Vinesh Phogat : வினேஷ் போகத் தகுதி நீக்கம்...ஒன்றுகூடி ஆதரவு தெரிவிக்கும் நடிகைகள்

மல்யுத்த வீராங்கனை வினேஷ் போகத் ஒலிம்பிக்ஸ் விளையாட்டில் இருந்து தகுதிநீக்கம் செய்யப்பட்டதைத் தொடர்ந்து பிரபல நடிகைகள் அவருக்கு ஆதரவாக குரல் எழுப்பி வருகிறார்கள்

வினேஷ் போகத் , சோனாக்‌ஷி சின்ஹா , ரகுல் ப்ரீத் , டாப்ஸி

Source : Twitter

வினேஷ் போகத் தகுதி நீக்கம்

ஒலிம்பிக்கில் நேற்று நடைபெற்ற மகளிருக்கு 50 கிலோ எடைப்பிரிவு மல்யுத்த போட்டியில், வினேஷ் போகத் அடுத்தடுத்து மூன்று போட்டிகளில், முன்னணி வீராங்கனைகளை வீழ்த்தி இறுதிப்போட்டிக்கு முன்னேறினார். இதன் மூலம், மல்யுத்த போட்டியில் இறுதிப்போட்டிக்கு முன்னேறிய முதல் இந்திய வீராங்கனை என்ற பெருமையை பெற்றார்.

ஆனால், போட்டி நாளான இன்று, அவர் அனுமதிக்கப்பட்ட எடையை விட 150 கிராம் கூடுதல் எடை இருப்பதாக கூறி, போட்டியிலிருந்து தகுதி நீக்கம் செய்யப்பட்டுள்ளார். மேலும் உடலில் நீர்ச்சத்து குறைந்துபோன காரணத்தினால் வினேஷ் போகத் மயங்கி விழுந்தார். இதனைத் தொடர்ந்து அவர் தற்போது மருத்துவமனையில் அனுமதிக்கப்பட்டுள்ளார்.

வெற்றிக்கு இவ்வளவு நெருக்கத்தில் சென்று வினேஷ் போகத் தகுதி நீக்கம் செய்யப்பட்டுள்ளது பல்வேறு கேள்விகளை எழுப்பியுள்ளது. மேலும் வினேஷ் போகத்துக்கு ஆதரவாக முன்னணி நடிகைகள் தங்கள் வருத்தத்தை வெளிப்படுத்தி உள்ளார்கள்.

 நடிகை டாப்ஸி 

 நடிகை டாப்ஸி தனது இன்ஸ்டாகிராம் பக்கத்தில் வினேஷ் போகத் பற்றி தொடர்ச்சியாக பதிவிட்டு வந்தார். வினேஷ் போகத் இறுதிச் சுற்றுக்கு முன்னேறியபோது அவர் வரலாறு படைப்பார் என்று டாப்ஸி பதிவிட்டிருந்தார்.

தற்போது அவர் தகுதி நீக்கம் செய்யப் பட்டுள்ளது மனமுடையச் செய்துள்ளதாகவும் வினேஷ் போகத் தங்கத்தை பெறவில்லை என்றாலும் அதைவிட பெரிய பரிசை வென்றுவிட்டார்.” என்று டாப்ஸி தெரிவித்துள்ளார்

சோனாக்‌ஷி சின்ஹா

 நடிகை சோனாக்‌ஷி சின்ஹா தனது இன்ஸ்டாகிராம் பக்கத்தில் “இந்த தருணத்தில் நீங்கள் எப்படி உணர்வீர்கள் என்று என்னால் கற்பனை கூட செய்து பார்க்க முடியவில்லை. ஆனால் நீங்கள் தான் என்றும் எங்களுடைய சாம்பியன் “ என்று தெரிவித்துள்ளார்

ரகுல் ப்ரீத்

நடிகை ரகுல் ப்ரீத் தனது இன்ஸ்டாகிராம் பக்கத்தில் வினேஷ் போகத் தகுதி நீக்கம் செய்யப்பட்டதற்கு வருத்தம் தெரிவித்துள்ளார்.

ஹூமா குரேஷி

Please tell me something can be done 🙈 They have to let her fight 🇮🇳 @Phogat_Vinesh @Olympics @OGQ_India @IndianOlympians

— Huma Qureshi (@humasqureshi) August 7, 2024

காலா பட நடிகை ஹூமா குரேஷி “இந்த முடிவை மாற்ற முடியும் என்று யாராவது சொல்லமாட்டார்களா? அவரை போட்டியிட அனுமதியுங்கள்” என்று பதிவிட்டுள்ளார். 

இவர்கள் தவிர்த்து பூஜா பட் , ஸோயா அக்தர் , ஸ்வரா பாஸ்கர் உள்ளிட்ட பல்வேறு நடிகைகள் தங்கள் வருத்தத்தை பதிவு செய்துள்ளார்கள். மேலும் நடிகர் விக்கி கெளஷல் , ஃபரான் அக்தர் உள்ளிட்டவர்களும் தங்கள் வருத்தத்தை பதிவு செய்துள்ளார்கள்