Valimai Second Single | யுவன் பிறந்தநாளுக்கு ஸ்பெஷலாக வருகிறதா 'வலிமை'யின் இரண்டாவது பாடல்..?

வலிமை படத்தின் இரண்டாவது பாடல் நாளை வெளியாகலாம் என தகவல் கசிந்துள்ளது

யுவன் - அஜித்

போனி கபூர், எச்.வினோத், அஜித் ஆகியோர் முதல்முறையாக  ‘நேர்கொண்ட பார்வை’ படத்தின் மூலம் கூட்டணி அமைத்தனர். இந்த படம் குறித்த அறிவிப்பு வெளியாகும்போதே, இவர்கள் கூட்டணியில் அடுத்தடுத்து இரண்டு படங்கள் வெளியாகும் என்று அறிவிக்கப்பட்டது. பாலிவுட்டின் ரீமேக்கான  ‘பிங்க்’ படம், நேர்கொண்ட பார்வை என்று தமிழில் வெளியாகி வெற்றி பெற்றது. இதனைத்தொடர்ந்து, இதே கூட்டணியில், ‘வலிமை’ திரைப்படம் உருவாகி வருகிறது.

இந்தப் படத்தின் பணிகள் 2019-ஆம் ஆண்டிலேயே தொடங்கப்பட்ட நிலையில், கொரோனா, ஊரடங்கு பல்வேறு இன்னல்களால் படப்பிடிப்புகள் தடைப்பட்டு வந்தது. தற்போது, அனைத்து பிரச்னைகளும் தீர்ந்த நிலையில், இறுதிக்கட்டத்தில் படப்பிடிப்பு பணிகள் உள்ளன. இந்தப் படம் குறித்து எந்தவொரு அப்டேட்களும் வெளியாக இருந்த நிலையில், சமீபத்தில் படத்தின் ஃபர்ஸ்ட் லுக், ஃபர்ஸ்ட் சிங்கிள் பாடல் வெளியாகி ரசிகர்களிடையே வரவேற்பை பெற்றது. 

இந்நிலையில் வலிமை படத்தின் இரண்டாவது பாடல் நாளை வெளியாகலாம் என தகவல் கசிந்துள்ளது. இசையமைப்பாளர் யுவன் சங்கர் ராஜாவின் பிறந்தநாள் நாளை கொண்டாடவுள்ள நிலையில் வலிமையின் இரண்டாவது பாடல் வெளியாகவுள்ளதாக கூறப்படுகிறது. அதிகாரப்பூர்வமாக தகவல் வெளியாக நிலையில் கசிந்த தகவலே இணையத்தில் ஹிட் அடித்து வருகிறது. #ValimaiSecondSingle என்ற ஹேஸ்டேக் ட்விட்டரின் இந்திய அளவில் ட்ரெண்டிங்கில் உள்ளது.

இந்த நிலையில், வலிமை(Valimai) படத்தின் கடைசி கட்ட படப்பிடிப்புக்காக ரஷ்யா சென்ற படக்குழு, கடந்த 20-ஆம் தேதி முதல் மாஸ்கோவில் படப்பிடிப்பை நடத்தி வருகிறது. அங்கு சண்டைக்காட்சி படமாக்கப்பட்டு வருகிறது. முழு படப்பிடிப்பும் செப்டம்பர் 3-ஆம் தேதியுடன் நிறைவடைகிறது. இதனைத்தொடர்ந்து, படக்குழு நாடு திரும்புகிறது. படப்பிடிப்பு நிறைவடைந்த உடன் மற்ற பணிகள் தொடங்கப்பட்டு, படத்தை வெளியிடுவதற்காக வேலைகளில் படக்குழுவினர் ஈடுபடவுள்ளனர். தீபாவளிக்கு திரையரங்குகளைத் தெறிக்கவிடும் என அஜீத் ரசிகர்கள் எதிர்பார்த்து வந்த நிலையில், முன்னதாகவே ரிலீஸ் இருக்கும் என எதிர்பார்க்கப்படுகிறது. இதற்கிடையே படத்தின் டீசர்  வெளியாகும் எனக் கூறப்படுகிறது. 

Today update undam..👀?#ValimaiSecondSingle #Valimai 😍 pic.twitter.com/xIVl34GcGR

— Kishor kumar (@KishorWolverine) August 30, 2021

Can We Expect #ValimaiSecondSingle Tomorrow 😎🔥💯🔥😍

It Will Be Double TREAT 😈🤩#DecadeOfKWPrideMANKATHA

WAITING FOR MANKATHA 2#AjithKumar #Valimai

— THALA WARRIOR™ (@ItsMeKillerXD) August 30, 2021