Vishwanath & Sons Teaser : விரட்டி விரட்டி காதலிக்கும் மமிதா..ஒதுங்கி போகும் சூர்யா..விஸ்வநாத் & சன்ஸ் படத்தின் டீசர் இதோ

Vishwanath & Sons Teaser : வெங்கி அட்லூரி இயக்கத்தில் சூர்யா மமிதா பைஜூ நடித்துள்ள விஸ்வநாத் & சன்ஸ் படத்தின் டீசர் வெளியாகியுள்ளது

சூர்யா , மமிதா பைஜூ

Source : X

சிதாரா என்டர்டெயின்மெண்ட் தயாரிப்பில் சூர்யாவின் 45 ஆவது படமாக உருவாகியுள்ளது விஸ்வநாத் & சன்ஸ். வாத்தி , லக்கி பாஸ்கர் படத்தைத் தொடர்ந்து வெங்கி அட்லூரி இப்படத்தை இயக்கியுள்ளார். மமிதா பைஜூ நாயகியாக நடித்துள்ளார். ஜிவி பிரகாஷ் இசையமைத்திருக்கிறார். விஸ்வநாத் & சன்ஸ் திரைப்படம் வரும் ஜூலை மாதம் திரையரங்குகளில் வெளியாக இருக்கும் நிலையில் படத்தின் டீசர் தற்போது வெளியாகியுள்ளது. 

சூர்யா நடிப்பில் கடைசியாக வெளியான ரெட்ரோ மற்றும் கங்குவா ஆகிய இரு படங்களும் சுமாரான வெற்றியை பதிவு செய்தன. ஆர் ஜே பாலாஜி இயக்கத்தில் சூர்யாவின் 44 ஆவது படமாக உருவாகியுள்ள கருப்பு திரைப்படம் கடந்த ஆண்டு தீபாவளிக்கு வெளியாக இருந்து இதுவரை ரிலீஸ் தேதி உறுதிசெய்யப்படாமல் நிலுவையில் இருந்து வருகிறது. இதனிடையில் சூர்யா வெங்கி அட்லூரி இயக்கத்தில் விஸ்வநாத் & சன்ஸ் படத்தில் நடித்து முடித்தார் . தற்போது மலையாள இயக்குநர் ஜீத்து மாதவன் இயக்கத்தில் போலீஸ் வேடத்தில் நடித்து வருகிறார். 

சூர்யாவின் கருப்பு திரைப்படத்தை ஏப்ரல் மாதத்தில் வெளியிட படக்குழு முயற்சிகள் எடுத்து வருகிறது. கருப்பு மற்றும் விஸ்வநாத் & சன்ஸ் என அடுத்தடுத்து இரு படங்கள் இந்த ஆண்டு வெளியாகி சூர்யா ரசிகர்களுக்கு பெரும் கொண்டாட்டமான ஆண்டாக அமையும் என்று எதிர்பார்க்கலாம்

விஸ்வநாத் & சன்ஸ் டீசர் 

45 வயதான சூர்யாவுக்கு 25 வயதான மமிதா பைஜூவுக்கு இடையிலான காதலே விஸ்வநாத் & சன்ஸ் படத்தின் மையக் கதை.