மூழ்காத ஷிப்பே ஃப்ரெண்ட்ஷிப்தான்...ஃபோட்டோ பகிர்ந்த ரஹ்மான்... தமிழில் ட்வீட் செய்த சச்சின்!

தான் ஏ.ஆர்.ரஹ்மானின் ரசிகன் என்பதையும், அவரது இசையுடன் பலமுறை தன் சதங்களைக் கொண்டாடி உள்ளதாகவும் சச்சின் முந்தைய காலக்கட்டங்களில் தெரிவித்து ரஹ்மானை உச்சி முகர்ந்துள்ளார்.

சச்சின் டெண்டுல்கர், ஏ.ஆர்.ரஹ்மான்

இசையமைப்பாளர் ஏ.ஆர். ரஹ்மானும் இந்தியக் கிரிக்கெட் ஜாம்பவான் சச்சின் டெண்டுல்கரும் சந்தித்துக் கொண்ட புகைப்படம் இணையத்தில் அதிகம் பகிரப்பட்டு வருகிறது.

நல்ல நண்பர்கள்

அவரவர் துறையில் சிறந்து விளங்கும் இசைப்புயல் ஏ.ஆர்.ரஹ்மானும் கிரிக்கெட் ஜாம்பவான் சச்சின் டெண்டுல்கரும் நீண்ட காலமாகவே நல்ல நண்பர்களாகத் திகழ்ந்து வருகின்றனர்.

சிறுவயது தொடங்கி 80களின் இறுதியில் கிட்டத்தட்ட ஒரே காலக்கட்டத்தில் இருவரும் தங்களது துறைகளில்  நுழைந்து, குறுகிய காலத்தில் ரசிகர்களை ஈர்த்து தங்கள் துறைகளில் கோலோச்சத் தொடங்கினர்.

ஒன்றாகத் தொடங்கிய பயணம்!

தொடர்ந்து சர்வதேச கிரிக்கெட் உலகில் சச்சின் பல சாதனைகளைப் புரிந்து வந்த நிலையில், மறுபுறம் ஏ.ஆர். ரஹ்மான் 90களில் கோலிவுட் தொடங்கி பாலிவுட் வரை தனது இசையால் நாட்டையே கட்டிப்போட்டார்.

சாதனைகளுக்கு அப்பாற்பட்டு உருவம், நடை, உடை, பாவனை என இருவருக்குள்ளும் பல ஒற்றுமைகள் இருந்து வரும் நிலையில், இவர்கள் இருவரும் நல்ல நண்பர்களாக வலம் வரத் தொடங்கினர்.

தான் ஏ.ஆர்.ரஹ்மானின் ரசிகன் என்பதையும், அவரது இசையுடன் தான் பலமுறை தன் சதங்களைக் கொண்டாடி உள்ளதாகவும் சச்சின் முந்தைய காலக்கட்டங்களில் தெரிவித்து ரஹ்மானை உச்சி முகர்ந்துள்ளார்.

ஜாம்பவான்கள் மீட் அப்!

மேலும் சச்சின் நல்லுள்ளம் படைத்தவர் என்றும், தன்னுடைய மிகப்பெரும் இன்ஸ்பிரேஷன் என்றும் ரஹ்மான் குறிப்பிட்டுள்ளார்.

இந்நிலையில், முன்னதாக சென்ற ஏ.ஆர். ரஹ்மான் முன்னதாக சச்சினை அவரது இல்லத்தில் சந்தித்துள்ளார். சச்சினுடன் தனது நாளை இனிதாக செலவிட்ட ஏ.ஆர்.ரஹ்மான், தாங்கள் எடுத்துக்கொண்ட புகைப்படத்தை தன் சமூக வலைதளப் பக்கத்தில் உற்சாகத்துடன் பகிர்ந்துள்ளார்.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by ARR (@arrahman)

இந்நிலையில் இந்தப் புகைப்படத்தை ரீட்வீட் செய்துள்ள சச்சின் ரஹ்மானை தமிழில் இசைப்புயல் என தனது பதிவில் குறிப்பிட்டு ட்வீட் செய்துள்ளார்.

A Sunday well spent with இசைப்புயல்! ♥️🎶 https://t.co/nDB5m3Bh5R

— Sachin Tendulkar (@sachin_rt) October 17, 2022

சச்சினின் இந்தப் பதிவு ரஹ்மான், சச்சின் இருவரது ரசிகர்களையும் மகிழ்ச்சியில் ஆழ்த்தியுள்ளது. கடந்த 2017ஆம் ஆண்டு வெளியான சச்சின் டெண்டுல்கரின் பயோபிக்கான 'Sachin: A Billion Dreams' படத்துக்கு ஏஆர் ரஹ்மான் தான் இசையமைத்திருந்தார் என்பது குறிப்பிடத்தக்கது.