Global Community Oscars | இதுவும் ஆஸ்கர்தான்.. ஆனா அது இல்ல.! சூர்யா - ஜோதிகா, உதயநிதிக்கு ஆஸ்கர் விருது அறிவிப்பு!
11ஆவது உலகளாவிய சமுதாய ஆஸ்கர் விருதை சூர்யா, ஜோதிகா, உதயநிதி ஸ்டாலின் ஆகியோர் பெறுகின்றனர்.
மனித சமூகங்களை வலுப்படுத்துவதில் உரிய பங்களிப்புகளை கொடுத்து, பெரும் தாக்கத்தை ஏற்படுத்தி வரும் சர்வதேச மற்றும் சமூக கதாநாயகர்களை அடையாளம் கண்டுகொண்டு அவர்களுக்கு உலகளாவிய சமுதாய ஆஸ்கர் விருது கடந்த பத்து வருடங்களாக வழங்கப்படுகிறது.
அந்தவகையில், 11ஆவது உலகளாவிய சமுதாய ஆஸ்கர் விருதுக்குரிய 4 பிரிவுகள் பட்டியலை அமெரிக்க பிரதிநிதிகள் சபையின் உறுப்பினராக இருக்கும் டேனி கே டெவிஸ் வெளியிட்டுள்ளார்.
இதில், ஜெய்பீம் படத்தின் தயாரிப்பாளர்கள் நடிகர் சூர்யா மற்றும் ஜோதிகாவுக்கு 2021ஆம் ஆண்டின் மதிப்புமிக்க விருது அறிவிக்கப்பட்டுள்ளது. உண்மை கதையை மையமாக கொண்டு சமூக நீதியை முன்னிறுத்தி ஜெய் பீம் படம் தயாரிக்கப்பட்டு வெளியிடப்பட்டதற்காக இந்த விருது வழங்கப்பட உள்ளது. ஓய்வுபெற்ற நீதிபதி கே.சந்துரு, சூர்யா, ஜோதிகா, இயக்குனர் டி.ஜே.ஞானவேல்ராஜா மற்றும் ஜெய் பீம் படக்குழுவினர் நேரடியாக வந்து விருதுகளை பெற்றுச்செல்லுமாறும் அழைப்பு விடுக்கப்பட்டுள்ளதாக தெரிகிறது.
அதேபோல, ‘சர்வதேச வளரும் நட்சத்திரம் 2021' என்ற பிரிவில் எம்.எல்.ஏவும், திமுக இளைஞர் அணி செயலாளரும், நடிகருமான உதயநிதி ஸ்டாலினுக்கு விருது வழங்கப்பட உள்ளது.
உலகெங்கிலும் வளர்ந்து வரும் தலைவரால் செய்யப்பட்ட சிறந்த பணியை அங்கீகரிப்பதை நோக்கமாக கொண்டு இந்த விருது வழங்கப்படுகிறது. உலகளாவிய சமுதாய ஆஸ்கர் விருது வழங்கும் விழா அடுத்த மாதம் 19ஆம் தேதியன்று இலினொய் மாகாணத்தில் உள்ள நேபர்வில்லேயில் நடைபெற உள்ளது. இதனையடுத்து பலரும் விருது பெற இருப்பவர்களுக்கு தங்களது வாழ்த்தை தெரிவித்துவருகின்றனர்.
முன்னதாக, ஆஸ்கரின் யூடியூப் சேனலில் ’ சீன் அட் தி அகாடமி ‘ என்ற தலைப்பில் சில வீடியோக்கள் பதிவேற்றம் செய்யப்பட்டன. அதில், ஜெய்பீம் திரைப்படத்தின் காட்சிகளும் பதிவேற்றம் செய்யப்பட்டுள்ளன.
அந்த வீடியோவில் ஜெய்பீம் திரைப்படத்தின் சில காட்சிகளையும் படத்தின் இயக்குனர் அந்த படத்தை பற்றி பேசும் சில விஷயங்களும் இடம்பெற்றுள்ளன. தமிழ் சினிமாவிற்கு இது மிக பெரிய கௌரவம் என்று அனைவரும் படக்குழுவுக்கு பாராட்டு தெரிவித்தனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Rajinikanth | ஒரு அவித்த முட்டை கேட்ட ரஜினி... அவமானப்படுத்திய சர்வர்... 17 ஆண்டுகளுக்குப் பின் திருப்பிக் கொடுத்த மாஸ் சம்பவம்!
தலைப்பு செய்திகள்
ட்ரெண்டிங் செய்திகள்
