Simran on Monal: 'உன்னை மிஸ் பண்றோம் மோனு..' தங்கை நினைவால் தவிக்கும் சிம்ரன்! நடிகை மோனலின் 21ம் ஆண்டு நினைவு நாள்..!
நடிகை சிம்ரன் தங்கை மோனல் இறந்து 21ம் ஆண்டு நினைவு நாளில் ட்விட்டர் போஸ்ட் ஒன்றை பதிவிட்டுள்ளார்.
தமிழ் சினிமா எத்தனையோ அக்கா - தங்கை நடிகைகளை பார்த்துள்ளது. அம்பிகா - ராதா, நக்மா - ஜோதிகா, ஊர்வசி - கல்பனா, ஷாலினி - ஷாமிலி, ப்ரீத்தா - ஸ்ரீதேவி என பல பிரபலமான சகோதரிகள் தமிழ் சினிமாவை கலக்கினார். அவர்களின் வரிசையில் மிகவும் பிரபலமாக இருந்த ஒரு சகோதரிகள் நடிகை சிம்ரன் - மோனல்.
சிம்ரன் தங்கை மோனல்:
90களில் தமிழ் சினிமாவின் டாப் வான்டட் ஹீரோயினாக கலக்கியவர் நடிகை சிம்ரன். அஜித், விஜய், சூர்யா, விக்ரம், மாதவன், விஜயகாந்த், ரஜினி, கமல், அர்ஜுன், முரளி என அனைத்து முன்னணி நடிகர்களுக்கு ஜோடியாக நடித்து ஏராளமான ரசிகர் பட்டாளத்தை பெற்றவர் சிம்ரன். தனது சிறப்பான நடிப்பு, வசீகரமான தோற்றம், அசத்தலான டான்ஸ் என அனைவரையும் இடுப்பழகி சிம்ரன் என கொண்டாட வைத்தவர். ஏராளமான விருதுகளையும் பெற்றுள்ளார். 2003ம் ஆண்டு தீபக் என்பவருடன் திருமணம் நடைபெற்றது. இந்த தம்பதியினருக்கு இரண்டு மகன்கள் உள்ளனர். இருப்பினும் தொடர்ந்து சினிமாவில் நடித்து வருகிறார்.
நடிகை சிம்ரனின் தங்கை மோனல் 'பார்வை ஒன்றே போதுமே' என்ற திரைப்படத்தின் மூலம் அறிமுகமானார். தமிழ் மட்டுமின்றி தெலுங்கு திரைப்படத்திலும் நடித்துள்ளார். நடிகர் விஜய்யுடன் 'பத்ரி' திரைப்படத்தில் நடித்திருந்தார். மேலும் லவ்லி, சமுத்திரம், விவரமான ஆளு, சார்லி சாப்ளின், பேசாத கண்ணும் பேசுமே உள்ளிட்ட திரைப்படங்களில் நடித்திருந்தார்.
சிம்ரன் உருக்கம்:
இறுதியாக குணால் ஜோடியாக 'பேசாத கண்ணும் பேசுமே' திரைப்படத்தில் நடித்திருந்தார் மோனல். அப்படம் வெளியான சில நாட்களிலேயே மோனல் தூக்கிட்டு தற்கொலை செய்து கொண்டார். 2002ம் ஆண்டு ஏப்ரல் 14ம் தேதி தற்கொலை செய்து கொண்ட மோனல் இறந்து 21 வருடங்கள் உருண்டோடிவிட்டன. தங்கையின் நினைவாக நடிகை சிம்ரன் தனது சோசியல் மீடியா பக்கம் மூலம் தனது அன்பை வெளிப்படுத்தியிருந்தார். நீ இன்று உயிருடன் இல்லை என்றாலும் நாம் என்றும் ஒன்றாக தான் இருக்கிறோம். 21 வருடங்களாக நீ என்னுள் வாழ்ந்துகொண்டு இருக்கிறாய். எப்போதும் உன்னை மிகவும் மிஸ் பண்றோம் மோனு என பதிவிட்டு இருந்தார். மேலும் தங்கை மோனலுடன் இருக்கும் குழந்தை பருவத்து புகைப்படத்தையும், லேட்டஸ்ட் புகைப்படத்தையும் போஸ்ட் செய்துள்ளார்.
காரணம் என்ன?
மோனலின் தற்கொலைக்கு காரணம் என்ன என்பது மர்மகமாகவே உள்ளது. அவர் இறந்த போது நடிகர் குணாலுடன் காதல். அவர்கள் இருவருக்கும் இடையே பிரிவு ஏற்பட்டதால் தான் மோனல் தற்கொலை செய்துகொண்டார் என கூறப்பட்டது. ஆனால் அந்த செய்தியை முற்றிலுமாக பொய் என குற்றம்சாட்டி பரபரப்பை ஏற்படுத்தினார் சிம்ரன்.
ஆனால், மோனலுக்கு டான்ஸ் மாஸ்டர் கலாவின் சகோதரர் பிரசன்னாவுடன் தான் காதல். அவர்களின் காதலுக்கு கலா மாஸ்டர் குடும்பம் சம்மதம் தெரிவிக்காததால் மனமுடைந்து மோனல் தற்கொலை செய்து கொண்டதாக கூறப்பட்டது. இருப்பினும் உண்மையான காரணம் என்ன என்பது இதுவரையில் மர்மமாகவே உள்ளது.
தலைப்பு செய்திகள்
ட்ரெண்டிங் செய்திகள்
