Salaar Trailer : தீபாவளி ஸ்பெஷல் அப்டேட்... சலார் ட்ரெய்லர் ரிலீஸ் தகவலை வெளியிட்டது படக்குழு

பிரபாஸ் நடிப்பில் உருவாகி இருக்கும் சலார் படத்தின் ட்ரெய்லர் ரிலீஸாகும் தேதி மற்றும் நேரத்தை படக்குழு அறிவித்துள்ளது

பிரபாஸ், சலார், சலார் டிரெய்லர், பிரசாந்த் நீல். (Image source: Twitter)

சலார்

‘சலார்’. கேஜிஎஃப் பாகங்களை இயக்கி கன்னட சினிமாவை தாண்டி ஒட்டுமொத்த இந்திய சினிமாவின் கவனத்தையும் ஈர்த்தவர் பிரஷாந்த் நீல். கன்னட சினிமாவின் மார்க்கெட்டையே அடுத்த தளத்துக்கு உயர்த்திய பிரஷாந்த் நீலின் அடுத்த படமான சலாரை எதிர்பார்த்து ரசிகர்கள் காத்துள்ளனர். கேஜிஎஃப் பாகங்களைத் தொடர்ந்து மிகப்பெரும் பொருட்செலவில் இப்படம் உருவாகி வெளியீட்டுக்குத் தயாராக உள்ளது. பிரபாஸ் ஹீரோவாக நடித்துள்ள இப்படத்தின் கிறிஸ்துமஸ் விடுமுறையைக் குறிவைத்து டிசம்பர் 22ஆம் தேதி வெளியாகிறது.  இப்படத்தின் மீதான எதிர்பார்ப்பு நாளுக்கு நாள் அதிகரித்து வருகிறது. இப்படத்தில் மலையாள நடிகர் பிருத்விராஜ் வில்லனாக நடிக்க, நடிகை ஸ்ருதி ஹாசன் ஹீரோயினாக நடித்துள்ளார். ஜெகபதி பாபு முக்கியக் கதாபாத்திரம் ஒன்றில் நடித்துள்ளார்.

7: 19 மணிக்கு ட்ரெய்லர் ரிலீஸ்

𝐆𝐞𝐚𝐫 𝐮𝐩 𝐟𝐨𝐫 𝐚𝐧 𝐞𝐱𝐩𝐥𝐨𝐬𝐢𝐯𝐞 𝐜𝐞𝐥𝐞𝐛𝐫𝐚𝐭𝐢𝐨𝐧𝐬 💥#SalaarCeaseFire Trailer is set to detonate on Dec 1st at 7:19 PM 🔥

Happy Deepavali Everyone 🪔 #Salaar #Prabhas #PrashanthNeel @PrithviOfficial @shrutihaasan @hombalefilms @VKiragandur @IamJagguBhai… pic.twitter.com/rf0wwNvWX5

— Hombale Films (@hombalefilms) November 12, 2023

ஹோம்பாலே ஃபிலிம்ஸ் இந்தப் படத்தை தயாரித்துள்ளது. சலார் திரைப்படம் டிசம்பர் 22ஆம் தேதி வெளியாக இருக்கும் நிலையில் தற்போது இந்தப் படத்தின் ட்ரெய்லர் ரிலீஸ் தேதி குறித்த தகவல் வெளியாகி இருக்கிறது. அதன்படி வருகின்ற டிசம்பர் 1 ஆம் தேதி  சலார் படத்தின் ட்ரெய்லர் வெளியாகும் என படக்குழு அறிவித்துள்ளது. முன்னதாக இந்த தகவல் வெளியாக இருந்த நிலையில் தற்போது டிசம்பர் 1 ஆம் தேதி சரியாக 7 மணி 19  நிமிடத்தில் இந்த ட்ரெய்லர் வெளியாகும் என படக்குழு அறிவித்துள்ளது.  இதனால் கேஜிஎஃப் மற்றும் பிரபாஸ் ரசிகர்கள் உற்சாகத்தில் காணப்படுகிறார்கள்.

பிரபாஸ் நடித்து வரும் படங்கள்

பிரபாஸ் நடித்து கடைசியாக வெளியான ஆதிபுருஷ் திரைப்படம் தோல்வியடைந்த நிலையில் தற்போது சலார் மற்றும் இன்னும் சில படங்களை நம்பி இருக்கிறார்கள் ரசிகர்கள். அதில் தற்போது பிரபாஸ் நடித்து வரும் கல்கி 2898 படமும் ஒன்று. ‘மகாநடி’ படத்தை இயக்கிய நாக் அஸ்வின் இயக்கத்தில் இந்திய சினிமாவின் உச்ச நட்சத்திரங்களான கமல்ஹாசன், அமிதாப் பச்சன் ஆகியோர் நீண்ட நாள்களுக்குப் பிறகு இணைந்துள்ள திரைப்படம்  ‘கல்கி 2898 ஏடி’. இந்திய புராணக் கதையை மையமாக வைத்து சைன்ஸ் ஃபிக்‌ஷன் படமாக உருவாகி வரும் இந்தப் படத்தில் கமல்ஹாசன் வில்லனாக நடித்து வருகிறார். சுமார் 600 கோடி ரூபாய் செலவில் உருவாகி வரும் இந்தப் படம் பிரபாஸின் திரை வாழ்க்கையில் மிகப்பெரிய திருப்புமுனையாக அமையும் என்று அனைவரு எதிர்பார்த்து வருகிறார்கள்.