Sruthihaasan | தொகுப்பாளராகிறாரா ஸ்ருதிஹாசன்?

தந்தை கமல்ஹாசனை  போலவே இவரும் இப்போது தொகுப்பாளராக களமிறங்கவுள்ளார். ஏற்கனவே 2018-ஆம் ஆண்டு சன் தொலைக்காட்சியில் “ஹலோ டாக் “ என்ற நிகழ்ச்சியை தொகுத்து வழங்கியிருந்தார். 

ஸ்ருதிஹாசன்

தமிழ் தெலுங்கு உள்ளிட்ட சினிமாவில் முன்னணி நடிகையாக இருப்பவர் நடிகை ஸ்ருதிஹாசன். இவருக்கு பாலிவுட் பக்கமும் ஒரு தனியிடம் உண்டு . அவ்வப்போது வித்தியாசமான போட்டோ ஷூட்டுகள் மூலம்  ரசிகர் நெஞ்சங்களை கொள்ளைக்கொள்வார்.  சமீபத்தில் கூட  திடீரென இன்ஸ்டாகிராம் லைவ்  மூலம் ரசிகர்களுக்கு இன்ப அதிர்ச்சி கொடுத்தார். அப்போது தனது நண்பர் ஒருவரை கொரோனாவால் இழந்துவிட்டதாகவும், அனைவரும் நலமுடன் பாதுகாப்பாக இருக்க வேண்டும் எனவும் ரசிகர்களுக்கு வேண்டுகோள் விடுத்திருந்தார்.

நடிப்பு தவிர பாடல், இசை என பல கலைகளில் ஆர்வம் கொண்டவர் ஸ்ருதிஹாசன். இந்நிலையில் தந்தை கமல்ஹாசனைப்போலவே இவரும் இப்போது தொகுப்பாளராக களம் இறங்க உள்ளார். ஏற்கனவே 2018-ஆம் ஆண்டு சன் தொலைக்காட்சியில் “ஹலோ டாக் “ என்ற நிகழ்ச்சியை தொகுத்து வழங்கியிருந்தார். அந்த நிகழ்ச்சியின்போது தனது  செலிபிரட்டி நண்பர்களை அழைத்து அவர்களை பற்றிய சுவாரஸ்ய பக்கங்கள் குறித்து மக்களோடு உரையாடினார்.

 

 

இந்நிலையில் இரண்டு வருடங்களுக்கு பிறகு மீண்டும் ஸ்ருதிஹாசன் தொகுப்பாளர் அவதாரம் எடுக்க இருக்கிறாராம். பிரபல ஓடிடி தளம் ஒன்றில்  வெளியாக இருக்கும் புதிய நிகழ்ச்சியைத்தான் அவர் தொகுத்து வழங்கப்போவதாக  ஸ்ருதிக்கு நெருக்கமானவர்கள் தெரிவிக்கின்றனர். இதுகுறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. இது ஒருபுறம் இருக்க ஸ்ருதிஹாசன் கொரோனா குறித்த விழிப்புணர்வு பதிவுகள் மற்றும் பாதிக்கப்பட்டவர்களுக்கு உதவி செய்யும் SOS உதவி அழைப்புகளையும் தனது வலைதள பக்கங்கள் மூலமாக பகிர்ந்து வருகிறார் என்பது குறிப்பிடத்தக்கது.