![ABP Premium](https://cdn.abplive.com/imagebank/Premium-ad-Icon.png)
Pathu Thala Trailer: சிம்பு ரசிகர்களே தயாரா... இன்று இரவு வெளியாகும் பத்து தல ட்ரெய்லர்... பிரம்மாண்ட இசை வெளியீட்டு விழா!
குமரிக் கண்டம், ராவண ஆட்சி, மணல் மாஃபியா என பக்கா மாஸ் அம்சங்களுடன் ரஹ்மானின் அசத்தலான இசையுடன் முன்னதாக வெளியான இந்தப் படத்தின் டீசர் நல்ல வரவேற்பைப் பெற்றது.
![Pathu Thala Trailer: சிம்பு ரசிகர்களே தயாரா... இன்று இரவு வெளியாகும் பத்து தல ட்ரெய்லர்... பிரம்மாண்ட இசை வெளியீட்டு விழா! Pathu thala movie starring STR Gautham Karthik Priya Bhavani Shankar trailer to be released today Pathu Thala Trailer: சிம்பு ரசிகர்களே தயாரா... இன்று இரவு வெளியாகும் பத்து தல ட்ரெய்லர்... பிரம்மாண்ட இசை வெளியீட்டு விழா!](https://feeds.abplive.com/onecms/images/uploaded-images/2023/03/18/0c692b07ddbe1918babab9571324d4bf1679140260124574_original.jpg?impolicy=abp_cdn&imwidth=1200&height=675)
பத்து தல படத்தின் இசை மற்றும் ட்ரெயலர் வெளியீட்டு விழா இன்று நடைபெறும் நிலையில், இன்று இரவு 10 மணிக்கு பத்து தல படத்தின் ட்ரெய்லர் வெளியாகிறது.
கிருஷ்ணா இயக்கத்தில் நடிகர் சிம்பு, கௌதம் கார்த்திக், பிரியா பவானி சங்கர், கௌதம் வாசுதேவ் மேனன், கலையரசன், டீஜே, அனு சித்தாரா உள்ளிட்டோர் நடிப்பில் உருவாகியுள்ள படம் பத்து தல.
2017 கன்னடத்தில் வெளியான முஃப்டி படத்தின் ரீமேக்கான பத்து தல படத்தின் சிம்பு ஏஜிஆர் எனும் டான் கதாபாத்திரத்தில் நடிக்கிறார்.
ஸ்டூடியோ கிரீன் நிறுவனம் தயாரிக்கும் இந்தப் படத்துக்கு ஏ.ஆர்.ரஹ்மான் இசையமைக்கிறார்.
வரும் மார்ச் 30ஆம் தேதி பத்து தல படம் வெளியாகும் நிலையில், முன்னதாக இந்தப் படத்தின் டீசர், மற்றும் இரண்டு பாடல்கள் வெளியாகி இணையத்தில் வரவேற்பைப் பெற்றன.
குமரிக் கண்டம், ராவண ஆட்சி, மணல் மாஃபியா என பக்கா மாஸ் அம்சங்களுடன் ரஹ்மானின் அசத்தலான இசையுடன் முன்னதாக வெளியான இந்தப் படத்தின் டீசர் நல்ல வரவேற்பைப் பெற்றது.
அதே போல் ரஹ்மானின் இசை மற்றும் குரலில் சிம்பு பிறந்த நாள் ஸ்பெஷலாக வெளியான ‘நம்ம சத்தம்’ பாடல், மற்றும் ஏ.ஆர்.ரஹ்மானின் மகன் அமீன் - சக்திஸ்ரீ கோபாலன் இணைந்து பாடிய நினைவிருக்கா பாடல் ஆகியவை வெளியாகீ கவனமீர்த்தன.
இந்நிலையில் பட வெளியீட்டுக்கு இன்னும் 12 நாள்களே உள்ள நிலையில் இன்று பத்து தல படத்தின் இசை வெளியீட்டு விழா நடைபெற உள்ளது.
சென்னை, நேரு உள் விளையாட்டு அரங்கில் இந்த விழா பிரம்மாண்டமாக நடைபெறும் நிலையில், இன்று மாலை தொடங்கி இசை வெளியீட்டு விழா நடைபெற உள்ளது.
இந்நிலையில், விழா முடிவில் இரவு 10 மணிக்கு பத்து தல படத்தின் ட்ரெய்லர் வெளியிடப்படும் எனத் தெரிவிக்கப்பட்டுள்ள நிலையில் சிம்பு ரசிகர்கள் இணையத்தில் உற்சாகக் கொண்டாட்டத்தில் ஈடுபட்டு வருகின்றனர்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)