Ethirneechal : ரகசியமா பேசுறியா ஈஸ்வரி... சீண்டி பார்க்கும் குணசேகரன்... எதிர்நீச்சலில் காத்திருக்கும் சஸ்பென்ஸ்..!

Ethirneechal Nov 7 : நேருக்கு நேர் சந்தித்துக்கொள்ளும் ஜீவானந்தம் - குணசேகரன். தர்ஷினி ஜீவானந்தத்திடம் வைத்த கோரிக்கை. எதிர்நீச்சலில் இன்று.

எதிர்நீச்சல் நவம்பர் 7 ப்ரோமோ

 

சன் டிவியில் ஒளிபரப்பாகும் எதிர்நீச்சல் (Ethirneechal) தொடரின் நேற்றைய எபிசோடில் எப்படியோ நாங்கள் தயாராக கொஞ்ச நேரம் ஆகும் அதனால் குணசேகரனையும் அவரின் தம்பிகளையும் கோயிலுக்கு கிளம்பி முதலில் செல்லுங்கள் என்றும் நாங்கள் பின்னாலேயே தயாராகி வருகிறோம் என சொல்லி நந்தினி சமாளித்து விடுகிறாள். ஜான்சி ராணி திமிராக பேச அவளுக்கு சரியான நோஸ் கட் கொடுத்து விடுகிறான் சக்தி. 

 

கோயிலுக்கு போன இடத்தில் குணசேகரனிடம் ஜான்சி ஈஸ்வரியை பற்றி போட்டு கொடுக்கிறாள். இவர்களை நோட்டம்விட்ட ஒரு பெண் ஜீவானந்தத்திற்கு தகவல் கொடுக்கிறார். பெண்கள் அனைவரும் காரில் வந்து இறங்க ஈஸ்வரி கொஞ்ச நேரத்திற்கு பிறகு உள்ளே வருவதாகவும் அது வரையில் வெண்பாவுடன் இருப்பதாகவும் சொல்லி விடுகிறாள். 

குணசேகரனையும், கதிரையும் போட்டு தள்ளுவதற்காக துப்பாக்கியை ஏற்பாடு செய்து விடுகிறான் கெளதம். மறுபக்கம் கோயிலுக்கு வந்த ஜீவானந்தம் குணசேகரனை சுடுவதற்கு குறி வைக்கிறார். அத்துடன் நேற்றைய எதிர்நீச்சல் எபிசோட் முடிவுக்கு வந்தது. 

 

அதன் தொடர்ச்சியாக இன்றைய (நவம்பர் 7) எபிசோடுக்கான ப்ரோமோ வெளியாகியுள்ளது. 

ஈஸ்வரியிடம் இருந்து வெண்பாவை அழைத்து கொண்டு ஜீவானந்தம் செல்கிறார். வழியில் ஈஸ்வரி நின்று கொண்டு இருக்க அந்த நேரத்தில் எதிரில் வரும் குணசேகரன் "வணக்கம் ஜீவானந்தம்! என்ன ஈஸ்வரி இவரை பார்த்து பேசணும் என்பதற்காக தான் உனக்கு உடம்புக்கு முடியலன்னு பொய் சொல்லிட்டு இங்க வந்தியாக்கும்" என குணசேகரன் நக்கலாக கேட்க ஜீவானந்தத்திற்கு கோபமாக வருகிறது.   

 

கெளதம் குணசேகரனை சுடுவதற்காக துப்பாக்கியால் குறி வைக்கிறான். போனில் பேசிக்கொண்டு இருந்த கதிர் கௌதமை பார்த்து விடுகிறான். எப்படியோ கெளதம் சுடமுடியாமல் யாரவது வந்து குணசேகரனிடம் பேச்சு கொடுத்து கெடுத்து விடுகிறார்கள். 

தர்ஷினி ஜீவானந்தத்திடம் சென்று "வெண்பா எங்க அம்மாவை அம்மான்னு கூப்பிடுறா. அது மாதிரி நான் உங்களை அப்பா என கூப்பிடலாமா சார்?" என கேட்க ஜீவானந்தம் தர்ஷினியை தோளில் சாய்த்து கொண்டு தலையை தட்டி கொடுக்கிறார். ஈஸ்வரி அதை பார்த்து கண்கலங்குகிறாள். இது தான் இன்றைய எதிர்நீச்சல் எபிசோடுக்கான ஹிண்ட். 

 

 

திருவிழாவில் கொல்லப்படப்போவது யார் குணசேகரனா? ஜீவானந்தமா?அல்லது கதிரா? அப்பத்தாவின் பிளான் என்ன? ஈஸ்வரி என்ன முடிவு எடுக்க போகிறாள்? மிகவும் விறுவிறுப்பான கட்டத்தை நோக்கி நகர்ந்து கொண்டு இருக்கிறது எதிர்நீச்சல் (Ethirneechal) சீரியல்.