Samantha Ruth Prabhu : ”ரத்தமும், வேர்வையும் சிந்தினாங்க சமந்தா : யசோதா தயாரிப்பாளர் சொன்ன தகவல்..

நடிகை சமந்தா ரூத் பிரபுவின் நடிப்பில் உருவாகியுள்ள யசோதா திரைப்படம் நவம்பர் 11 ஆம் தேதி வெளியாகும் எனத் தெரிவிக்கப்பட்டுள்ளது.

Written By : பாண்டிம்மா தேவி | Updated at : 18 Oct 2022 12:05 PM (IST)

யசோதா

நடிகை சமந்தா ரூத் பிரபுவின் நடிப்பில் உருவாகியுள்ள யசோதா திரைப்படம் நவம்பர் 11 ஆம் தேதி வெளியாகும் எனத் தெரிவிக்கப்பட்டுள்ளது.

ஸ்ரீதேவி மூவிஸ் சார்பில் சிவலெங்கா கிருஷ்ண பிரசாத் தயாரிப்பில் யசோதா என்ற படத்தில் சமந்தா நடித்துள்ளார். ஹரிஹரிஷ் இயக்கியுள்ள இப்படத்தில் வரலட்சுமி சரத்குமார், உன்னி முகுந்தன், ராவ் ரமேஷ், முரளி சர்மா உள்ளிட்ட பலரும் நடித்துள்ளனர். த்ரில்லர் பாணியில் உருவாகியுள்ள யசோதா படம் முதலில் ஆகஸ்ட் 12 ஆம் தேதி வெளியாகும் என அறிவிக்கப்பட்டது.

ஆனால் போஸ்ட் புரொடக்‌ஷன்ஸ் பணிகள் தாமதமானதால் ரிலீஸ் தேதி தள்ளிவைக்கப்பட்டது. இந்நிலையில் விநாயகர் சதுர்த்தியை முன்னிட்டு யசோதா படத்தின் அப்டேட் வெளியானது. அதில் செப்டம்பர் 9 ஆம் தேதி யசோதா படத்தின் டீசர் வெளியாகும் என தெரிவிக்கப்பட்டது. அதன்படி வெளியான டீசர் ரசிகர்களை பெரிதும் கவர்ந்தது. கர்ப்பமாக இருக்கும் சமந்தா எதிர்கொள்ளும் சவால்களே இப்படத்தின் கதையாக உருவாகப்பட்டுள்ளது. த்ரில்லர் பாணியில் உருவாகியுள்ள டீசரை பார்க்கும் போது ஒரு எதிர்பார்ப்பை ஏற்படுத்தி விடுகிறது. மணிசர்மா இப்படத்திற்கு இசையமைத்துள்ளார்.

View this post on Instagram

A post shared by SRIDEVI MOVIES (@sridevimovies)

இந்நிலையில் படம் நவம்பர் 11 ஆம் தேதி வெளியாகும் என்ற அறிவிப்பு சமந்தா ரசிகர்களை மகிழ்ச்சியில் ஆழ்த்தியுள்ளது தொடர்பாக ஸ்ரீதேவி மூவிஸ் தனது இன்ஸ்டாகிராம் பக்கத்தில் தகவல் வெளியிட்டுள்ளது. ரத்தமும், வேர்வையும் சிந்தினார் சமந்தா என தயாரிப்பாளர் நெகிழ்ச்சியுடன் ஒரு பேட்டியில் தெரிவித்திருந்தது குறிப்பிடத்தக்கது. மேலும் பெரிய பட்ஜெட்டில் 100 நாட்களில் படப்பிடிப்பை முடித்ததாகவும், தமிழிலும், தெலுங்கிலும் சமந்தாவே டப்பிங் செய்திருப்பதாகவும் தெரிவித்திருக்கிறார்