Valimai First Single Release: 10 மணிக்கு பத்திரம்... உற்சாகத்துல கத்துறோம்... ‛வலிமை’ ஃபர்ஸ்ட் சிங்கிள் வெளியாவதாக தகவல்!

அஜித்-யுவன் சங்கர் ராஜா கூட்டணியில் தீனா தொடங்கி பல வெற்றி படங்கள் அமைந்துள்ளன. எனவே இந்தப் படத்தின் பாடல்களுக்கும் ரசிகர்கள் ஆவலுடன் காத்திருக்கின்றனர்.

அஜித் - யுவன்

நடிகர் அஜித்தின் ‘வலிமை’ படத்தின் மோஷன் போஸ்டர் சமீபத்தில் வெளியானது. இதன்மூலம், இரண்டு ஆண்டு காத்திருப்புக்கு பின் அஜித் ரசிகர்களின் எதிர்பார்ப்பு பூர்த்தி செய்யப்பட்டது. இப்போது, வலிமை படத்தின் ஃபர்ஸ்ட் சிங்கிள் இன்று இரவு வெளியாக இருப்பதாக தகவல்கள் வெளியாகியுள்ளது.  அஜித்-யுவன் சங்கர் ராஜா கூட்டணியில் தீனா தொடங்கி பல வெற்றி படங்கள் அமைந்துள்ளன. எனவே இந்தப் படத்தின் பாடல்களுக்கும் ரசிகர்கள் ஆவலுடன் காத்திருக்கின்றனர். இதுவும் ஹிட் அடிக்கும் என்று அஜித் ரசிகர்கள் நம்பிக்கையுடன் உள்ளனர். 

#ThalaAjith eagerly awaited #Valimai first single from @thisisysr releasing tonight, expecting to set social media on fire! #ValimaiFirstSingle@BoneyKapoor #Hvinoth @SonyMusicSouth pic.twitter.com/UpBKAiYhyj

— Sreedhar Pillai (@sri50) August 2, 2021

#ValimaiFirstSingle will arrive directly without any prior announcement from the official team after 10 PM IST tonight.. #Valimai #Thala #Ajith

— Ramesh Bala (@rameshlaus) August 2, 2021

இன்று வெளியாக இருக்கும் பாடலை யுவன் பாடியிருக்கலாம் என தெரிகிறது. மாலை வெளியாக இருக்கும் சிங்கிளை எதிர்பார்த்து இப்போது, நெட்டிசன்கள் #ValimaiFirstSingle ஹேஷ்டேகை டிரெண்ட் செய்ய ஆரம்பித்துவிட்டனர். ஃபர்ஸ்ட் சிங்கிள் இன்று இரவு 10 மணி வெளியாகும் என எதிர்பார்க்கப்படுகிறது. 

Veramaari sung by your favorite MD ❤#ValimaiFirstSingle@thisisysr power💥

— S Abishek Raaja (@cinemapayyan) August 2, 2021

வலிமை திரைப்படத்தில் அஜித்துடன், கார்த்திகேயா, ஹுமா குரேஷி, சுமித்ரா, மற்றும் ராஜ் அய்யப்பா ஆகியோர் முக்கிய கதாபாத்திரத்தில் நடித்துள்ளனர். இந்த திரைப்படத்திற்கு நிரவ்ஷா ஒளிப்பதிவு செய்துள்ளார். வலிமை படத்தை பொருத்தவரை, ஆகஸ்ட் இறுதிக்குள் திரைப்படத்தை வெளியிட வேண்டும் என்று படக்குழு திட்டமிட்டுள்ளது. இதனால், படத்தில் எஞ்சியுள்ள சில காட்சிகளை விரைந்து முடித்து போஸ்ட் புரொடக்‌ஷன் பணிகளில் கவனம் செலுத்த முடிவு செய்துள்ளது. இந்நிலையில், கொரோனா பரவலை பொருத்து, படத்தின் வெளியீடு தேதி முடிவு செய்யப்படும் என தெரிகிறது. 

The wait is over! #ValimaiMotionPoster #Valimai pic.twitter.com/22z59gGNL4

— Boney Kapoor (@BoneyKapoor) July 11, 2021

அஜித் ரசிகர்கள், பிரதமரின் சென்னை வருகை, சென்னை டெஸ்ட் போட்டி, கால்பந்து போட்டி, இந்தியா - நியூசிலாந்து உலக சாம்பியன்ஷிப் டெஸ்ட் போட்டி, யூரோ கால்பந்து போட்டி என எங்கு பார்த்தாலும், வலிமை அப்டேட் கேட்டு அதகளப்படுத்தினர். இந்நிலையில், திரைப்படத்தின் முதல் பாடல் வெளியாக உள்ளது என்ற தகவல் ரசிகர்கள் மத்தியில் எதிர்பார்ப்பை அதிகரித்துள்ளது.