கடந்த ஆண்டு அமேசானுக்கு எதிர்ப்பு..! இந்த ஆண்டு அமேசானுக்காக நடிப்பு..! நெட்டிசன்களின் விமர்சனத்திற்கு ஆளான பாரதிராஜா..!
கடந்தாண்டு அமேசான் நிறுவன ஓடிடி தளத்திற்கு எதிர்ப்பு தெரிவித்த பாரதிராஜா, தற்போது அமேசான் விளம்பரத்தில் நடித்திருப்பது நெட்டிசன்கள் மத்தியில் விமர்சனத்தை ஏற்படுத்தியுள்ளது.
தமிழ் திரையுலகின் மூத்த இயக்குனரும், நடிகருமானவர் பாரதிராஜா. கிராமத்து மண்வாசனை மிகுந்த படங்களை இயக்கி, ஏகோபித்த தமிழ் ரசிகர்களால் கொண்டாடப்படுபவர். இந்த நிலையில், கடந்தாண்டு வெளியான பேமிலிமேன் சீரிஸ் என்ற தொடரில் தமிழர்களை கொச்சைப்படுத்தி காட்சிகள் அமைக்கப்பட்டதாக கடும் சர்ச்சைகள் அமைந்தது.
இதையடுத்து, தமிழ் திரைப்படத்துறையைச் சேர்ந்த நடிகர்கள், இயக்குனர்கள் கடும் கண்டனங்களை பதிவு செய்தனர். இயக்குனர் பாரதிராஜாவும் கடும் கண்டனத்தை பதிவ செய்ததுடன், அமேசான் ஓ.டி.டி. தளம் பேமிலிமேன்2 சீரிசை ஒளிபரப்புவதை உடனே நிறுத்த வேண்டும் என்றும், இல்லாவிட்டால் தமிழர்கள் அனைவரும் அமேசான் தளத்தின் விற்கப்படும் அனைத்து பொருட்களையும் புறக்கணிக்க நேரிடும் என்றும் தனது டுவிட்டர் பக்கத்தின் வாயிலாக எச்சரிக்கை விடுத்திருந்தார்.
எங்கள்வேண்டுகோளை புறக்கணித்துதொடர்ந்துOTT தளத்தில்வெளிவந்தால்
— Bharathiraja (@offBharathiraja) June 7, 2021
அமேசான்நிறுவனத்தின் அனைத்துவிதமான வர்த்தகத்தையும்புறக்கணிக்கும் போராட்டத்தில்உலகெங்கிலும் பரந்துவாழும்தமிழர்கள் பங்கெடுப்பதைதவிர்க்கவோ தடுக்கவோஇயலாதுஎன்பதை
கோடிட்டுக்காட்டவிரும்புகிறேன்.
#TheFamilyManSeason2 pic.twitter.com/bqDI0xQro0
இந்த நிலையில், 2022ம் ஆண்டில் இருந்து அமேசான் நிறுவனத்தின் சார்பாக தொலைக்காட்சிகளில் புதியதாக விளம்பரம் ஒன்று ஒளிபரப்பப்படுகிறது. அந்த விளம்பரத்தில், அமேசான் நிறுவனத்தின் பெருமைகளை கண்டு ஆச்சரியப்படும் கதாபாத்திரத்தில் பாரதிராஜா நடித்துள்ளார். கடந்தாண்டு அமேசான் நிறுவனத்திற்கு எதிர்ப்புக்குரல் கொடுத்த பாரதிராஜாவே, தற்போது அமேசான் நிறுவனத்தின் விளம்பரத்தில் நடித்திருப்பதற்கு நெட்டிசன்கள் விமர்சனங்களை தெரிவித்து மீம்ஸ்களையும், ட்ரோல்களையும் பதிவிட்டு வருகின்றனர்.
உலகின் மிகப்பெரிய இணையதள வர்த்தக நிறுவனமாக திகழ்கிறது அமேசான். இந்த அமேசான் நிறுவனம் கடந்த சில ஆண்டுகளாக ஓடிடி எனப்படும் இணையவழியில் நேரடியாக திரைப்படங்கள் மற்றும் வெப்சீரிஸ்களை ஒளிபரப்பும் தளத்தை உருவாக்கியது. இந்தியாவிலும் நெட்ப்ளிக்ஸ் மற்றும் அமேசான் தளங்களில் ஏராளமான மொழி படங்கள் நேரடியாக வெளியிடப்பட்டு வருகிறது. நடிகர் சூர்யாவின் சூரரைப்போற்று, ஜெய்பீம் போன்ற படங்கள் அமேசான் தளத்தில் நேரடியாக வெளியாகியது என்பது குறிப்பிடத்தக்கது.
மேலும் படிக்க : Golden Globe 2022 | கோல்டன் குளோப் விருதுகள் 2022.. யார் யாருக்கு என்னென்ன விருது தெரியுமா?
மேலும் படிக்க : GP Muthu | 2 மாதங்களுக்குப் பின் கடையை திறந்த ஜி.பி.முத்து; சன்னி லியோன் பெயரில் படையெடுக்கும் கடிதங்கள்!
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
