![ABP Premium](https://cdn.abplive.com/imagebank/Premium-ad-Icon.png)
Indian 2 Box Office :என்ன ஆனது இந்தியன் 2வின் 4வது நாள் வசூல் நிலவரம்? உயர்வா? சரிவா?
ஷங்கர் இயக்கத்தில் கமல் நடித்துள்ள இந்தியன் 2 படத்தின் நான்காவது நாள் வசூல் நிலவரங்கள் வெளியாகியுள்ளன
![Indian 2 Box Office :என்ன ஆனது இந்தியன் 2வின் 4வது நாள் வசூல் நிலவரம்? உயர்வா? சரிவா? shankar and kamalhaasan indian 2 movie 4th days box office collection Indian 2 Box Office :என்ன ஆனது இந்தியன் 2வின் 4வது நாள் வசூல் நிலவரம்? உயர்வா? சரிவா?](https://feeds.abplive.com/onecms/images/uploaded-images/2024/07/16/e35f9b549ec778938290d1d6938904921721126942548572_original.jpg?impolicy=abp_cdn&imwidth=1200&height=675)
இந்தியன் 2
ஷங்கர் இயக்கத்தில் கமல் நடித்துள்ள இந்தியன் 2 படம் கடந்த ஜூலை 12 ஆம் தேதி திரையரங்குகளில் வெளியானது. படம் வெளியானது முதல் தமிழ்நாடு மட்டுமில்லாமல் இந்தியா முழுவதும் வசூலை வாரி குவித்து வருகிறது. படத்திற்கு கலவையான விமர்சனங்கள் இருந்தாலும் படம் வெளியானது முதல் திரையரங்குகளில் ரசிகர்கள் கூட்டம் அலைமோதி வருகிறது.
பிரம்மாண்டமான பொருட் செலவில் எடுக்கப் பட்டாலும் இந்தியன் 2 திரைப்படம் காட்சியமைப்புகளிலும் வசனங்களில் இன்றைய தலைமுறை ரசிகர்களை கவரும் விதமாக இல்லாதது படத்தின் மிகப்பெரிய பின்னடைவாக கருதப் படுகிறது. மேலும் படத்தின் நீளம் பார்வையாளர்களை சோர்வடையச் செய்வதாக சமூக வலைதளங்களில் ஒருமித்த கருத்துக்கள் பகிரப் பட்டு வந்தன. ரசிகர்களின் வேண்டுகோளுக்கு ஏற்ப இந்தியன் 2 படத்தின் காட்சிகளை மீண்டும் எடிட் செய்து 20 நிமிட காட்சிகளை நீக்கி படத்தின் நீளத்தை சுருக்கியுள்ளது படக்குழு.
இந்தியன் 2 வசூல்
கடந்த வியாழக்கிழமை இந்தியன் 2 வெளியான நிலையில் நேற்று முன் தினமான ஞாயிற்று கிழமை (ஜூலை 14) வரை ரசிகர்கள் திரளாக திரையரங்குகளுக்கு வந்து கொண்டிருந்தனர். இதனால் படம் முதல் மூன்று நாட்களிலேயே உலகளவில் 100 கோடி ரூபாய் வசூலை கடந்தது. விஜய் சேதுபதி நடித்த மகாராஜா திரைப்படம் 105 கோடி வசூலித்திருந்த நிலையில் இந்தியன் 2 திரைப்படம் 109 கோடி வசூலித்து இந்த ஆண்டில் அதிகம் வசூல் ஈட்டிய படமாக இடம்பெற்றது.
Audiences are buzzing about #Indian2 🇮🇳✨ Thank you for embracing Senapathy's comeback with such enthusiasm. 🤞💥@IndianTheMovie 🇮🇳 Ulaganayagan @ikamalhaasan @shankarshanmugh #Siddharth @actorsimha @anirudhofficial @dop_ravivarman @sreekar_prasad @muthurajthangvl… pic.twitter.com/hkaV8btQ0w
— Lyca Productions (@LycaProductions) July 16, 2024
இந்நிலையில் விடுமுறை நாட்கள் முடிந்து திங்கட்கிழமையான நேற்று (ஜூலை 15) வேலை நாட்கள் என்பதால் திரையரங்குகளில் ரசிகர்கள் கூட்டம் குறைந்துள்ளது. இதனால் முதல் மூன்று நாட்களுடன் ஒப்பிடும் போது படத்தின் வசூல் குறைந்துள்ளது. நான்காவது நாளாக இந்தியன் 2 படம் இந்தியவில் 3 முதல் 5 கோடிகள் மட்டுமே வசூலித்துள்ளதாக தகவல்கள் வெளியாகி உள்ளது. இந்தியன் 2 படத்தின் வசூல் குறித்த அதிகாரப் பூர்வமான தகவல்கள் இதுவரை வெளியாகாத நிலையில் படத்தின் வசூல் பற்றிய பல்வேறு தகவல்கள் பரவி வருகின்றன.
மேலும் படிக்க : Viduthalai 2 First look: மீண்டும் வருகிறார் பெருமாள் வாத்தியார்! நாளை வெளியாகிறது 'விடுதலை 2' படத்தின் ஃபர்ஸ்ட் லுக்!
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)