Soul of Varisu : குரலில் மயக்கும் சித்ரா.. பாசத்தில் நெகிழ வைக்கும் விஜய்.. வெளியானது வாரிசின் 3 வது பாடல்!

Soul of Varisu: வாரிசு படத்தின் மூன்றாவது சிங்கிளான “சோல் ஆஃப் வாரிசு” பாடல் வெளியாகிவுள்ளது.

வாரிசு மூன்றாம் சிங்கிள்

வாரிசு படத்தின் மூன்றாவது சிங்கிளான “சோல் ஆஃப் வாரிசு” பாடல் வெளியாகிவுள்ளது.

2023 ஆம் ஆண்டில் வரும் பொங்கலையொட்டி, விஜய் நடிப்பில் வாரிசு படம் வெளியாகவுள்ளது. படத்தின் படப்பிடிப்பு கிட்டத்தட்ட முடிவடைந்த நிலையில், படத்தின் பின்னணி வேலைகள் நடந்து வருகிறது.  படத்தின் ரிலீஸ் தேதி குறித்து அதிகாரபூர்வ தகவல் வரும் முன்னரே, படத்தின் விநியோகமும் நடந்து முடிந்துவிட்டது.

தற்போது, இந்த படத்தில் இடம்பெறும் ஒவ்வொரு பாடலும் ஒன்றின் பின் ஒன்றாக வெளியாகிவருகிறது.  முதலில், ரஞ்சிதமே பாடல் வெளியாகி கலவையான விமர்சனத்தை பெற்றாலும், ஒரு சில நாட்களிலேயே அந்தபாடல் வைரலானது. அடுத்ததாக, 30 ஆண்டு கால விஜயின் சினிமா வாழ்க்கையை கொண்டாடும் விதமாக, தீ தளபதி பாடல் வெளியிடப்பட்டது. இந்தபாடலை நடிகர், சிம்பு பாடினார். அத்துடன், தீ செட்டில் ஆடி அசத்தினார். 

இதனைத் தொடர்ந்து டிசம்பர் 24 ஆம் தேதி வாரிசு படத்தின் ஆடியோ வெளியீட்டு விழா பிரமாண்டமாக நடக்கவுள்ளதாக கூறப்படும் நிலையில் இன்று மாலை 5 மணிக்கு 3 ஆம் பாடல் வெளியாகும் என படக்குழு அறிவித்தது. பின்னர், இன்று காலையில் க்ளிம்ப்ஸ் காட்சி வெளியானது. அதில், ‘அம்மா இது உனக்காக என்றும் வாரிசின் ஆன்மா’ என்றும் குறிப்பிடப்பட்டிருந்தது. இந்த நிலையில் வாரிசு படத்தின் 3 ஆவது பாடல் சொன்ன படியே வெளியாகியிருக்கிறது; இந்த பாடலை சின்ன குயில் சித்ரா பாடியுள்ளார் என்பது குறிப்பிடதக்கது.

 

To all the indescribable MOTHER’s bonding and unconditional love❤️#SoulOfVarisu is here for you!!

▶️https://t.co/ZMAGrUg4KC

🎙️@KSChithra mam
🎵@MusicThaman
🖋️@Lyricist_Vivek#Thalapathy @actorvijay sir @SVC_official @directorvamshi @iamRashmika @7screenstudio @TSeries #Varisu

— Sri Venkateswara Creations (@SVC_official) December 20, 2022

வாரிசு படம் எப்போதுதான் ரிலீஸாகும்

இப்படம்  பொங்கலுக்கு வெளியாகும் என்ற போஸ்டரை செவன் ஸ்கிரீன் ஸ்டுடியோஸ்  தியேட்டர் வாசலில் ஒட்டி, வீடியோவையும் அதன் இன்ஸ்டா பக்கத்தில் வெளியிட்டது. படக்குழுவின் சார்பாக படத்தின் மற்ற அப்டேட்கள் வந்து கொண்டு  இருக்கின்றன. ஆனால், எந்த தேதியில் வெளியாகும் என்பது தெரியவில்லை. வெளிநாடுகளில் ஜனவரி 11 ஆம் தேதி ரிலீஸாகும் என்ற அறிவிப்பு வந்த நிலையில், டிக்கெட் முன்பதிவும் முடிந்து விட்டதாக சொல்லப்படுகிறது. 

வாரிசு Vs துணிவு 

வாரிசு படத்துக்கு போட்டியாக களமிறங்கும் துணிவு படத்திலிருந்து, இதுவரை “சில்லா சில்லா” மற்றும் “காசேதான் கடவுளடா” பாடல்கள் வெளியாகி உள்ளன. இப்பாடல்கள் அஜித் ரசிகர்களிடமிருந்து கலைவையான  விமர்சனங்களைப் பெற்று வரும் நிலையில், போகப் போக செம ஹிட்டாகும் என்றும் ரசிகர்கள் தங்கள் கருத்தை வெளிப்படுத்தி வருகின்றனர். மேலும் வாரிசிலிருந்து ஒரு அப்டேட் வந்தால், அடுத்த நாளே துணிவிலிருந்து அப்டேட் வருகிறது என்றும்  சில விஜய் ரசிகர்கள் அஜித் ரசிகர்களைக் கேலி செய்து வருகின்றனர்.