Pathu Thala: சாயிஷாவின் கலக்கல் நடனம்.. வெளியானது பத்து தல ’ராவடி’ பாடல் வீடியோ...!

சிம்பு நடித்துள்ள பத்து தல படத்தின் இடம் பெற்றுள்ள 'ராவடி’ பாடலின் வீடியோ வெளியாகியது.

ராவடி பாடலின் வீடியோ வெளியாகியது

Pathu Thala : சிம்பு நடித்துள்ள பத்து தல படத்தின் இடம் பெற்றுள்ளன 'ராவடி’ பாடலின் வீடியோ வெளியாகியது. நடிகை சாயிஷாவின் கலக்கலான நடனத்தில் இந்த பாடல் வெளியாகி ரசிர்களை குஷிப்படுத்தியுள்ளது.

பத்து தல:

கௌதம் மேனனின் 'வெந்து தணிந்தது காடு' திரைப்படத்திற்கு பிறகு நடிகர் சிம்பு நடித்துள்ள திரைப்படம் 'பத்து தல'. ஒபிலி.என்.கிருஷ்ணா இயக்கத்தில் உருவாகியுள்ள இப்படத்தில் ஏஜிஆர் எனும் டான் கதாபாத்திரத்தில் நடித்துள்ளார் நடிகர் சிம்பு.  ஸ்டூடியோ கிரீன் ஞானவேல் ராஜா தயாரிப்பில் வெளியாகும் இப்படத்தில் கௌதம் மேனன், கௌம் கார்த்திக், பிரியா பவானி சங்கர், கலையரசன் ஆகியோர் முக்கிய கதாபாத்திரத்தில் நடித்துள்ளனர். இப்படமானது மார்ச் 30ஆம் தேதி வெளியாக உள்ளதாக தெரிவிக்கப்பட்டுள்ளது. இப்படத்துக்கு இசையமைப்பாளர் ஏ.ஆர். ரஹ்மான் இசையமைத்துள்ளார்.

விண்ணைத் தாண்டி வருவாயா, அச்சம் என்பது மடமையடா, வெந்து தணிந்தது காடு படங்களின் வரிசையில் நடிகர் சிம்பு - இசையமைப்பாளர் ஏ.ஆர். ரஹ்மான் காம்பினேஷனில் பாடல்கள் மீண்டும் இந்தப் படத்தில் அமைந்து ரசிகர்களின் எதிர்பாப்பை எகிறவைத்துள்ளது.  முன்னதாக ரஹ்மானின் குரலில் ’நம்ம சத்தம்...’ எனும் பாடல் சிம்பு பிறந்த நாள் ட்ரீட்டாக வெளியாகி ரசிகர்களை பெரிதும் மகிழ்வித்தது.

பத்து தல ட்ரெயிலர்:

அதனைத்தொடர்ந்து, இந்தப் படத்தின் இரண்டாவது பாடலான ’நினைவிருக்கா’ பாடல் மார்ச் 13ஆம் தேதி வெளியானது. ஏ.ஆர்.ரஹ்மானுடன், பாடலாசிரியர் கபிலன், அமீன் ஆகியோரும் பாடியிருந்தனர்.  பிரிந்த காதலர்கள் மீண்டும் சேரும் தருணத்துக்காக இந்தப் பாடலுக்கு மெட்டமைக்கும்  வகையிலான இந்த வீடியோ இணையத்தில் வரவேற்பைப் பெற்றது. 

அதற்கு பிறகு, கடந்த 18ஆம் தேதி ’பத்து தல'படத்தின் இசை வெளியீட்டு விழா சென்னை நேரு உள்விளையாட்டு அரங்கில் நடைபெற்றது. அன்று இப்படத்தில் இடம்பெற்றுள்ள அனைத்து பாடல்கள் மற்றும் படத்தின் ட்ரெய்லர் வெளியிடப்பட்டது.

ராவடி வீடியோ:

இதற்கிடையில், திரையரங்கு வெளியீட்டிற்கு பின்னர், இந்த படத்தின் டிஜிட்டல் உரிமையை அமேசான் நிறுவனம் பெற்றுள்ளதாக தகவல் வெளியாகி உள்ளது. அதுமட்டுமின்றி, சாட்டிலைட் உரிமையை ஜீ தமிழ் நிறுவனம் பெற்றுள்ளது. சமீபத்தில் நடந்த இசை வெளியீட்டு விழாவை ஜீ தமிழ் தொலைக்காட்சி வரும் ஏப்ரல் 2ஆம் தேதி ஒளிபரப்ப உள்ளதாக தகவல் வெளியாகி உள்ளது. 

#Raawadi is here for you ❤️#Sayyeshaa & #GauthamKarthik's #RaawadiVideoSong from #PathuThala will make you groove 🥁

Full song visual link: 💃https://t.co/M71DFc0zr4

An @arrahman Musical
🎤 @SingerNivas & @shubamusic
✍️ @KavingarSnekan@StudioGreen2 @PenMovies #Atman

— Studio Green (@StudioGreen2) March 25, 2023

இந்நிலையில், பத்து தல படத்தின் ராவடி பாடலின் வீடியோ வெளியானது. நடிகை சாயிஷாவின் கலக்கலான நடனத்தில் இந்த பாடல் அமைந்துள்ளது. இந்த பாடலானது தற்போது ரசிகர்களை குஷிப்படுத்தி உள்ளது.