![ABP Premium](https://cdn.abplive.com/imagebank/Premium-ad-Icon.png)
Ghilli Box Office Collection: வாவ்.. ரீ-ரிலீஸில் சொல்லி அடித்த விஜய்யின் கில்லி .. முதல் நாள் வசூலே இவ்வளவா?
சாக்லேட் பாயாக வலம் வந்த நடிகர் விஜய்யை ஆக்ஷன் ஹீரோவாக அடையாளம் காட்டியதில் இந்த படத்துக்கு மிகப்பெரிய பங்குண்டு
![Ghilli Box Office Collection: வாவ்.. ரீ-ரிலீஸில் சொல்லி அடித்த விஜய்யின் கில்லி .. முதல் நாள் வசூலே இவ்வளவா? Thalapathy Vijay's Ghilli Re Release Day 1 box office collection full details Ghilli Box Office Collection: வாவ்.. ரீ-ரிலீஸில் சொல்லி அடித்த விஜய்யின் கில்லி .. முதல் நாள் வசூலே இவ்வளவா?](https://feeds.abplive.com/onecms/images/uploaded-images/2024/04/21/0edb2e172c1b6c21095c91e315de7b871713685972099572_original.jpg?impolicy=abp_cdn&imwidth=1200&height=675)
நடிகர் விஜய் நடித்துள்ள கில்லி படம் ரீ-ரிலீஸ் ஆகியுள்ள நிலையில் இப்படத்தின் முதல் நாள் வசூல் நிலவரம் குறித்த தகவல் வெளியாகியுள்ளது.
தயாரிப்பாளர் ஏ.எம்.ரத்னம் தயாரிப்பில் தரணி இயக்கத்தில் வெளியான படம் “கில்லி”. 2004 ஆம் ஆண்டு வெளியான இப்படத்தில் விஜய், த்ரிஷா, பிரகாஷ்ராஜ், பாண்டு, தாமு என பலரும் நடித்திருந்தனர். வித்யாசாகர் இசையமைத்த இப்படம் வெளியான காலக்கட்டத்தில் மிகப்பெரிய வசூலை ஈட்டியது. திரையிட்ட இடமெல்லாம் திருவிழா கோலம் பூண்ட கில்லி படம் இப்போது டிவியில் போட்டால் கூட ஒரு காட்சியையும் மிஸ் செய்யாமல் பார்ப்பவர்கள் ஏராளம்.
From 6 to 60 everyone is celebrating Thalapathy on big screens 🤩#Ghilli #GhilliReRelease pic.twitter.com/zLDxBW0XKd
— Vijay Fans Trends 🐐 (@VijayFansTrends) April 21, 2024
சாக்லேட் பாயாக வலம் வந்த நடிகர் விஜய்யை ஆக்ஷன் ஹீரோவாக அடையாளம் காட்டியதில் இந்த படத்துக்கு மிகப்பெரிய பங்குண்டு. கில்லி படம் வெளியான காலக்கட்டத்தில் ரூ.50 கோடி வசூலை ஈட்டி அனைவரையும் ஆச்சரியத்தில் ஆழ்த்தியது.
ரீ-ரிலீஸ் கொண்டாட்டம்
இதனிடையே 20 ஆண்டுகள் கழித்து கில்லி படம் ரீ-ரிலீஸ் செய்யப்பட்டுள்ளது. கடந்த ஓராண்டாகவே பழைய படங்கள் எல்லாம் மீண்டும் டிஜிட்டலுக்கு மாற்றப்பட்டு வெளியான நிலையில் கில்லி படத்தை வெளியிட வேண்டும் என ரசிகர்கள் கோரிக்கை விடுத்து வந்தனர். இப்படியான நிலையில் பெரும் எதிர்பார்ப்புகளுக்கிடையே இந்த படம் மீண்டும் வெளியானதால் ரசிகர்கள் மட்டுமல்லாது அனைத்து தரப்பினரும் கூட்டம் கூட்டமாக தியேட்டருக்கு படையெடுத்து வருகின்றனர்.
#Ghilli Day 2 Celebration 🥁📈💥#TheGreatestOfAllTime #GhilliReRelease #TVKVijay #Leo @actorvijaypic.twitter.com/9ljYjb7wt3
— Mᴜʜɪʟツ𝕏 (@MuhilThalaiva) April 21, 2024
நீண்ட இடைவெளிக்குப் பின் தியேட்டர்கள் 80 சதவிகித காட்சிகள் ஹவுஸ்புல்லாகி விட்டது. ஆட்டம், பாட்டம், கொண்டாட்டம் என புதிய படம் ரிலீஸானதைப் போல தியேட்டர்கள் களைகட்டியுள்ளது. இந்நிலையில் கில்லி படத்தின் முதல் நாள் வசூல் நிலவரம் குறித்த தகவல் வெளியாகியது. அதன்படி இப்படம் ரூ.10 கோடி வசூலை ஈட்டியுள்ளதாக சினிமா வட்டாரங்கள் தகவல் தெரிவிக்கின்றன. இன்று விடுமுறை நாள் என்பதால் அனைத்து காட்சிகளும் பெரும்பாலும் நிரம்பி விட்டது. இதனால் முதல் நாள் வசூலை 2ஆம் வசூல் முறியடிக்கும் என எதிர்பார்க்கப்படுகிறது. மேலும் கில்லி படத்தின் மொத்த வசூலான ரூ.50 கோடி சாதனையும் ரீ-ரிலீஸில் முறியடிக்கப்படும் என கூறப்படுகிறது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)