Thalaivar 171 : யார் ரஜினிகாந்தின் அடுத்த சாய்ஸ்? முன்னுரிமை யாருக்கு? தலைவர் 171 நியூ அப்டேட் இதுவா...

ஜெயிலர், லால் சலாம் படத்தை தொடர்ந்து தலைவர் 171 படத்தை இயக்க போகும் இயக்குநர் சர்வதேச அளவில் பாராட்டுகளை குவித்த டி.ஜெ. ஞானவேல் என கூறப்படுகிறது. வாசு என கூறிய தகவல் என்ன ஆச்சு? ரசிகர்கள் குழப்பம்.

தலைவர் 171 அப்டேட் டி. ஜெ. ஞானவேல் - ரஜினிகாந்த் கூட்டணி

 

புத்தாண்டு பிறந்ததும் சூப்பர் ஸ்டார் ரஜினிகாந்த் எடுத்துள்ள புதிய தீர்மானம் இனிமேல் அடுத்தடுத்து படங்களில் நடிக்க வேண்டும் என்பதாக இருக்கும் போல தெரிகிறது. அதில் அவர் ரசிகர்களுக்கு ஒரு மகிழ்ச்சியான செய்தி என்னவென்றால் இனிமேல் ரஜினிகாந்த் வழக்கமான மசாலா படங்களாக தேர்வு செய்யாமல் வித்தியாசமான கதாபாத்திரங்களாக தேர்வு செய்து நடிக்கவுள்ளார். வழக்கமான சூப்பர்ஸ்டார் போல் இல்லாமல் இனி வித்தியாசமான கலக்கலான ஒரு ரஜினிகாந்தை பார்க்கலாம் என மிகுந்த ஆனந்தத்தில் உள்ளனர் ரஜினி ரசிகர்கள்.  

 

ஜெயிலர் படத்தை தொடர்ந்து :

தற்போது ரஜினிகாந்த் நெல்சன் திலீப்குமார் இயக்கத்தில் மலையாள சூப்பர் ஸ்டார் மோகன்லால் மற்றும் சிவராஜ்குமார் இணைந்து நடிக்கும் படத்தில் ஜெயிலர் கதாபாத்திரத்தில் முத்துவேல் என்ற பெயரில் நடிக்கிறார் என கூறப்படுகிறது. இப்படத்தின் படப்பிடிப்பு முடியும் கட்டத்தில் உள்ளது. அதனை தொடர்ந்து மகள் ஐஸ்வர்யா ரஜினிகாந்த் இயக்கும் 'லால் சலாம்' படத்தில் ஒரு முக்கியமான கதாபாத்திரத்தில் நடிக்கிறார். இப்படத்தில் லீட் ரோலில் விஷ்ணு விஷால் மற்றும் விக்ராந்த் நடிக்கிறார்கள். 

 

#LetsCinema Exclusive: Superstar Rajinikanth's immediate project after #Jailer will be directed by 'Jai Bhim' fame TJ Gnanavel, Lyca Productions on board as producers. pic.twitter.com/DZDUvtRgzw

— LetsCinema (@letscinema) January 13, 2023

தலைவர் 171 அப்டேட்:

ஏற்கனவே வெளியான தகவலின் படி 'தலைவர் 171' படத்தை இயக்குநர் பி. வாசு தயாரிக்கவுள்ளார் என கூறப்பட்டது. ஆனால் தற்போதய தகவலின் படி ரஜினிகாந்த் விமர்சன ரீதியாக பாராட்டுகளை குவித்த இயக்குனர் டி.ஜே. ஞானவேலுடன் கூட்டணி சேர உள்ளார் என கூறப்படுகிறது. இயக்குனர் சூப்பர் ஸ்டாருக்கு ஒரு கதையை சொல்லியதாகவும் அது தலைவருக்கு மிகவும் பிடித்து போகவே கதையை உடனே டெவலப் செய்ய சொல்லியதாகவும் கூறப்படுகிறது. இப்படத்திற்கு முன்னுரிமை கொடுத்து தேதிகளை ஒதுக்க போவதாகவும் தகவல்கள் பரிமாறப்படுகின்றன. 

Confirmed - #Rajinikanth sir's next movie after #Jailer & #LalSalaam is with TJ Gnanavel (Jai Bhim fame) 👌🔥
Produced by Lyca🎬#Thalaivar171

— AmuthaBharathi (@CinemaWithAB) January 13, 2023

வெல்லப்போவது வாசுவா? ஞானவேலா? 

இயக்குனர் ஞானவேல் இயக்கத்தில் நடிகர் சூர்யா, லிஜோமோல் ஜோஸ் மற்றும் மணிகண்டன் முக்கிய கதாபாத்திரத்தில் நடித்த 'ஜெய்பீம்' திரைப்படம் விமர்சன ரீதியாக சர்வதேச அளவில் பாராட்டுகளை குவித்தது என்பது குறிப்பிடத்தக்கது. ரஜினி முதலில் இயக்குனர் வாசு படத்தை தேர்வு செய்வாரா அல்லது ஞானவேல் படத்திற்கு முன்னுரிமை கொடுக்க உள்ளாரா என்பதை பொறுத்து இருந்து தான் பார்க்க வேண்டும். இப்படத்தை லைகா நிறுவனம் தயாரிக்க போவதாகவும் சினிமா வட்டாரங்கள் தெரிவிக்கின்றன. ஆனால் இந்த தகவல் குறித்த அதிகாரப்பூர்வமான தகவல் எதுவும் இதுவரையில் வெளியாகவில்லை.