Producer V.A.Durai: விக்ரம், சூர்யா படங்களின் தயாரிப்பாளர் வி.ஏ.துரை மரணம்.. அதிர்ச்சியில் திரையுலகினர்..
தமிழ் சினிமாவின் பிரபல தயாரிப்பாளராக இருந்த வி.ஏ.துரை உடல்நலக்குறைவால் மரணமடைந்த தகவல் தமிழ் சினிமா ரசிகர்கள் இடையே அதிர்ச்சியை ஏற்படுத்தியுள்ளது.
தமிழ் சினிமாவின் பிரபல தயாரிப்பாளராக இருந்த வி.ஏ.துரை உடல்நலக்குறைவால் மரணமடைந்த தகவல் தமிழ் சினிமா ரசிகர்கள் இடையே அதிர்ச்சியை ஏற்படுத்தியுள்ளது.
திரையுலகை பொறுத்தவரை தொடர்ச்சியாக பிரபலங்கள் மரணமடைந்து வருவது சக பிரபலங்கள் இடையே பெரும் கவலையை ஏற்படுத்தியுள்ளது. ஏற்கனவே கடந்த இயக்குநர் ஜி மாரிமுத்து, பழம்பெரும் நடிகர் ஆர்.எஸ்.சிவாஜி தொடங்கி சிலர் அடுத்தடுத்து உயிரிழந்தது இன்றளவும் ரசிகர்களால் ஏற்றுக்கொள்ளவே முடியவில்லை. இப்படியான நிலையில் தமிழ் சினிமாவின் பிரபல தயாரிப்பாளராக இருந்த வி.ஏ.துரை உடல்நலக்குறைவால் மரணமடைந்துள்ளார்.
முன்னதாக கடந்த மார்ச் மாதம் அவரது உடல் நிலை குறித்த வீடியோ ஒன்றை வெளியாகி இருந்தது. அதில், ‘நீரிழிவு நோய் காரணமாக காலில் உள்ள எலும்பு வெளியே தெரியும் அளவுக்கு கடுமையாக பாதிக்கப்பட்டுள்ளதாகவும், நடக்க முடியாமல் சிரமப்படுவதாகவும் தெரிவிக்கப்பட்டிருந்தது. மேலும் வி.ஏ.துரையின் மருத்துவ சிகிச்சை தொடர்பாக உதவும்படியும் வேண்டுகோள் விடுக்கப்பட்டிருந்தது. ஒரு காலக்கட்டத்தில் தமிழ் சினிமாவின் பிரபல தயாரிப்பாளராக வலம் வந்தவருக்கா இந்த நிலைமை என பலரும் அதிர்ச்சியடைந்தனர்.
வி.ஏ.துரை தமிழ் சினிமாவில் பிதாமகன், கஜேந்திரா, என்னம்மா கண்ணு, லூட்டி, விவரமான ஆளு,லவ்லி உள்ளிட்ட 8 படங்களை தயாரித்திருந்தார். ஆனால் எந்த படமும் மிகப்பெரிய அளவில் ஹிட் கொடுக்கவில்லை. சினிமா மீது இருந்த மோகத்தால் தொடர்ந்து பணத்தை முதலீடு செய்து நஷ்டத்தை சந்தித்தார். அதேசமயம் கமர்ஷியல் இயக்குநர் முன்னோடி என்றழைக்கப்படும் எஸ்.பி.முத்துராமனிடம் 25 ஆண்டுகளாக உதவி இயக்குநராக இருந்தவர் வி.ஏ.துரை.
ரஜினி நடித்த 25 படங்களில் உதவி, இணை இயக்குநராக பணியாற்றிய நிலையில், அந்த வீடியோவில் அவர் தனக்கு உதவ வேண்டும் என வி.ஏ.துரை கோரிக்கை விடுத்திருந்தார். தொடர்ந்து இயக்குநர் பாலா தன்னிடம் பணம் வாங்கி கொண்டு படம் எடுத்து தராமல் ஏமாற்றியதாகவும் குற்றம் சாட்டியிருந்தார். இதனிடையே வி.ஏ.துரையின் நிலையை அறிந்த நடிகர் சூர்யா உடனடியாக 2 லட்ச ரூபாய் பண உதவி செய்தார். நடிகர் ரஜினியும் உதவியதாக தெரிவிக்கப்பட்டது.
இப்படியான நிலையில் தயாரிப்பாளர் வி.ஏ.துரை உடல்நலக்குறைவால் காலமானார். அவரது மறைவுக்கு திரையுலகினர், ரசிகர்கள் என பலரும் இரங்கல் தெரிவித்துள்ளனர்.
மேலும் படிக்க: சினிமா மோகத்தால் சொத்துக்கள் இழப்பு.. பணம் பெற்று ஏமாற்றிய இயக்குநர் பாலா? தயாரிப்பாளர் துரை வேதனை..
தலைப்பு செய்திகள்
ட்ரெண்டிங் செய்திகள்
