Jailer 2: டைகர் வந்துட்டாரு.. ஜெயிலர் 2 நாளை ரிலீஸ்! கொண்டாட்டத்தை தொடங்கிய ரஜினி ரசிகர்கள்!

சூப்பர்ஸ்டார் ரஜினிகாந்தின் ஜெயிலர் 2ம் பாகம் நாளை வெளியாக உள்ள நிலையில், அவரது ரசிகர்கள் கொண்டாட்டத்தை தொடங்கியுள்ளனர்.

ஜெயிலர் 2 படத்தில் ரஜினிகாந்த்

Source : twitter

இந்திய திரையுலகின் உச்சநட்சத்திரமாக திகழ்பவர் ரஜினிகாந்த். இவரது நடிப்பில் கடந்த 2023ம் ஆண்டு வெளியாகி மாபெரும் வெற்றி பெற்ற திரைப்படம் ஜெயிலர். 

ஜெயிலர் 2 நாளை ரிலீஸ்:

இந்த படத்தின் இரண்டாவது பாகமாக ஜெயிலர் 2ம் பாகம் உருவாகியுள்ளது. இந்த படம் உலகெங்கும் நாளை வெளியாகிறது. முதல் பாகத்தின் தொடர்ச்சியாகவே இந்த படத்தை முதல் பாகத்தை இயக்கிய நெல்சன் இயக்கியுள்ளார். 

கொண்டாட்டத்தை தொடங்கிய ரஜினி ரசிகர்கள்:

ரஜினிகாந்த் நடிப்பில் கடந்தாண்டு கூலி திரைப்படம் வெளியானது. இந்த படத்திற்கு பிறகு சுமார் ஓராண்டுக்கு பிறகு ஜெயிலர் 2ம் பாகம் வெளியாகிறது. இதனால், ரஜினிகாந்த் ரசிகர்கள் மிகுந்த மகிழ்ச்சி அடைந்துள்ளனர். கடந்த ஒரு வாரமாக ஜெயிலர் 2ம் பாகத்திற்கான கொண்டாட்டத்தை ரஜினி ரசிகர்கள் தொடங்கியுள்ளனர்.

The Undisputed King! 👑🔥 Generations change, but Thalaivar's craze remains untouched. Tomorrow, the emperor returns with Jailer 2 to shatter every box office record! One & Only Superstar! 💥🥁 #Jailer2 #SuperstarRajinikanth https://t.co/qgfUheUrAV

— H U M A N (@AR_CALLER_) October 14, 2026

மிகப்பெரிய எதிர்பார்ப்புடன் வந்த டாக்சிக், பாரடைஸ் படங்கள் படுதோல்வி அடைந்ததால் ஜெயிலர் 2ம் பாகத்திற்கான ப்ரமோஷனை இணையதளத்தில் படக்குழு பெரியளவில் மேற்கொள்ளவில்லை. ஒரு சாதாரண படத்திற்கான அளவிலே இணையத்தில் விளம்பரத்தை படக்குழு கையில் எடுத்துள்ளது. ஏனென்றால், சமீபகாலமாக மிகப்பெரிய எதிர்பார்ப்பே படத்திற்கான தோல்வியாக சமீபகாலமாக அமைந்து வருகிறது.

விஜய்யை சீண்டும் போஸ்டர்கள்:

இதனால், ஜெயிலர் 2 படக்குழு அதுபோன்ற ஒரு நிலையை தவிர்ப்பதற்காக இந்த யுக்தியை கையில் எடுத்துள்ளது. திரையரங்குகளில் இன்று முதலே கொண்டாட்டத்தை ரஜினி ரசிகர்கள் கையில் எடுத்துள்ளனர். பல இடங்களில் ரஜினி ரசிகர்கள் முதலமைச்சர் விஜய்யை சீ்ண்டும் வகையில் 8 முதலமைச்சரைப் பார்த்தாகிவிட்டது, ஆனால் ஒரே ஒரு சூப்பர்ஸ்டார் என்று போஸ்டர் வெளியாகியது.

இதுபோன்று ரஜினிகாந்த் ரசிகர்கள் பல இடங்களில் விஜய்யை சீண்டும் விதமாக போஸ்டர் ஒட்டியிருப்பதால் அது பரபரப்பை உண்டாக்கியுள்ளது. இந்த படத்திற்கு நாளை முதல் காட்சிக்கான டிக்கெட்டுகள் விற்பனை படுஜோராக நடந்து வருகிறது. ரஜினிகாந்துடன் முதல் பாகத்தில் நடித்த ரம்யா கிருஷ்ணன், யோகிபாபு உள்ளிட்ட பலரும் நடித்துள்ளனர். 

நட்சத்திர பட்டாளங்கள்:

ஜெயிலர் 2ம் பாகத்தில் வில்லனாக எஸ்ஜே சூர்யா நடித்துள்ளார். பிரதான வில்லன் வேடத்தில் பிரபல இந்தி நடிகர் மிதுன் சக்கரவர்த்தி நடித்துள்ளார். வித்யா பாலன், சுனில், பகவதி பெருமாள், நமோ நாராயணா, மிர்ணா என முதல் பாகத்தை போல நட்சத்திர பட்டாளங்கள் இந்த பாகத்திலும் நடித்துள்ளனர். 

முதல் பாகத்தில் சிறப்புத் தோற்றத்தில் நடித்த மோகன்லால், சிவராஜ்குமார், ஜாக்கி ஷெராஃப் ஆகியோருடன் இணைந்து ஹ்ரித்திக் ரோஷனும் சிறப்புத் தோற்றத்தில் நடித்துள்ளார். அனிருத் இசையமைத்துள்ளார். சன்பிக்சர்ஸ் நிறுவனம் இந்த படத்தை தயாரித்துள்ளனர்.