Raayan Trailer: சிங்கமா? ஓநாயா? பேய் மாதிரி வந்த தனுஷ்! வெளியானது ராயன் பட ட்ரைலர்!

Raayan Trailer : சன் பிக்ச்சர்ஸ் தயாரிப்பில் தனுஷ் இயக்கி ஏ.ஆர் ரஹ்மான் இசையமைத்துள்ள ராயன் திரைப்படத்தின் டிரைலர் வெளியாகியுள்ளது

ராயன்

Source : Twitter

தனுஷ் 

 இந்திய சினிமாவின் தனித்துவமான நடிகராக கருதப் படுபவர் தனுஷ் , நடிகர் , இயக்குநர் , பாடகர்  , பாடலாசிரியர் , தயாரிப்பாளர் என தனுஷ் தொட்டது எல்லாம் தங்கம் தான் . சிறந்த நடிகருக்கான தேசிய விருது , காக்கா முட்டை படத்தின் தயாரிப்பாளராக ஒரு தேசிய விருது என சின்ன வயதில் பெரிய அங்கீகாரங்களை தனுஷ் சேர்த்துள்ளார். தமிழ் ,இந்தி , ஹாலிவுட் என தனது நடிப்பாற்றலை சர்வதேச தளத்திற்கு கொண்டு சேர்த்துள்ளார் தனுஷ் .

ராயன்

துள்ளுவதோ இளமை படத்தில் நாயகனாக அறிமுகமான தனுஷின் 50 ஆவது படமாக உருவாகியுள்ளது ராயன். இப்படத்தை தனுஷே இயக்கி நாயகனாக நடித்துள்ளார். சந்தீப் கிஷன் , காலிதாஸ் ஜெயராமன் , துஷாரா விஜயன்  , எஸ்.ஜே.சூர்யா , செல்வராகவன் , பிரகாஷ் ராஜ் , அபர்ணா பாலமுரளி , வரலட்சுமி சரத்குமார் என ஏராளமான பிரபலங்கள் இப்படத்தில் நடித்துள்ளார்கள். இசைப்புயல் ஏ.ஆர் ரஹ்மான் இப்படத்திற்கு இசையமைத்துள்ளார். ஓம் பிரகாஷ் ஒளிப்பதிவும் , ஜாக்கி கலை வடிவமைப்பும்  செய்துள்ளார்கள்.

Raayan trailer https://t.co/w8BxBoZLwD @sunpictures @arrahman

— Dhanush (@dhanushkraja) July 16, 2024

ராயன் திரைப்படத்தின் இசை வெளியீடு கடந்த ஜூலை 6 ஆம் தேதி சென்னையில் நடைபெற்றது. இந்த நிகழ்ச்சியில் நடிகர் தனுஷ் பேசியது ரசிகர்களை கவர்ந்தது . மேலும் படத்தில் நடித்த மற்ற நடிகர்கள் படம் பற்றி பேசியது படத்தின் மீதான எதிர்பார்ப்பை அதிகரித்துள்ளது. ஜூலை 26 ஆம் தேதி படம்  வெளியாக இருக்கும் நிலையில் தற்போது இப்படத்தின் டிரைலர் வெளியாகி ரசிகர்களின் கவனத்தை ஈர்த்துள்ளது. இப்படத்தின் நடிகரும் இயக்குநருமான தனுஷ் தனது எக்ஸ் தளத்தில் ட்ரைலரை வெளியிட்டுள்ளார். 

ராயன் டிரைலர்

 

கடந்த 2017 ஆம் ஆண்டு தனுஷ் பவர் பாண்டி படத்தை இயக்கினார். இப்படத்தில் ராஜ்கிரண் , ரேவதி , மடோனா செபாஸ்டியன் உள்ளிட்டவர்கள் நடித்தார்கள் . ஷான் ரோல்டன் படத்திற்கு இசையமைத்தார். இப்படத்திற்கு பின் தனுஷ் படங்களை இயக்குவதில் இருந்து சிறிது காலம் இடைவெளி எடுத்துக் கொண்டார். தற்போது கிட்டதட்ட 7 ஆண்டுகளுக்கு பிறகு தனது 50 ஆவது படத்தை தானே இயக்கி அதில் நாயகனாக நடித்துள்ளார் தனுஷ். ஆக்‌ஷன் த்ரில்லராக உருவாகி இருக்கும் ராயன் படத்தில் தனுஷின் நடிப்பு மற்றும் அவரது இயக்கத்தை பார்க்க ரசிகர்கள் மிக ஆர்வமாக காத்திருக்கிறார்கள். மேலும் இப்படத்தில் செல்வராகவன் , எஸ்.ஜே சூர்யா உள்ளிட்டவர்களின் கதாபாத்திரங்கள் பற்றிய எதிர்பார்ப்பும் பெரியளவில் இருந்து வருகிறது.