Salaar Teaser Update: சலார் படத்திற்கான டீசர் வெளியாகும் தேதி அறிவிப்பு.. அதிகாலையிலேயே அலாரம் வைக்கனும் போலயே..!

பிரபாஸ் நடிப்பில் உருவாகி வரும் சலார் படத்தின் டீசர் ஜுலை 6ம் தேதி வெளியாகும் என படக்குழு அறிவித்துள்ளது.

சலார் படத்தின் டீசர் அப்டேட்

பிரபாஸ் நடிப்பில் உருவாகி வரும் சலார் படத்தின் டீசர் ஜுலை 6ம் தேதி வெளியாகும் என படக்குழு அறிவித்துள்ளது.

படக்குழு அதிகாரப்பூர்வ அறிவிப்பு:

இதுதொடர்பாக படக்குழு வெளியிட்டுள்ள அதிகாரப்பூர்வ அறிவிப்பில் “ மிகவும் வன்முறையான மனிதனான சலாருக்காக உங்களைத் தயார்படுத்திக் கொள்ளுங்கள். வரும் வியாழனன்று காலை 5.12 மணியளவில் சலார் படத்தின் டீசர் வெளியாகும்” என தெரிவிக்கப்பட்டுள்ளது

 

𝐁𝐫𝐚𝐜𝐞 𝐲𝐨𝐮𝐫𝐬𝐞𝐥𝐟 𝐟𝐨𝐫 𝐭𝐡𝐞 𝐦𝐨𝐬𝐭 𝐯𝐢𝐨𝐥𝐞𝐧𝐭 𝐦𝐚𝐧, #𝐒𝐀𝐋𝐀𝐀𝐑 🔥

Watch #SalaarTeaser on July 6th at 5:12 AM on https://t.co/QxtFZcNhrG #SalaarTeaserOnJuly6th#Prabhas #PrashanthNeel @PrithviOfficial @hombalefilms #VijayKiragandur @IamJagguBhai… pic.twitter.com/Vx1i5oPLFI

— Hombale Films (@hombalefilms) July 3, 2023

படக்குழு:

கேஜிஎஃப் படத்தின் வரலாறு காணாத ப்ளாக் பஸ்டர் வெற்றிக்குப் பிறகு இயக்குநர் பிரசாந்த் நீல் இயக்கும் படம் சலார். இப்படத்தின் மூலம் முதன்முதலாக தெலுங்கில் அதுவும் பாகுபலி படம் மூலம் பெரும் புகழ்பெற்று பான் இந்தியா ஸ்டாராக உருவெடுத்த நடிகர் பிரபாஸூடன் அவர் இணைந்துள்ளார். கேஜிஎஃப் படத்துக்கு இசையமைத்து கவனமீர்த்த ரவி பர்சூரே இப்படத்துக்கும் இசையமைக்கிறார். மேலும் பிரபல மலையாள நடிகர் ப்ரித்விராஜ் சுகுமாறன், நடிகை ஸ்ருதி ஹாசன், நடிகர் ஜெகபதி பாபு, ஈஸ்வரி ராவ், ஸ்ரியா ரெட்டி உள்ளிட்ட பலர் இப்படத்தில் நடித்துள்ளனர்.

வெளியீட்டுக்கு தயாரான சலார்:

2021ஆம் ஆண்டு முதல் இப்படத்தின் படப்பிடிப்பு நடைபெற்று வரும் நிலையில், கொரோனா ஊரடங்கு காரணமாக இப்படத்தின் படப்பிடிப்பு தொடர்ந்து தள்ளிப்போனது. அதன் பின்னர் பிரபாஸ் ராதே ஷ்யாம் படத்திலும், பிரசாந்த் நீல் கேஜிஎஃப் 2 படப்பிடிப்பிலும் பிசியாகிவிட, கடந்த ஆண்டு ஜூன் மாதம் படப்பிடிப்பு மீண்டும் தொடங்கியது. இந்நிலையில், படப்பிடிப்பு பணிகள் நடந்து முடிந்த நிலையில், 100 நாட்கள் கவுண்டவுனும் கடந்த ஜுன் மாதம் 20ம் தேதி தொடங்கியது. படத்தின் மெருகூட்டும் இறுதிகட்ட பணிகள் தற்போது படுவேகமாக நடைபெற்று வருகிறது. தமிழ், தெலுங்கு, மலையாளம் மற்றும் கன்னடம் உள்ளிட்ட மொழிகளில் உருவாகியுள்ள இப்படம், செப்டம்பர் 28ம் தேதி வெளியாக உள்ளது. 

சலாரை நம்பியுள்ள பிரபாஸ்:

ராஜமவுளி இயக்கத்தில் பிரபாஸ் நடிப்பில் வெளியான பாகுபலி திரைப்படத்தின் இரண்டு பாகங்களும் பிரமாண்ட வெற்றி பெற்றன. அதைதொடர்ந்து அவரது நடிப்பில் வெளியான சாஹோ, ராதே ஷ்யாம் மற்றும் ஆதிபுருஷ் ஆகிய மூன்று பெரிய பட்ஜெட் படங்களும் எதிர்பார்த்த வெற்றியை பெறவில்லை. இந்நிலையில் தான் கே.ஜி.எஃப் படத்தின் மூலம் பெரும் கவனம் ஈர்த்த பிரசாந்த் நீல் இயக்கத்தில் நடித்துள்ள, சலார் படத்தின் மீது பிரபாஸ் அதிகப்படியான நம்பிக்கையை கொண்டுள்ளார். இப்படம் அவருக்கு பிரமாண்ட வெற்றியை பெற்று கொடுக்கும் எனவும் எதிர்பார்த்து கொண்டிருக்கிறார்.