Malavika Mohanan: அட.. ‘அனிமல்’ நாயகன் ரன்பீர் கபூருடன் இணையும் நம்ம மாளவிகா.. எந்தப் படம் தெரியுமா?
Malavika Mohanan: மாளவிகா மோகனன் தற்போது பா.ரஞ்சித் இயக்கியிருக்கும் தங்கலான் படத்தில் நடித்து முடித்துள்ளார்.
அனிமல்
ரன்பீர் கபூர் நடித்துள்ள அனிமல் திரைப்படம் கடந்த டிசம்பர் 1ஆம் தேதி வெளியானது. அர்ஜூன் ரெட்டி படத்தை இயக்கிய சந்தீப் ரெட்டி வங்கா இப்படத்தை இயக்கியுள்ளார். ராஷ்மிகா மந்தனா கதாநாயகியாகவும் அனில் கபூர், ட்ரிப்தி டிம்ரி, பாபி தியோல், பப்லு ப்ரித்விராஜ் உள்ளிட்டவர்கள் முக்கியக் கதாபாத்திரங்களிலும் இந்தப் படத்தில் நடித்துள்ளார்கள் .
வசூல் வேட்டையில் அனிமல் திரைப்படம்
அனிமல் திரைப்படத்தின் மூலம் பாலிவுட் நடிகர் பாபி தியோல் மீண்டும் வெளிச்சத்திற்கு வந்துள்ளார். மேலும் இந்தப் படத்தில் சிறிய கதாபாத்திரத்தில் நடித்த ட்ரிப்தி டிம்ரி இணையதளத்தில் வைரலாகி வருகிறார். இந்தப் படத்தில் நடித்த நடிகர் பப்லு ப்ரித்விராஜ் பரவலான கவனத்தை ஈர்த்துள்ளார். இப்படியாக அனிமல் படத்தின் நடிகர்கள், இயக்குநர்கள் என பலரும் ஒரு தரப்பு மக்களால் கொண்டாடப்பட, மறு தரப்பு மக்கள் கடுமையாக படத்தை விமர்சித்து வருகிறார்கள். ஆணாதிக்க கருத்துகள், பெண்களுக்கு எதிரான திசைதிருப்பப்பட்ட வன்முறையான காட்சிகள் என அனிமல் படத்தில் சர்ச்சையை கிளப்பும் பல காட்சிகள் இடம்பெற்றிருக்கின்றன.
கடும் விமர்சனங்களுக்கு மத்தியிலும் அனிமல் திரைப்படம் இந்த ஆண்டின் அதிகம் வசூல் ஈட்டிய படங்களில் இணைந்துள்ளது. 14 நாட்களில் இப்படம் 784.45 கோடிகளை இப்படம் வசூலித்துள்ளது.
. #Animal Record Breaking Reign Continues 🪓💥
— T-Series (@TSeries) December 13, 2023
Book your Tickets 🎟️https://t.co/QvCXnEetUb#AnimalTakesOverTheNation #AnimalInCinemasNow #Animal #AnimalHuntBegins #BloodyBlockbusterAnimal #AnimalTheFilm @AnimalTheFilm @AnilKapoor #RanbirKapoor @iamRashmika @thedeol… pic.twitter.com/STaZTomXqB
இரண்டாம் பாகத்தில் இணையும் மாளவிகா மோகணன்
அனிமல் படத்தின் முதல் பாகத்தைத் தொடர்ந்து இரண்டாம் பாகமும் உருவாக இருக்கிறது. இரண்டாம் பாகத்தில் ரன்பீர் கபூர் இரு கதாபாத்திரங்களில் நடிக்க இருப்பதால் இந்தப் படத்தின் மீது மிகப்பெரிய எதிர்பார்ப்பு உருவாகி இருக்கிறது. தற்போது அனிமல் படத்தில் நடிகை மாளவிகா மோகனன் நடிக்க இருப்பதாகத் தகவல் வெளியாகி இருக்கிறது.
மலையாள நடிகையான மாளவிகா மோகனன் பேட்ட, மாறன், மாஸ்டர் உள்ளிட்ட படங்களில் நடித்து தமிழ் சினிமாவில் கவனமீர்த்துள்ளார். இந்நிலையில் அனிமல் இரண்டாம் பாகத்தில் மாளவிகா நடிக்க உள்ளதாக பாலிவுட் வட்டாரத்தில் தகவல்கள் வெளியாகி வருகின்றன.
கதாபாத்திரங்களுக்கு முக்கியத்துவம் அளித்து நடிப்பதில் கவனம் செலுத்த இருப்பதாக சமீபத்தில் அவர் கூறியிருந்த நிலையில், அனிமல் இரண்டாம் பாகத்தில் அவர் நடிப்பது குறித்து குழப்பம் எழுந்துள்ளது. இதுதொடர்பான அதிகாரப்பூர்வமான தகவல்கல் விரைவில் வெளியாகும் என்று எதிர்பார்க்கலாம்.
தங்கலான்
மாளவிகா மோகனன் தற்போது பா.ரஞ்சித் இயக்கியிருக்கும் தங்கலான் படத்தில் நடித்து முடித்துள்ளார். விக்ரம், பார்வதி திருவோத்து உள்ளிட்டவர்கள் நடித்துள்ள இந்தப் படத்திற்கு ஜி.வி.பிரகாஷ் குமார் இசையமைத்துள்ளார். சமீபத்தில் தங்கலான் படத்தின் டீசர் வெளியாகி இணையதளத்தில் வெளியாகி வைரலாகியது. மேலும் இந்த டீசரில் மாளவிகா மோகனனின் கெட் அப் அனைவரையும் கவர்ந்திருந்தது.
தலைப்பு செய்திகள்
ட்ரெண்டிங் செய்திகள்
