Shah Rukh Khan: இஷ்டதெய்வமான ஜம்மு வைஷ்னோ தேவி கோயிலில் ஷாருக் கான்!
ஷாருக் கான் நடித்துள்ள டங்கி திரைப்படம் வரும் டிசம்பர் 21 ஆம் தேதி வெளியாக இருக்கும் சூழலில் ஜம்முவில் இருக்கும் வைஷ்னோ தேவி கோயிலுக்கு வழிபடச் சென்றுள்ளார் ஷாருக் கான்
டங்கி
ஷாருக் கான் நடித்து ராஜ்குமார் ஹிராணி இயக்கியிருக்கும் டங்கி திரைப்படம் வரும் டிசம்பர் 21 ஆம் தேதி வெளியாக இருக்கிறது. விக்கி கெளஷல், டாப்ஸி பன்னு, போமன் இராணி, விக்ரம் கொச்சார், அனில் க்ரோவர் உள்ளிட்டவர்கள் இந்தப் படத்தில் நடித்துள்ளார்கள். ஜியோ சினிமாஸ் மற்றும் ரெட் சில்லீஸ் என்டர்டெயின்மெண்ட் இந்தப் படத்தை இணைந்து தயாரித்துள்ளது. இங்கிலாந்து செல்லும் கனவோடு இருக்கும் ஐந்து பஞ்சாப்பை சேர்ந்த இளைஞர்கள் அகதிகளாக மாட்டிக் கொள்கிறார்கள். மறுபடியும் தங்களது சொந்த மண்ணிற்கு திரும்பி வர அவர்கள் எதிர்கொள்ளும் போராட்டமே டங்கி . சமீபத்தில் வெளியாகிய டங்கி படத்தின் ட்ரெய்லர் ரசிகர்களிடம் வரவேற்பைப் பெற்றது.
Yaatrigan kripya dhyaan de! Laltu se hokar London ko jaane waali Dunki ki rollercoaster journey ab shuru hone waali hai. #DunkiDrop4 Out Now!https://t.co/vN8JhXl3Sj#Dunki releasing worldwide in cinemas on 21st December, 2023. pic.twitter.com/9Xa2uXT83v
— Red Chillies Entertainment (@RedChilliesEnt) December 5, 2023
ஷாருக் கானி இஷ்ட தெய்வம்
டங்கி படம் வெளியாக இன்னும் ஒரு வார காலமே இருக்கும் நிலையில் தற்போது ஷாருக் கான் ஜம்மு சென்றுள்ளார். ஜம்முவில் இருக்கும் வைஷ்னோ தேவி ஆலையத்திற்கு ஷாருக் கான் செல்லும் வீடியோ இணையதளத்தில் வெளியாகி இருக்கிறது. ஒவ்வொரு முறை தான் நடித்த படம் வெளியாகும் போது ஷாருக் கான் இந்த ஆலையத்திற்கு செல்வது வழக்கமாகி இருக்கிறது.
இந்த ஆண்டின் தொடக்கத்தில் வெளியான் பதான் படத்தின் ரிலீஸுக்கு முன் ஷாருக் கான் இந்த கோவிலுக்கு வந்து சென்றார். இதனைத் தொடர்ந்து ஜவான் திரைப்படம் வெளியானபோது இந்த கோயிலுக்கு சென்று வந்தார் ஷாருக் கான். இரண்டு படங்களும் மிகப்பெரிய பாக்ஸ் ஆபிஸ் வெற்றிகளை பெற்று 1000 கோடிகளுக்கும் மேலாக வசூல் செய்தன. குறிப்பாக ஜவான் திரைப்படம் இந்த ஆண்டில் அதிகம் வசூல் செய்த இந்தியப் படமாக முதலிடத்தில் இருக்கிறது.
ஹாட்ரிக் அடிப்பாரா ஷாருக்
VIDEO | Bollywood actor @iamsrk visited Mata Vaishno Devi shrine earlier today. pic.twitter.com/HbjW0YczUC
— Press Trust of India (@PTI_News) December 12, 2023
டங்கி படத்திற்கு எந்த விதமான ப்ரோமோஷன் வேலைகளிலும் ஷாருக் கான் இதுவரை கலந்துகொள்ளவில்லை. டங்கி படத்தின் வெற்றிக்காக பிரார்திக்க சென்றிருக்கும் ஷாருக் கான் இந்த அண்டு ஹாட்ரிக் கடிக்க காத்திருக்கிறார். ராஜ் குமார் ஹிராணியின் படங்கள் பொதுவாகவே வசூலை குவிப்பதற்கு பெயர் போனவை . இந்த முறை இரண்டு வசூல் மன்னர்கள் இந்தப் படத்தில் இணைந்திருப்பது பல்வேறு பாக்ஸ் ஆபிஸ் சாதனைகளை தகர்த்தெரிந்துவிடும் என்று எதிர்பார்க்கலாம்.
தலைப்பு செய்திகள்
ட்ரெண்டிங் செய்திகள்
