Karthigai Deepam Serial: கோயில் நகையை திருடியது சாமுண்டீஸ்வரி குடும்பமா? சூடுபிடிக்கும் கார்த்திகை தீபம்!

சாமுண்டீஸ்வரியின் குடும்பம் மீது திருட்டுப்பழி விழுந்த நிலையில், அடுத்து என்ன நடக்கப்போகிறது என்று கார்த்திகை தீபம் சீரியல் விறுவிறுப்பை ஏற்படுத்தியுள்ளது.

கார்த்திகை தீபம்

Source : twitter

தமிழ் திரையுலகின் முன்னணி தொலைக்காட்சிகளில் ஒன்றாக ஜீ தமிழ் உள்ளது. ஜீ தமிழ் தொலைக்காட்சியில் திங்கள் முதல் சனி வரை இரவு 9 மணிக்கு ஒளிபரப்பாகி வரும் தொடர் கார்த்திகை தீபம். இந்த சீரியலின் நேற்றைய எபிசோடில் சாமுண்டீஸ்வரி தனது குடும்பம் குறித்த ஃபிளாஷ் பேக்கை கார்த்திக்கிடம் சொல்லத் தொடங்கிய நிலையில், இன்று நடக்கப் போவது என்ன? என்பது குறித்து பார்க்கலாம். 

திருடுபோன கோவில் நகை:

அதாவது, சாமுண்டீஸ்வரி அப்பா குழந்தையை கொன்று வீட்டை கொளுத்திய நிலையில் இவர்கள் செல்ல இடம் இல்லாமல் தவிக்கின்றனர். இந்த சமயத்தில் சாமுண்டீஸ்வரியின் குடும்பத்தை அழைத்துச் செல்லும் பரமேஸ்வரி கோவிலுக்கு சொந்தமான ஒரு வீட்டில் தங்க வைக்கின்றனர்.  சாமுண்டீஸ்வரி குடும்பம் மொத்தமும் அங்கேயே செட்டிலாக சில வருடங்கள் வாழ்க்கை நகர, சிவகாமி தனது மூத்த மகளுக்கு மாப்பிள்ளை பார்க்க ஏற்பாடு செய்கிறாள். 

இந்த சமயத்தில் கோவிலில் நகைகள் திருட்டு போகின்றன. நகைகளை தேடும் பணிகள் தீவிரமாக நடக்க சிவகாமி வீட்டின் முன்பு ஒரு நகை கிடைக்க ராஜ சேதுபதி உனக்கு கோவில்ல வேலை எல்லாம் போட்டு கொடுத்து இங்கு தங்க வைத்தேன். ஏன் மா இப்படி பண்ண? என்று கேள்வி கேட்கிறார். 

சாமுண்டீஸ்வரி குடும்பம் மீது திருட்டுப்பழி:

இதனால் சாமுண்டீஸ்வரி குடும்பத்தின் மீது திருட்டுப்பழி வந்து விழுகிறது. இப்படியான நிலையில் அடுத்ததாக நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காணத்தவறாதீர்கள்.