தெலுங்கு சினிமாவில் முதல்முறை.. இன்வெஸ்டிகேட்டிவ் த்ரில்லராக உருவாகியுள்ள The Trial

படக்குழுவால் வெளியிடப்பட்ட ஃபர்ஸ்ட் லுக் போஸ்டர் மற்றும் டீசர் ஏற்கனவே குறிப்பிடத்தக்க வகையில் ரசிகர்களிடையே எதிர்பார்ப்பை உருவாக்கியுள்ளது.

தி ட்ரையல்

தெலுங்கு சினிமாவில் முதல்முறையாக இன்வெஸ்டிகேட்டிவ் த்ரில்லர் திரைப்படமாக உருவாகி உள்ள The Trial படம் நவம்பர் 24ஆம் தேதி முதல் திரையரங்குகளில் வெளியாக உள்ளது.

தெலுங்கு சினிமாவில் முதல்முறை:

எஸ்எஸ் பிலிம்ஸ் மற்றும் காமன் மேன் புரொடக்ஷன்ஸ் இணைந்து தயாரித்துள்ள படம் தான் The Trail. தெலுங்கு சினிமாவின் முதல் விசாரணை திரைப்படமாக உருவாகி உள்ளது.  இந்தத் திரைப்படத்தை ராம் கன்னி இயக்கியுள்ளார். ஸ்பந்தனா பாலி, யுக் ராம் மற்றும் வம்சி கொடு ஆகியோர் முக்கியக் கதாபாத்திரங்களில் நடித்துள்ளனர்.

படத்தின் தயாரிப்பாளர்களான ஸ்மிருதி சாகி மற்றும் ஸ்ரீனிவாச நாயுடு கில்லாடா மற்றும் இணை தயாரிப்பாளர் சுதர்சன் ரெட்டி ஆகியோர் இந்த புதிய வித்தியாசமான கதைக்களம் கொண்ட திரைப்படத்தில் நடித்துள்ளனர்.  தி ட்ரயல் (The Trail) படத்திற்கு சரவண வாசுதேவன் இசையமைக்க, சாய் குமார் தாரா ஒளிப்பதிவு செய்துள்ளார்.

படக்குழுவால் வெளியிடப்பட்ட ஃபர்ஸ்ட் லுக் போஸ்டர் மற்றும் டீசர் ஏற்கெனவே குறிப்பிடத்தக்க வகையில் ரசிகர்களிடையே எதிர்பார்ப்பை உருவாக்கி, பார்வையாளர்களின் கவனத்தை ஈர்த்துள்ளது. இந்தப் படத்தின் வெளியீட்டு தேதிக்காக ரசிகர்கள் ஆவலுடன் காத்திருந்தனர்.

பெரும் எதிர்பார்ப்புக்கு மத்தியில் வெளியாகும் திரைப்படம்:

இந்நிலையில், ​​மிகவும் எதிர்பார்க்கப்பட்ட தி ட்ரய்ல் (The Trail) படத்தின் வெளியீட்டு தேதி அறிவிக்கப்பட்டுள்ளது.  வரும் நவம்பர் 24 ஆம் தேதி திரையரங்குகளில் தி ட்ரயல் படம் வெளியாக உள்ளது.  குறிப்பிடத்தக்க வகையில், திரைப்படங்கள் மற்றும் வெப் சீரிஸ்கள் மூலம் மக்கள் மனதில் இடம் பிடித்த ஸ்பந்தனா பாலி இந்த படத்தில் முக்கிய கதாபாத்திரத்தில் நடித்துள்ளார். அதே நேரத்தில் "Kanabuduta ledu" படத்தில் நடித்த யுக் ராம் இந்த படத்திலும் நடித்துள்ளார். 

இப்படத்தின் டீஸர் அவரது கதாபாத்திரத்தைச் சுற்றியுள்ள மர்மத்தைக் குறிக்கும் வகையில் தான் இருந்தது.  யூடியூப் உலகில் தனி ரசிகர் பட்டாளத்தை வைத்துள்ள வம்சி கொடு போலீஸ் அதிகாரியாக அழுத்தமான பாத்திரத்தில் நடித்துள்ளார். படத்தின் இயக்குநர் ஒரு முன்னாள் போலீஸ் அதிகாரி என்பதால் ஒரு தனித்துவமான கதையில், பல நிஜ உலகக் காட்சிகளை திரைக்கதையில் சேர்த்துள்ளார். இதனால் கிரைம் திரில்லர் ரசிகர்களுக்கு இந்த படம் நிச்சயம் ஒரு நல்ல அனுபவத்தை தரும்.  தெலுங்கு சினிமா ரசிகர்களுக்கு ஒரு புதுவித சினிமா அனுபவத்தை தி ட்ரைல் படம் தர உள்ளது.