Shah Rukh Khan | மகன் விவகாரத்தால் இமேஜ் குறைந்த ஷாருக்! தொழில் நஷ்டத்தில் ஷாருக்கான் டூப்!
ஆர்யன்கான் விவகாரத்தால் ஷாருக்கானுக்கு மட்டுமல்ல அவரை மாதிரியே தோற்றத்தைக் கொண்ட டூப்புகளுக்கும் சிக்கல் ஏற்பட்டுள்ளதாக சிலர் வருத்தத்தை பதிவு செய்துள்ளனர்.
பாலிவுட் உலகையே பெரும் பரபரப்பாக்கிய சம்பவம் ஷாருக்கான் மகனின் கைது. ஷாருக்கானின் மகன் உட்பட ஏழு பேர் மும்பையின் நட்சத்திரக் கப்பல் கொண்டாட்டம் ஒன்றில் போதைப்பொருள் உபயோகிக்கும்போது பிடிபட்ட தகவல் திரையுலக வட்டாரத்தில் பெரும் பரபரப்பை ஏற்படுத்தியது. 13 கிராம் கொக்கைய்ன், 21 கிராம் சராஸ், 5 கிராம் எம்டி, 22 எம்டிஎம்ஏ மாத்திரைகள் உள்ளிட்ட போதைப்பொருட்கள் அந்த கப்பலில் இருந்து கைப்பற்றப்பட்டுள்ளன. போதைப்பொருள் தடுப்புப்பிரிவும் கடலோரக் காவல்படையும் இணைந்து நடத்திய இந்த பெரும் தேடுதல் வேட்டையில் ஆர்யன் கான் பிடிபட்டார். சொகுசுக்கப்பல் கொண்டாட்டம் ஒன்றில் போதைப்பொருள் உபயோகிக்கப்படுவதாகக் கிடைத்த தகவலை அடுத்து கப்பலுக்குள் மஃப்டியில் நுழைந்த போலீசாரும் போதைப் பொருள் தடுப்புப் பிரிவினரும் போதைப்பொருள் உபயோகிக்கும் கும்பலை கையும் களவுமாகப் பிடித்தனர்.
ஆர்யன் கானிடம் போதைப்பொருள் தடுப்புப் பிரிவு நடத்திய விசாரணையில் அவர் கடந்த 4 வருடங்களாக போதைப்பொருள் எடுத்துவருவதாகவும் தடுப்புப் பிரிவு போலீசார் விசாரணையின் போது அவர் தொடர்ச்சியாக அழுததாகவும் கூறப்படுகிறது. விசாரணையை அடுத்து மும்பை நீதிமன்றத்தில் ஆஜர்படுத்தப்பட்டார் ஆர்யன் கான். இந்த சம்பவத்தால் தன்னுடைய படப்பிடிப்பை பாதியிலேயே நிறுத்திவிட்டு மும்பைக்கு திரும்பியுள்ளார் ஷாருக்கான். இந்த சம்பவங்களால் ஷாருக்கானின் குடும்பம் மிகுந்த மன அழுத்தத்தில் இருப்பதாகக் கூறப்படுகிறது.
இதற்கிடையே ஷாருக்கான் மீது பலரும் தங்களது அதிருப்தியை வெளிப்படுத்தினர். மகனால், ஷாருக்கான் மீது மக்களுக்கு அதிருப்தி இருப்பதால்ஷாருக்கான் நடித்த பல விளம்பரங்களை பல நிறுவனங்கள் தற்காலிகமாக நிறுத்தியுள்ளன. இந்நிலையில் ஆர்யன்கான் விவகாரத்தால் ஆர்யன்கான் விவகாரத்தால் ஷாருக்கானுக்கு மட்டுமல்ல அவரை மாதிரியே தோற்றத்தைக் கொண்ட டூப்புகளுக்கும் சிக்கல் ஏற்பட்டுள்ளது.
ஷாருக்கான் உருவத்தைப் போல இருக்கும் சிலர் அதன் மூலம் நிகழ்ச்சிகளிலும், விழாக்களிலும் பங்கேற்று வருமானம் ஈட்டி வந்தனர். ஷாருக்கான் டூப் போல இருப்பதாக் அவர்களுக்கு நல்ல டிமாண்டும் இருந்துள்ளது. ஆனால் தற்போது ஆர்யன்கான் விவகாரத்தால் அவர்கள் தொழிலும் பெரிதும் பாதிக்கப்பட்டுள்ளதாக வருத்தம் தெரிவித்துள்ளனர்.
இது குறித்து பேசிய ராஜூ என்பவர், கொரோனாவால் ஏற்கெனவே எனக்கு தொழில் பாதிக்கப்பட்டு இருந்தது. இப்போது தான் மீண்டும் வேலை சூடுபிடித்தது. இந்த நேரத்தில் ஏற்பட்ட ஆர்யன்கான் விவகாரத்தால் தற்போது மீண்டும் தொழிலில் சிக்கல் ஏற்பட்டுள்ளது. இப்போது மக்களுக்கு ஷாருக்கான் மீது அதிருப்தியே நிலவுகிறது. விரைவில் ஷாருக்கான் மீண்டு வருவார் என்ற நம்பிக்கையுள்ளது என்றார்.
View this post on Instagram
தலைப்பு செய்திகள்
ட்ரெண்டிங் செய்திகள்
