Ethirneechal: குறுக்கு வழியில் எலெக்ஷனில் ஜெயிக்க பிளான் போடும் குணசேகரன்... கண்டிக்கும் ஈஸ்வரி... எதிர்நீச்சலில் இன்று!

Ethirneechal Dec 26 : வாசுவின் வருகையால் கடுப்பாகும் குணசேகரன், குறுக்கு வழியில் எலெக்ஷனில் ஜெயிக்க போடும் திட்டம் என்ன? எதிர்நீச்சலில் இன்று என்ன நடக்கிறது? 

எதிர்நீச்சல் டிசம்பர் 26 ப்ரோமோ

சன் டிவியில் ஒளிபரப்பாகும் எதிர்நீச்சல் (Ethirneechal) தொடரின் நேற்றைய (டிசம்பர் 25) எபிசோடில் குணசேகரனுடன் ராமசாமி பேசிக்கொண்டு இருக்கிறார். "என்னுடைய குடும்பத்தின் கவுரவத்தை நான் காப்பாத்துவேன்" என சொல்லி சூசகமாக ஜனனியின் அப்பாவைப் பற்றி பேசுகிறார். குணசேகரனுக்கு ராமசாமி பேசுவது எதுவும் புரியவில்லை. அனைவருக்கும் சஸ்பென்ஸ் வைத்து விட்டு அங்கிருந்து கிளம்புகிறான்.

 

ஜனனியும் சக்தியும் வக்கீலை கோயிலுக்குச் சென்று சந்திக்கிறார்கள். பேக்டரி விஷயம் பற்றி பேசுகிறார்கள். "மெய்யப்பன் குரூப் மிகவும் பெரிய ஆபத்தான குரூப். அவர்களுடன் மோதுவது கொஞ்சம் கஷ்டம் தான். முதலில் பேக்டரியை திறந்து வேலையை தொடங்குங்கள்" எனச் சொல்லி அனுப்புகிறார் வக்கீல்.

 

குணசேகரன் வீட்டில் எலெக்ஷனுக்காக போட்டோஷூட் நடந்து கொண்டு இருக்கிறது. குணசேகரனை வைத்து காமெடி செய்து கொண்டு இருக்கிறார்கள். அந்த நேரத்தில் குணசேகரன் வீட்டுக்கு ஜனனியின் தோழி வாசு வந்து இறங்குகிறாள். அவளைப் பார்த்து குணசேகரன் குரூப் அதிர்ச்சி அடைகிறார்கள். அத்துடன் நேற்றைய எதிர்நீச்சல் எபிசோட் முடிவுக்கு வந்தது.

அதன் தொடர்ச்சியாக இன்றைய (டிசம்பர் 26) எதிர்நீச்சல் எபிசோடுக்கான ப்ரோமோ வெளியாகியுள்ளது.

வாசுவைப் பார்த்து ஷாக்கான குணசேகரன் "எதுக்கு டா அவளை வர சொன்ன?" என சக்தியை பார்த்து டென்ஷனாகிறார். "வர சொன்னது மட்டும் தான் அவரு. ஐடியா கொடுத்தது கரிகாலன் ப்ரோ தான்" என வாசு சொல்ல கரிகாலனை பார்த்து முறைக்கிறார் குணசேகரன்.

குணசேகரன், கதிர் மற்றும் ஞானம் எலெக்ஷன் பற்றி பேசிக்கொண்டு இருக்கிறார்கள். "கூட்டமாக இருந்தால் தான் பலம் என நினைக்குறாளுக... அதை முதல்ல உடைக்கணும்" என குணசேகரன் சொல்ல "அது தான் நடக்காதே..." என துடுக்காக கரிகாலன் சொல்ல மீண்டும் குணசேகரனிடம் வாங்கி கொள்கிறான் கரிகாலன்.

 

அடுத்ததாக எலெக்ஷனில் ஜெயிப்பதற்காக மக்களுக்கு பணம் கொடுப்பது குறித்து பேசிக்கொண்டு இருக்கிறார்கள். அப்போது கேமராவில் வீடியோ எடுத்தபடி வருகிறாள் வாசு. ஈஸ்வரி குணசேகரனை பார்த்து "நீங்க  செய்ற வேலை ரொம்ப பெரிய தப்புங்க" என கண்டிக்கிறாள். "என்ன தப்பு. முடிஞ்சா ஜெயிச்சு பாரு" என நக்கலாக ஈஸ்வரியை பார்த்து சவால் விடுகிறார் குணசேகரன். இது தான் இன்றைய எதிர்நீச்சல் (Ethirneechal)  எபிசோடுக்கான ஹிண்ட்.

 

வாசு வந்து இருப்பது குணசேகரனுக்கு பீதியாக உள்ளது. ஈஸ்வரி எலெக்ஷனில் ஜெயித்து விடுவாளோ என்ற அச்சம் ஏற்பட்டு விட்டது. இனி என்ன நடக்க போகிறது? வாசு என்ன எல்லாம் வேடிக்கை காட்டப்போகிறாள்? ஜனனி பேக்டரியை திறந்ததும் ராமசாமி கொடுக்க போகும் சிக்கல்கள் என்னென்ன என்பதை எல்லாம் பொறுத்து இருந்து பார்க்கலாம்.