samantha | ஃபிட்னஸ் கோல்... கடுமையான உடற்பயிற்சி... - ஹாலிவுட்டிற்கு தயாராகிறாரா சமந்தா!

ஏற்கனவே சமந்தா மெலிந்துவிட்டதாக கிசுகிசுக்கும் அவரது ரசிகர்கள் , இன்னுமா உடல் எடையை குறைக்க போகிறீர்கள் என குமுறுகின்றனர்.

சமந்தா_(1)

சமீப காலமாகவே டாக் ஆஃப் தி டவுனாக இருந்து வருபவர் நடிகை சமந்தா. கோலிவுட், டோலிவுட் பிஸியாக நடித்து வரும் நடிகை அண்மையில்தான் தனது காதல் கணவரை பிரிந்தார், அதன் பிறகு புத்துணர்வு பெற்றவர் போல தன்னை மிகுந்த பாசிட்டிவ் மனுஷியாக சமூக வலைத்தளங்களில் காட்டிக்கொள்கிறார். தனது நண்பர்களுடன் அதிக நேரம் செலவிடும் சமந்தா , அண்மையில் தனது தோழிகளிடன் கோவா சென்றிருந்தார். அப்போது நீச்சல் உடையில் எடுக்கப்பட்ட புகைப்படத்தை தனது இன்ஸ்டாகிராம் பக்கத்தில் , பகிர அது வைரலானது.  இந்த நிலையில் சமந்தா கடுமையாக உடற்பயிற்சி செய்யும் வீடியோ ஒன்றை தனது இன்ஸ்டாகிராம் ஸ்டோரியில் பகிர்ந்துள்ளார். 10 கிலோ எடையை , பளுதூக்கும் வீராங்கனைப் போல்  அசால்ட் காட்டுகிறார் சமந்தா. 

ஏற்கனவே சமந்தா மெலிந்துவிட்டதாக கிசுகிசுக்கும் அவரது ரசிகர்கள் , இன்னுமா உடல் எடையை குறைக்க போகிறீர்கள் என குமுறுகின்றனர். சமீப காலமாக உடல் எடையை குறைப்பதில் ஆர்வம் காட்டுகிறார் சமந்தா , காரணம் அவர் பாலிவுட் மற்றும் ஹாலிவுட் படங்களில் ஒப்பந்தமாகியிருப்பதுதான் என கூறப்படுகிறது. பாலிவுட், ஹாலிவுட் நடிகைகளுக்கு இணையாக கட்டுக்கோப்பான உடலமைப்பை பெற வேண்டும் என்றுதான் அவர் முயற்சி எடுத்து வருகிறாராம். ஹாலிவுட் இயக்குனர் பிலிப்ஜான் என்பவரின் இயக்கத்தில் உருவாக உள்ள வெப்தொடர் ஒன்றில் நடிக்க ஒப்பந்தமாகியிருப்பதாக செய்திகள் வெளியானது. அதனை உறுதிப்படுத்தும் விதமாக சமந்தாவும் தனது சமூக வலைத்தள பக்கங்களின் ஷேர் செய்திருந்தார்.  இந்த வெப்தொடரை தெலுங்கு திரை உலகில் மிகப்பெரிய வெற்றிபெற்ற ’ஓ பேபி’ என்ற படத்தை தயாரித்த நிறுவனம் தயாரிக்க உள்ளதும் குறிப்பிடத்தக்கது.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Samantha (@samantharuthprabhuoffl)

 

Arrangements of Love’ என்ற டைட்டில் வைக்கப்பட்டுள்ள இந்த தொடரின் படப்பிடிப்பு அடுத்த ஆண்டு ஆகஸ்ட் மாதம் தொடங்கும் என்று எதிர்பார்க்கப்படுகிறது. இந்தத் தொடரில் சொந்த துப்பறியும் நிறுவனத்தை நடத்தும் இருபாலின ஈர்ப்புடைய தமிழ் பெண்ணாக நடிக்கிறார் சமந்தா என்பதும் குறிப்பிடத்தக்கது.   இதனை தொடர்ந்து சமந்தா தற்போது ஃபேமிலி மேன் வெப் தொடர் இயக்குநர்கள் ராஜ் மற்றும் டிகேவுடன் இணந்து சிடாடெல்என்னும் வெப் தொடரில் நடிக்க ஒப்பந்தமாகியுள்ளார். இந்தியா மற்றும் இத்தாலி என இரண்டு தேசங்களை இணைக்கும் வகையில்  உருவாக்கப்படவுள்ள கதை என கூறப்படுகிறது. இதில் சமந்தாவுக்கு ஜோடியாக பாலிவுட் நடிகர் வருண் தவான் நடிக்கவுள்ளார்.  இந்நிலையில் உலக புகழ்பெற்ற அவஞ்சர்ஸ் என்னும் படத்தின் இயக்குநர்கள் ரூசோ சகோதரர்கள் வருகிற 2022 ஆம் ஆண்டு  இதனை வெளியிட உள்ளதாகவும் , சிடாடெல் வெப் தொடரை பிரபல மார்வெல் தயாரிப்பு நிறுவனம் தயாரித்திருப்பதாகவும் செய்திகள் வெளியாகியுள்ளது.