Cook with Comali Sivaangi | மறுபடி நான் வரேன்.. சிவாங்கி சொன்ன சூப்பர் தகவல்... துள்ளிக்குதிக்கும் ரசிகர்கள்!
சிவாங்கி மீண்டும் குக் வித் கோமாளியின் அடுத்த சீசனில் பங்கேற்க இருப்பதாக தகவல் வெளியாகி உள்ளது.
விஜய் டிவியில் ஒளிப்பரப்பாகிய சூப்பர் சிங்கர் நிகழ்ச்சி மூலம் பாடகராக அறிமுகமானார் சிவாங்கி. இந்த நிகழ்ச்சியில் அவர் பாடிய பாடல்கள் இணையத்தில் வைரலானது. அதனைத்தொடர்ந்து அவர் ‘குக் வித் கோமாளி’ நிகழ்ச்சியில் போட்டியாளராக களம் இறங்கினார். இந்த நிகழ்ச்சியில் அவர் செய்த லூட்டிகள், சேட்டைகள் எல்லாம் மக்களுக்கு மிகவும் பிடித்துப் போக, இவருக்காகவே அந்த நிகழ்ச்சியை ஏராளமானோர் பார்க்க ஆரம்பித்தனர்.
இந்நிகழ்ச்சியின் 2 ஆவது சீசன் கடந்த ஏப்ரல் மாதம் முடிவுக்கு வந்தது. ஆனாலும் இன்றளவும் சிவாங்கி அடிக்கும் லூட்டிகள் யூடியூப்பில் வியூசை அள்ளிக்கொண்டுதான் இருக்கிறது. இதனால் எல்லோருக்கு பிடித்த ஒரு நடிகையாக சிவாங்கி மாறிவிட்டார். சின்னத்திரையில் கிடைத்த புகழின் மூலம் தற்போது வெள்ளித்திரையிலும் சிவாங்கி காலடி பதித்துள்ளார். சிவகார்த்திகேயன் நடிப்பில் வெளியாக உள்ள ‘டான்’ திரைப்படத்தில் முக்கிய கதாபாத்திரத்தில் சிவாங்கி நடித்து வருகிறார்.
சிவாங்கி பாடி நடித்துள்ள 'NO NO NO NO’ பாடல் வெளியாகி சமூகவலைதளங்களில் வரவேற்பை பெற்று வருகிறது. இந்தப் பாடலை சிவாங்கியும், சூப்பர் சிங்கர் பாடகரான ஐய்யனார் மற்றும் இந்த பாடலின் இசையமைப்பாளர் கார்த்திக் தேவராஜ் ஆகியோர் இணைந்து பாடியுள்ளனர். இந்தப் பாடலை ரவூபா ( HK Ravoofa ) எழுதியுள்ள நிலையில், பர்திவ் மணி- ( Parthiv Mani) இயக்கியுள்ளார்.
இந்த பாடல் வீடியோ தற்போது 1 மில்லியன் பார்வையாளர்களை கடந்து சென்று கொண்டிருக்கிறது. இந்த நிலையில் இந்த பாடல் குறித்தும், அதில் நடித்தது குறித்து சிவாங்கி டைம்ஸ் ஆஃப் இந்தியா நாளிதழுக்கு பேசினார். அதில் இது தன்னுடைய கனவு நிஜமாகியுள்ளதாக கூறினார். இந்த நிலையில் மீண்டும் அவர் குக் வித் கோமாளி நிகழ்ச்சியில் பங்கேற்க இருப்பதாக செய்திகள் வெளியாகி உள்ளது. சிவாங்கி நடிக்க இருப்பதாக தகவல் வெளியாகியுள்ள நிலையில், குக் வித் கோமாளி நிகழ்ச்சி மீதான எதிர்பார்ப்பு அதிகரித்துள்ளது. சமீபத்திய பேட்டி ஒன்றில் இதனை சிவாங்கி உறுதிப்படுத்தியுள்ளதாக தெரிகிறது.
View this post on Instagram
தலைப்பு செய்திகள்
ட்ரெண்டிங் செய்திகள்
