடன் காத்திருந்த ரசிகர்களுக்கு இது மிக பெரிய ஏமாற்றமாக அமைந்தது.   

இந்நிலையில் படத்திற்கு ஏற்கனவே தணிக்கை குழு யு/ஏ சான்றிதழ் வழங்கிய நிலையில் தற்போது மீண்டும் மாற்றப்பட்ட திரையிடல் நேரத்துக்கு சான்றிதழ் வழங்கியுள்ளது. 2 மணி நேர 58 நிமிடங்கள் நீளம் கொண்டது என கூறப்பட்ட நிலையில் தற்போது ஒரு சில காட்சிகள் சேர்க்கப்பட்டு தற்போது 3 மணி நேர 3 நிமிடங்கள் வரை நீட்டிக்கப்பட்டுள்ளது. இதற்காக மீண்டும் 'தி கோட்' படம் தணிக்கை செய்யப்பட்டுள்ளது என்பது குறிப்பிடத்தக்கது.