வாரேவா... 'குக் வித் கோமாளி' சீசன் 6 எப்போது துவங்குகிறது? மாஸ் அப்டேட் கொடுத்த பிரபலம்!

சிரிப்பையும் - சமையலையும் ஒரே நிகழ்ச்சியில் கொண்டு வந்து ரசிகர்களை நகைச்சுவையில் திக்கு முக்காடவைக்கும் குக் வித் கோமாளி சீசன் 6 எப்போது ஆரம்பமாகும் என்பது பற்றிய தகவல் வெளியாகி உள்ளது.

குக் வித் கோமாளி சீசன் 6 எப்போது துவங்குகிறது?

Source : twitter

குக் வித் கோமாளி:

பரபரப்பான வாழ்க்கையில் சிரிப்பு என்பதையே மறுந்துவிட்டோம். அப்படி சிரிக்க மறந்தவர்களை சிரிக்க வைப்பதற்காகவே விஜய் டி.வி.யில் பரபரப்பாக ஒளிபரப்பான நிகழ்ச்சி தான்  “குக் வித் கோமாளி”. சிரிப்பா அப்படின்னா என்ன? என கேட்டபவர்களைக் கூட வயிறு குலுங்க சிரிக்க வைத்த நிகழ்ச்சி. 

கொஞ்சம் சமையல் நிறைய கலாட்டா என கலப்பாக இந்த நிகழ்ச்சி 5 சீசன்களை இதுவரை முடிந்துள்ளது. தொடர்ந்து குக்  வித்  கோமாளி 4 சீசன்களை வழங்கி வந்த வெங்கட் பட் நிகழ்ச்சியை விட்டு வெளியேறினார். அவரை தொடர்ந்து அந்த நிகழ்ச்சியை தயாரித்து வந்த தயாரிப்பு நிறுவனமும் வெளியேறியது. அதுபோல் இந்த நிகழ்ச்சியில் கலந்து கொண்ட கோமாளிகளும் விலகினர். 

டாப் குக்கு டூப் குக்கு:

இவர்கள் அனைவருமே சன் டிவியில் ஒளிபரப்பான டாப் குக்கு டூப் குக்கு நிகழ்ச்சிக்கு சென்று விட்டனர். அந்த நிகழ்ச்சியும் ரசிகர்கள் மத்தியில் நல்ல வரவேற்பு பெற்று வெற்றிகரமாக முடிவுக்கு வந்தது. இந்த நிலையில்தான் குக் வித் கோமாளி சீசன் 5 நிகழ்ச்சி முடிவடையும் நேரத்தில் மணிமேகலை இந்த நிகழ்ச்சியை விட்டு வெளியேறியது பெரிய அளவில் பரபரப்பை ஏற்படுத்தியது. இதற்கு காரணம் பிரியங்கா தான் என பரபரப்பு கிளம்பியது. 

குக் வித் கோமாளி சீசன் 6:

என்ன தான் சர்ச்சை, சண்டையுடன் குக் வித் கோமாளி சீசன் 5 முடிந்திருந்தாலும் , சீசன் 6 எப்போது தொடங்கும் என ரசிகர்கள் ஆவலுடன் காத்துக்கொண்டிருக்கின்றனர். அவர்களுக்கு குட் நியூஸ் கொடுக்கும் விதமாக நடிகை ஷகிலா சூப்பரான செய்தி ஒன்றை தெரிவித்துள்ளார். நிகழ்ச்சி ஒன்றில் தான் நிகழ்ச்சியில் மாதம்பட்டி ரங்கராஜை சந்தித்ததாகவும், அவரிடம் 6வது சீசன் குறித்து கேட்டபோது ஏப்ரல் மாத இறுதியில் படப்பிடிப்பு தொடங்க இருப்பதாக கூறியுள்ளார். அதோடு இந்த 6வது சீசன் மூலம் தொகுப்பாளராக ஜாக்குலின் களமிறங்க இருப்பதாக கூறப்படுகிறது.