Soundarya Rajinikanth: அருகே மகன்! பின்னால் அப்பா! சவுந்தர்யா ரஜினிகாந்த் பகிர்ந்த அழகான புகைப்படம்!

செளந்தர்யா ரஜினிகாந்த் ரஜினியுடன் இருப்பது போன்ற புகைப்படத்தை தன்னுடைய இன்ஸ்டாகிராம் பக்கத்தில் பதிவிட்டு இருக்கிறார். 

சௌந்தர்யா ரஜினிகாந்த்

இந்திய திரையுலகின் சூப்பர்ஸ்டாராக வலம் வருபவர் ரஜினிகாந்த். இவரது இரண்டாவது மகள் செளந்தர்யா ரஜினிகாந்த்(Soundarya Rajinikanth) முதலாவது கணவரை விவாகரத்து செய்து கொண்டு இராண்டாவதாக விசாகன் என்பவரை திருமணம் செய்து கொண்டார். இந்த  தம்பதிக்கு கடந்த செப்டம்பர் 11 ஆம் தேதி ஆண் குழந்தை பிறந்தது. இந்த செய்தியை, குழந்தையின் கையை பிடித்திருந்த புகைப்படத்தை பதிவிட்டு செளந்தர்யா தனது இன்ஸ்டாகிராம் பக்கத்தில் தெரிவித்து இருந்தார். மேலும், அந்த புகைப்படத்திற்கு கீழே அபரிமிதமான கடவுள் அருளுடனும், எங்கள் பெற்றோர் ஆசிர்வாதத்துடனும் வேதின் தம்பியை வரவேற்பதில் விசாகன், வேத் மற்றும் நானும் மகிழ்ச்சியடைகிறோம் என்று பதிவிட்டு இருந்தார். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Soundarya Rajinikanth (@soundaryaarajinikant)

மேலும், புதிதாக பிறந்த குழந்தைக்கு வீர் ரஜினிகாந்த் வணங்காமுடி என்றும் பெயர் சூட்டியுள்ளதாக குறிப்பிட்டு இருந்த அவர், மருத்துவர்கள் சுமனா மனோகர், ஸ்ரீவித்யா சேஷாத்ரி ஆகியோருக்கும் மிகப்பெரிய நன்றி என்றும் பதிவிட்டு இருந்தார். ரஜினிகாந்த்திற்கு பேரன் பிறந்ததையடுத்து, அவரது ரசிகர்கள் பலரும் சமூக வலைதளங்களில் சௌந்தர்யா ரஜினிகாந்திற்கு வாழ்த்துக்களை தெரிவித்தனர். இந்த நிலையில் செளந்தர்யா தனது இன்ஸ்டாகிராம் பக்கத்தில் அப்பா ரஜினிகாந்த் பின்னால் நிற்க, குழந்தையுடன் இருக்கும் புகைப்படத்தை பதிவிட்டு இருக்கிறார். அந்தப்பதிவில், “ நேற்று என்னுடைய பிறந்தநாளன்று எனக்கு பிறந்தநாள் வாழ்த்துகளை பகிர்ந்த  ஒவ்வொருவருக்கும் என்னுடைய நன்றி. கடவுள்கள் இந்த வருடம் எனக்கு சிறந்த பரிசை கொடுத்துள்ளனர். வீர் பாப்பா மற்றும் இந்த அற்புதமான கடவுளின் குழந்தை எப்போதும் எனக்கு பின்னால் உள்ளது.” என்று பதிவிட்டு இருக்கிறார். 

செளந்தர்யா ரஜினிகாந்த் கிராபிக் டிசைனர், படத் தயாரிப்பாளர் மற்றும் இயக்குனர் என்று பன்முகம் கொண்டவர். இவரின் முதல் திருமணம் விவகாரத்தில் முடிந்ததையடுத்து, இவர் தொழிலதிபர் விசாகனை கடந்த 2019ம் ஆண்டு இரண்டாவதாக திருமணம் செய்து கொண்டார் என்பது குறிப்பிடத்தக்கது. சௌந்தர்யா ரஜினிகாந்திற்கு ஏற்கனவே வேத் கிருஷ்ணா என்ற மகன் உள்ளார் என்பது குறிப்பிடத்தக்கது.