Thani oruvan 2 : மீண்டும் வரப்போகிறாரா சித்தார்த் அபிமன்யு? தனி ஒருவன் 2 மாஸ் அப்டேட் வந்தாச்சு...

தனி ஒருவன் திரைப்படம் வெளியாகி 8 ஆண்டுகள் நிறைவடைய உள்ளதைத் தொடர்ந்து தற்போது இப்படத்தின் இரண்டாம் பாகம் குறித்தான அப்டேட் வெளியாகி இருக்கிறது.

தனி ஒருவன். image source; twitter

மோகன் ராஜா இயக்கத்தில் கடந்த 2015ஆம் ஆண்டு, ஆகஸ்ட் 28ஆம் தேதி தனி ஒருவன் திரைப்படம் வெளியானது. இந்நிலையில் வரும் வாரத்தில் இப்படம் 8 ஆண்டுகளை நிறைவு செய்ய உள்ளது. 

இந்நிலையில், தனி ஒருவன் படத்தின் இரண்டாம் பாகத்தின் அப்டேட்டை வெளியிட இருக்கிறது படக்குழு. முந்தைய படத்தில் வில்லனான சித்தார்த் அபிமன்யு கதையில் உயிரிழந்ததைத் தொடர்ந்து தற்போது வில்லனாக யார் நடிக்க இருக்கிறார் என்கிற எதிர்பார்ப்பு இருந்து வருகிறது.

தனி ஒருவன்

ஜெயம், எம் குமரன், உனக்கும் எனக்கும் என தொடர்ச்சியாக ரீமேக் படங்களை இயக்கிய மோகன் ராஜா வேலாயுதம் படத்தைத் தொடர்ந்து திரைக்கதை எழுதி இயக்கிய திரைப்படம் தனி ஒருவன். கடந்த 2015ஆம் ஆண்டு இப்படம் வெளியானது. ஜெயம் ரவி, நயன்தாரா, அரவிந்த் சாமி ஆகியோர் இப்படத்தில் முக்கிய க்கதாபாத்திரங்களில் நடித்த நிலையில், ஹிப் ஹாப் தமிழா இந்தப் படத்திற்கு இசையமைத்திருந்தார்.

இமேஜை மாற்றிய மோகன் ராஜா

ரீமேக் ராஜா என்று இணையத்தில் கேலிகளுக்குள்ளான இயக்குநர் மோகன் ராஜா, தன் மீதான் இமேஜை மொத்தமாக மாற்றிய படம் தனி ஒருவன். இந்தப் படத்தில் அரவிந்த் சாமியின் கதாபாத்திரத்தை மிக சிறப்பாக அமைத்திருந்தார் மோகன். கிட்டத்தட்ட மிக சாதாரணமான ஒரு ஹீரோ - வில்லன் கதையை மிக நேர்த்தியான திரைக்கதை மூலம் விறுவிறுப்பான படமாக உருவக்கினார் மோகன் ராஜா. ரீமேக் மட்டும் இல்லை தன்னால் சொந்தமாக திரைக்கதை எழுதி  நல்லப் படங்களை கொடுக்க முடியும் என்று அனைவருக்கு நிரூபித்தார்.

தனி ஒருவன் 2

இந்த ஆகஸ்ட் மாதம் 28 ஆம் தேதியுடன் 8 ஆண்டுகளை நிறைவு செய்கிறது தனி ஒருவன் திரைப்படம். பல வருடங்களாக இந்தப் படத்தின் இரண்டாவது பாகத்தை கேட்டு வரும் ரசிகர்களுக்கு கடைசியாக நல்ல செய்தி சொல்லியிருக்கிறார்கள் இயக்குநர் மோகன் ராஜா மற்றும் ஜெயம் ரவி, இந்த்ப படத்தின் அப்டேட் வரும் 28 ஆம் தேதி அன்று வெளியிடப்படும் என வீடியோ ஒன்றை தனது சமூக வலைதளப் பக்கத்தில் பதிவிட்டுள்ளார் மோகன் ராஜா.

 

 

Fans are eagerly waiting for the official announcement of #ThaniOruvan2 on August 28th to mark the 8-year anniversary of the blockbuster #ThaniOruvan🔥💥😍

The announcement was initially made through a short video on the 3rd anniversary of “Thani Oruvan.” pic.twitter.com/lLG8lQKqo7

— KARTHIK DP (@dp_karthik) August 16, 2023