20 ஆண்டுகளுக்கு பிறகு ரீ ரிலீஸ்... எதிர்பார்ப்போடு வெளியாகி வசூலில் ஜொலிக்க முடியாத சச்சின் 2 நாள் வசூல் இவ்வளவு தானா?

விஜய் நடிப்பில் வெளியான 'சச்சின்' படம் இப்போது மீண்டும் ரீ ரிலீஸ் செய்யப்பட்டு ரசிகர்களிடையே நல்ல வரவேற்பு பெற்று வந்தாலும் எதிர்பார்த்த வசூலை பெறாதது ஏமாற்றம் என கூறப்படுகிறது.

சச்சின் பட இரண்டாவது நாள் வசூல் குறித்த தகவல் வெளியாகி உள்ளது

Source : twitter

இயக்குநர் ஜான் மகேந்திரன் இயக்கத்தில், தளபதி விஜய், ஜெனிலியா, வடிவேலு, ரகுவரன் உள்ளிட்ட பலர் நடிப்பில் கடந்த 2005 ஆம் ஆண்டு ஏப்ரல் 14ஆம் தேதி வெளியான படம் தான் சச்சின். கலைப்புலி எஸ் தாணுவின் வி கிரியேஷன்ஸ் நிறுவனம் இந்தப் படத்தை தயாரித்தது. தேவி ஸ்ரீ பிரசாத் படத்திற்கு இசையமைத்திருந்தார். ரசிகர்களிடையே நல்ல வரவேற்பு பெற்ற இந்தப் படம், விஜய்யை காமெடி கலந்த ரொமான்டிக் படமாக உருவாகி இருந்தது. ஆக்‌ஷன் கதாபாத்திரங்களை மட்டுமே தேர்வு செய்து நடித்து வந்த விஜய், தன்னால் இப்படியும் நடிக்க முடியும் என நிரூபித்தார்.

படம் வெளியாகி 20 ஆண்டுகள் கடந்த நிலையில் இந்தப் படத்திற்கு இருக்கும் வரவேற்பு காரணமாக இந்தப் படத்தை மீண்டும் ரிலீஸ் செய்வதாக தயாரிப்பாளர் கலைப்புலி எஸ் தாணு அறிவித்திருந்தார். அதன்படி, இந்தப் படம் கடந்த 18ஆம் தேதி ரீ ரிலீஸ் செய்யப்பட்டது. ஏற்கனவே திரையரங்குகளில் அஜித் நடிப்பில் உருவான குட் பேட் அக்லீ படம் வெளியாகி ரசிகர்களிடையே நல்ல வரவேற்பு பெற்று வரும் நிலையில் இப்போது ரீ ரிலீஸ் செய்யப்பட்டிருக்கும் விஜய்யின் சச்சின் படத்தின் வசூல் நிலவரம் குறித்து முக்கியமான தகவல் வெளியாகியிருக்கிறது.

சச்சின் படம் ரீ ரிலீஸ் செய்யப்பட்டு இரண்டு நாட்களில் இதுவரை ரூ.6 கோடி மட்டுமே வசூல் செய்துள்ளதாக கூறப்படுகிறது. ஆனால் கடந்த 2005-ஆம் ஆண்டு சச்சின் படம் ரிலீஸ் ஆன போது, இரண்டு நாட்களில் ரூ.10 கோடி வசூல் செய்திருந்தது குறிப்பிடத்தக்கது. 

இதற்கு முன்னதாக விஜய்யின் கில்லி படம் மீண்டும் ரீ ரிலீஸ் செய்யப்பட்டு வசூல் ரீதியாக நல்ல வரவேற்பு பெற்ற நிலையில், சச்சின் திரைப்படம் அந்த படம் வசூல் செய்ததில் கால்வாசியை கூட நெருங்காதது படக்குழுவினரையும், தயாரிப்பாளர் தரப்பையும் அதிர்ச்சி அடைய வைத்துள்ளது. 

விஜய் அரசியலில் கால்பதித்துவிட்ட நிலையில் அவரது கடைசி படமாக ஜனநாயகன் உருவாகி வருகிறது. இப்படம் அடுத்த ஆண்டு திரைக்கு வர உள்ளது. விஜய் சினிமாவில் இருந்து முழுமையாக விலகி விட்டதால், இனி வரும் விஜய் படங்களை அனைத்தும் ரீ ரிலீஸ் படங்களாகவே இருக்கும் என எதிர்பார்க்கப்படுகிறது.