Conjuring Kannappan : ரகளையான பேய் படம்தான்.. ஆனால் குழந்தைகள் பார்க்கலாமா? கான்ஜூரிங் கண்ணப்பன் சென்சார் என்ன சொல்லுது?

சதீஷ் நடித்திருக்கும் காஞ்சூரிங் கண்ணப்பன் படத்திற்கு யு/ஏ சான்றிதழ் வழங்கப்பட்டுள்ளது

கான்ஜூரிங் கண்ணப்பன். (Image source: Twitter)

நகைச்சுவை நடிகர் சதீஷ்

 சிவா நடித்த தமிழ் படம்  மற்றும்  ஏ.எல் விஜய் இயக்கிய மதராசப்பட்டினம் படத்தில் சின்ன சின்ன  கதாபாத்திரத்தில் தோன்றிய சதீஷ் சிவகார்த்திகேயன் நடிப்பில் வெளியான எதிர்நீச்சல் திரைப்படத்தின் மூலம் பிரபல நகைச்சுவை நடிகராக உருவான நடிகர் சதீஷ். டைமிங் காமெடிகளின் மூலம் தமிழ் சினிமாவில் நீண்ட நகைச்சுவை நடிகர்களின் பட்டியலில் தனக்கென ஒரு இடத்தைப் பிடித்தார். இதனைத் தொடர்ந்து மான் கராத்தே , தாண்டவம், சிகரம் தொடு , நையாண்டி உள்ளிட்ட படங்களில் தமிழ் சினிமாவில் முன்னணி நடிகர்களுடன் இணைந்து நடித்து வந்த சதீஷ் கத்தி திரைப்படத்தில் விஜய்யுடன் இணைந்து நடித்தார்.

பல்வேறு படங்களில் நடித்து வந்த சதீஷ், அண்ணாத்த படத்தில் ரஜினியுடன் இணைந்து நடித்தார். ஒரு கட்டத்திற்கு மேல் நகைச்சுவை நடிகர்களுக்கு நடிகராக நடிக்க வேண்டும் என்கிற ஆசையை தவிர்க்க முடியாததாக மாறிவிடுகிறதோ என்னவோ. கதாநாயகனாக நடிக்க முடிவு செய்தார் சதீஷ்.

நாய் சேகர்

சதீஷ், குக்கு வித் கோமாளி புகழ் பவித்ரா இணைந்து  நடித்து வெளியான படம் நாய் சேகர். கிஷோர் ராஜ்குமார் இந்தப் படத்தை இயக்க அனிருத் இந்தப் படத்திற்கு இசையமைத்தார். ஏ.ஜி.எஸ் நிறுவனம் இந்தப் படத்தை தயாரித்தது. நாய் சேகர் திரைப்படம் ரசிகர்களிடையே சுமாரான வரவேற்பைப் பெற்றது. இதனைத் தொடர்ந்து தற்போது இரண்டாவது முறையாக ஏ.ஜி.எஸ் நிறுவனம் தயாரிக்கும் படத்தில் சதீஷ் நடித்துள்ள படம்தான் கான்ஜூரிங் கண்ணப்பன்.

கான்ஜூரிங் கண்ணப்பன்

சதீஷ் கதாநாயகனாக நடிக்க அறிமுக இயக்குநர் செல்வின் ராஜ் சேவியர் எழுதிய் இயக்கியிருக்கும் திரைப்படம் கான்ஜூரிங் கண்ணப்பன் . ஏ.ஜி எஸ் என்டர்டெயின்மெண்ட் இந்தப் படத்தை தயாரித்துள்ளது. ஹாரர் காமெடியாக உருவாகி இருக்கும் இந்தப் படத்தில் ரெஜினா கசாண்ட்ரா, சரண்யா பொன்வண்ணன்  மற்றும் நாஸர் உள்ளிட்டவர்கள் நடிக்கிறார்கள். யுவன் ஷங்கர் ராஜா இந்தப் படத்திற்கு இசையமைத்திருக்கிறார். சமீபத்தில் இந்தப் படத்தின் ட்ரெய்லர் வெளியாகி ரசிகர்களிடையே நல்ல வரவேற்பைப் பெற்றது. இந்தப் படத்தில் ஒடிடி உரிமத்தை நெட்ஃப்ளிக்ஸ் வாங்கியுள்ளது. இந்தப் படத்தின் ட்ரெய்லரை பார்த்த கிரிக்கெட் வீரர் தினேஷ் கார்த்திக் தன்னுடைய ட்விட்டர் தளத்தில் பாராட்டி வீடியோ வெளியிட்டிருந்தது குறிப்பிடத்தக்கது. 

யு/ஏ சான்றிதழ்

#ConjuringKannappan gets a UA 😊 Can’t wait for you to see the movie. Release date will be announced tomorrow 🙌🏼 @selvinrajxavier @actorsathish @thisisysr

— Archana Kalpathi (@archanakalpathi) November 17, 2023

வருகின்ற நவம்பர் 30-ஆம் தேதி திரையரங்கத்தில் வெளியாக இருக்கும் கான்ஜூரிங் கண்ணப்பன் படத்தின் முதல் பாடலான நோபடி ஸ்லீப்ஸ் ஹியர் என்கிற பாடல் இன்று வெளியாக இருக்கிறது. இந்நிலையில் இந்தப் படத்திற்கு யு. ஏ சென்ஸார் சான்றிதழ் வழங்கப்பட்டுள்ளது. ஹாரர் படம் என்பதால் கொஞ்சம் முகம் சுளிக்கும்  வகையிலான காட்சிகள் இந்தப் படத்தில் இடம்பெற்றிருப்பதால் யு/ஏ சான்றிதழ் வழங்கப்பட்டிருக்கலாம்.