Subramaniyapuram Rerelease: மீண்டும் ஒரு ரவுண்டுக்கு தயாராகுங்க.. மீண்டும் வெளியாகிறது சுப்ரமணியபுரம்..

15 ஆண்டுகளை நிறைவு செய்வதை முன்னிட்டு மீண்டும் வெளியாக இருக்கிறது சசிகுமார் இயக்கிய சுப்ரமணியபுரம்

சுப்ரமணியபுரம். image source: twitter

சசிகுமார் இயக்கத்தில் வெளியான சுப்ரமணியபுரம் திரைப்படம் வெளியாக 15 ஆண்டுகளை  நிறைவு செய்வதை கொண்டாடும் விதமாக சுப்ரமணியபுரம் படத்தை மீண்டும் திரையரங்கத்தில் மறுவெளியீடு செய்யத் திட்டமிட்டுள்ளது படக்குழு.

சுப்ரமணியபுரம்

கடந்த 2008-ஆம் ஆண்டு வெளியானத் திரைப்படம் சுப்ரமணியபுரம். சசிகுமார், ஜெய், கஞ்சா கருப்பு, சமுத்திரகனி, ஸ்வாதி ஆகியவர்கள் இந்தப் படத்தில் நடித்திருந்தனர். சுப்ரமணியபுரம் திரைப்படம் தமிழ் திரைப்படங்களில் க்ளாசிக் படமாக கருதப்படுகிறது. பாலிவுட் இயக்குநர் அனுராக் கஷ்யப் தனது கேங்ஸ் ஆஃப் வாஸிப்பூர் திரைப்படத்தை எடுக்க மிகப் பெரிய இன்ஸ்பிரேஷனாக தனக்கு சுப்ரமணியபுரம் படம் இருந்தது என்று குறிப்பிட்டுள்ளார். அண்மையில் படம் வெளியாகி 15 ஆண்டுகள் நிறைவடைவதை முன்னிட்டு படக்குழுவினர் தங்களது மகிழ்ச்சியை தெரிவித்திருந்தனர்.

மீண்டும் வெளியாகும் சுப்ரமணியபுரம்

Re-release of #Subramaniapuram in theaters all over Tamil Nadu on August 4, 2023. Relive the experience once again.. #15YearsOfSubramaniapuram
@thondankani @srkathiir @Vasanthan_James @onlynikil #jai #swathi #kanjakarupu #Azhagar #paraman #thulasi pic.twitter.com/JUUs4F7bXW

— M.Sasikumar (@SasikumarDir) July 28, 2023

 15 ஆண்டுகள் கழித்தும் சுப்ரமணியபுரம் படத்திற்கு மக்களிடையே இருக்கும் வரவேற்பைக் கண்டு இந்தப் படத்தை  மறுவெளீயிடு செய்யத் திட்டமிட்டுள்ளது படக்குழு. வருகின்ற ஆகஸ்ட் 4 ஆம் தேதி திரையரங்குகளில் வெளியாக இருக்கிறது படம். இந்தத் தகவலை தனத் ட்விட்டர் பக்கத்தில் பகிர்ந்தனர் படக்குழுவினர்.  இதனை கேட்ட ரசிகர்கள் மகிழ்ச்சி அடைந்துள்ளார்கள்.

மகிழ்ச்சி தெரிவித்த சசிகுமார்

It’s like yesterday. 15 years of Subramaniapuram. The memories are still fresh. You all didn’t just approve of the film but celebrated it. On this remarkable day I want to share the news with you all that I’m starting up my next directorial venture#15YearsOfSubramaniyapuram pic.twitter.com/trGxMkn56V

— M.Sasikumar (@SasikumarDir) July 4, 2023

 சசிகுமார் தனது ட்விட்டர் பக்கத்தில் சுப்ரமணியபுரம் படம் குறித்த மகிழ்ச்சியை பகிர்ந்துகொண்டார். “நேற்று நடந்ததுபோல்  இருக்கிறது ஆனால் பதினைந்து ஆண்டுகள் கடந்துவிட்டன. நீங்கள் அனைவரும் இந்தப் படத்தை  அங்கீகரிக்க மட்டுமில்லை அதை கொண்டாடவும் செய்திருக்கிறீர்கள். இந்த மகிழ்ச்சியான நாளில் நான் உங்களுடன் ஒன்றை பகிர்ந்துகொள்ள விரும்புகிறேன். நான் என்னுடைய அடுத்த படத்தை இயக்க இருக்கிறேன் “ என்று தனது ரசிகர்களுக்கு இந்தத் தகவலை தெரிவித்துள்ளார். விரைவில் இந்தப் படம் குறித்தான கூடுதல் தகவல் வெளியாகும் என எதிர்பார்க்கப்படுகிறது.