42 வயது தனுஷூக்கு ஜோடியாகும் 20 வயது துரந்தர் பட நடிகை சாரா அர்ஜூன் !

துரந்தர் படத்தின் வெற்றியைத் தொடர்ந்து நடிகை சாரா அர்ஜூன் தனுஷின் அடுத்த படத்தில் தனுஷூக்கு ஜோடியாக நடிக்க இருப்பதாக தகவல்கள் வெளியாகியுள்ளன

தனுஷ் , சாரா அர்ஜூன்

Source : X

நடிகர் தனுஷின் 56 ஆவது படத்தை தமிழரசன் பச்சமுத்து இயக்கவிருக்கிறார். இப்படத்தில் தனுஷிற்கு ஜோடியாக கன்னட நடிகை ருக்மினி பசந்த் நடிக்க ஒப்பந்தமாகியிருந்தார். ஆனால் தற்போது கால்ஷீட் காரணமாக ருக்மினி இந்த படத்தில் இருந்து விலகியுள்ளதாகவும் துரந்தர் பட நடிகை சாரா அர்ஜூன் இப்படத்தில் தனுஷூக்கு ஜோடியாக நடிக்க இருப்பதாக தகவல்கள் வெளியாகியுள்ளன.

விக்னேஷ் ராஜா இயக்கத்தில் தனுஷ் நடித்துள்ள கர திரைப்படம் வரும் ஏப்ரல் 30 ஆம் தேதி திரையரங்குகளில் வெளியாக இருக்கிறது. தனுஷ் தற்போது ராஜ்குமார் பெரியசாமி இயக்கத்தில் D55 படத்தில் நடித்து வருகிறார். மோகன்லால் , சாய் பல்லவி , ஶ்ரீலீலா ஆகியோர் இப்படத்தில் நடித்து வருகிறார்கள். சாய் அப்யங்கர் இசையமைக்கிறார். இப்படத்தைத் தொடர்ந்து தனுஷ் அடுத்தபடியாக லப்பர் பந்து படத்தின் மூலம் கவனமீர்த்த தமிழரசன் பச்சமுத்து இயக்கும் படத்தில் நடிக்க இருக்கிறார். இப்படத்தில் தனுஷூக்கு ஜோடியாக கன்னட நடிகை ருக்மினி வசந்த் நடிக்க இருந்தார். ஆனால் தற்போது அவர் படத்தில் இருந்து விலகி சாரா அர்ஜூன் நாயகியாக நடிக்க பேச்சுவார்த்தை நடந்து வருவதாக தகவல்கள் வெளியாகியுள்ளன

42 வயது தனுஷூக்கு ஜோடியாகும் சாரா அர்ஜூன் 

தமிழ் , தெலுங்க் , கன்னடம் என மூன்று மொழிகளில் நடித்து வரும் ருக்மினி வசந்த் தற்போது பிரசாந்த் நீல் இயக்கத்தில் ஜூனியர் என் டி ஆர் நடிக்கும் படத்தில் நடித்து வருகிறார். இதனால் தனுஷ் படத்திற்கு  அவரால் கால்ஷீட் ஒதுக்கமுடியாத காரணத்தினால் அவர் இந்த படத்தில் இருந்து விலகியுள்ளதாக தகவல்கள் வெளியாகியுள்ளன. அவருக்கு பதிலாக சாரா அர்ஜூனை நாயகியாக நடிக்க வைக்க பேச்சுவார்த்தைகள் நடந்து வருகின்றன

தெய்வத்திருமகள் படத்தின் மூலம் குழந்தை  நட்சத்திரமாக ரசிகர்களை கவர்ந்தவர் பேபி சாரா. சைவம் , பொன்னியில் செல்வன் ஆகியவை இவர் தமிழில் நடித்த படங்கள். கடந்த ஆண்டு வெளியான துரந்தர் படத்தின் மூலம் பான் இந்திய அளவில் கவனமீர்த்துள்ளார். குறிப்பாக இப்படத்தில் 40 வயதான ரன்வீர் சிங்கிற்கு ஜோடியாக 20 வயது சாரா அர்ஜூன் நடித்திருந்தது பெரியளவில் பேசுபொருளானது. தற்போது 42 வயதான தனுஷூக்கு ஜோடியாக சாரா அர்ஜூன் நடிக்க இருப்பது பல்வேறு சர்ச்சைகளை ஏற்படுத்து என எதிர்பார்க்கலாம்.