20 years of saamy: 20 ஆண்டுகள்: ஒருச்சாமி.. ரெண்டுச்சாமி... மூனுச்சாமி: நினைவுகளை பகிர்ந்த நடிகர் விக்ரம்!

சாமி திரைப்படத்தின் இருபது ஆண்டுகள் ஆகிவிட்ட நிலையில் நடிகர் விக்ரம் மிக உற்சாகமாக கொண்டாடி வருகிறார்.

விக்ரம். image source : twitter

2003 ஆம் ஆண்டு இயக்குனர் ஹரியின் இயக்கத்தில் விக்ரம் நடித்து வெளிவந்து இன்றுடன் இறுபது ஆண்டுகள் நிறைவுபெறுகின்றன. இதுகுறித்து நடிகர் விக்ரம் தனது ட்விட்டர் பக்கத்தில் மிகவும் உற்சாகமான நினைவுகளை பகிர்ந்துள்ளார் நடிகர் விக்ரம்.

2003 ஆம் ஆண்டு விகர்ம் நடித்த சாமி திரைப்படம் வெளியானது. இந்த படத்தை இயக்குனர் ஹரி இயக்கியிருந்தார். இந்த படத்தில் திரிஷா கதாநாயகியாக நடித்திருந்தார். ஹாரிஸ் ஜெயராஜ் இந்த படத்திற்கு இசையமைத்திருந்தார். தற்போது இந்த படம் வெளியாகி இருபது ஆண்டுகள் நிறைவு பெறுகின்றன. இதனால் நடிகர் விகரம் தனது ட்விட்டர் படத்தில் இந்த சாமி படத்தின் காட்சி ஒன்றை பகிர்ந்துள்ளார். சாமித் திரைப்படம் தன் மனதிற்கு மிக நெருக்கமான ஒரு படமாக என்றும் இருக்கும் என் சியான் விக்ரம் நெகிழ்ச்சியாக பதிவிட்டுள்ளார்.

ஒருச்சாமி. ரெண்டுச்சாமி. மூனுச்சாமி..!! 🚨#Saamy
A very special & unforgettable experience. #20yearsOfSaamy. pic.twitter.com/6ASp9JSJwe

— Vikram (@chiyaan) May 1, 2023

 

சாமி திரைப்படம் தமிழ் சினிமாவிற்கும் சரி நடிகர் விக்ரமிற்கும் மிக முக்கியமான ஒரு திரைப்படமாக அமைந்தது.வழக்கமான போலீஸ் கதாபாத்திரமாக இல்லாம முற்றிலும் புதிய வகையை இந்த கதாபாத்திரத்தை வடிவமைத்திருந்தார் இயக்குனர் ஹரி.படத்தில் விக்ரமின் அறிமுக காட்சியில் அவர் பேசும் ஒருச்சாமி ரெண்டுச் சாமி வசனம் பட்டிதொட்டி எல்லாம் ஹிட் ஆனது.சின்ன குழந்தைகள் எல்லாம் அந்த டையலாகை சொல்லிக்கொண்டு சுற்றிக்கொண்டிருக்கும் அளவிற்கு பேமசானது இந்த டயலாக். நான் போலிஸ் இல்ல பொரிக்கி என்கிற டயலாக் விக்ரமை முற்றிலும் ராவான ஒரு கண்ணோட்டத்தில் பார்க்கச் செய்தது.படத்தின் டயலாக் மட்டுமில்லாமல் இந்த படத்தின் பாடல்கள் அனைத்தும் சூப்பர் ஹிட்டாகின.விக்ரமிற்கும் த்ரிஷாவிற்கும் இடையிலான இதுதானா பாடல் புதிதாக திருமணம் ஆகியவர்களுக்கு டெடிகேட் செய்யப்படும் ட்ரெண்டாக மாறியது.சாமித் திரைப்படம்  மொத்தம் 100 திரையரங்குகளில் வெளியிடப்பட்டது.இந்தப் படம் மொத்தம் 32 கோடி ரூபாய் வசூல் செய்து அன்றைய சூழலில் பேரும் வசூல் சாதனை படைத்தது.சாமி படத்தைத் தொடர்ந்து அதன் இரண்டாம் பாகம் சாமி 2 கடந்த 2018 ஆம் ஆண்டு வெளியானது,இந்த படத்தில் விக்ரம், கீர்த்தி சுரேஷ் ஆகியவர்கள் நடித்திருந்தார்கள்.

 

விக்ரம் நடித்திருக்கும் பொன்னியின் செல்வனின் இரண்டாம்  பாகம் வெளியாகி இருக்கிறது.இந்த படத்தில் விக்ரம் ஆதித்த கரிகால கதாபாத்திரத்தை ஏற்று நடித்திருக்கிறார். படத்தில்  விக்ரம் மற்றும் ஐஷ்வர்யா ராய்க்கு இடையிலான காட்சிகள் ரசிகர்களால் மிகவும் பரவலாக பேசப்படுகின்றன. இந்தப் படம் உலகமெங்கிலும் பெரும் பாராட்டுக்களைப் பெற்று வருகிறது.அடுத்ததாக விக்ரம் நடித்து இயக்குனர் ரஞ்சித் அவர்கள் இயக்கியிருக்கும் தங்கலான் படம் விரைவில் திரைக்கு வரும் என எதிர்பார்க்கப்படுகிறது.விக்ரமின் பிரந்த நாளன்று இந்த படத்தின் மேக்கிங் வீடியோ வெளியிடப்பட்டது. இந்த வீடியோ தங்கலான் படத்தின் மேல் இருக்கும் ஆர்வத்தை கூட்டியிருக்கிறது.