Thangalaan Teaser: ரத்தத்தால் எழுதப்பட்ட ஒரு இனத்தின் சாட்சியம்... நாளை மாலை வரும் ‘தங்கலான்’ டீசர்.. அப்டேட் தந்த படக்குழு!

பா ரஞ்சித் இயக்கியிருக்கும் ‘தங்கலான்’ திரைப்படத்தின் டீசர் வெளியாகும் நேரத்தை படக்குழு அறிவித்துள்ளது.

தங்கலான். (Image Source: Twitter)

தங்கலான்

பா.ரஞ்சித் இயக்கத்தில் விக்ரம் நடித்துள்ள தங்கலான் திரைப்படம் அடுத்த ஆண்டு ஜனவரி 26ஆம் தேதி வெளியாக இருக்கிறது. பார்வதி  திருவோத்து , மாளவிகா மோகனன் உள்ளிட்டவர்கள் நடித்து ஜி.வி பிரகாஷ் குமார் இந்தப் படத்திற்கு இசைமைத்துள்ளார்.

கோலார் தங்க வயல் சுரங்கத்தை அடிப்படையாக கொண்டு உருவாகியுள்ள இப்படம் ஒரு ஆக்ஷன் கலந்த அசத்தலான  பீரியாடிக் திரைப்படமாக இருக்கும் என்று எதிர்பார்க்கப் படுகிறது. தமிழ் சினிமா மட்டுமின்றி உலக சினிமாவே இதுவரையில் காணாத ஒரு வரலாற்று படமாக "தங்கலான்" அமையும் என்பது அனைவரின் எதிர்பார்ப்பாக இருக்கிறது.

சில மாதங்களுக்கு முன்பாக தங்கலான் படத்தைப் பற்றிய ஒரு சிறு முன்னோட்ட வீடியோ வெளியாகி ரசிகர்களை மிரள வைத்தது. காட்சி அனுபவமாக ஒரு சிறந்த படமாக தங்கலான் படம் இருக்கும் என்று அனைவரும் எதிர்பார்த்து வருகிறார்கள். மேலும் தங்கலான் படத்தை ஆஸ்கர் விருதுகளுக்கு அனுப்புவதில் படக்குழு மிக உறுதியாக இருக்கிறது.

ஸ்டுடியோ கிரீன் நிறுவனம் இந்தப் படத்தை தயாரித்துள்ளது. தங்கலான் படத்தின் டீசர் நாளை நவம்பர் 1ஆம் தேதி வெளியாகும் என அறிவிக்கப்பட்டிருந்த நிலையில் தற்போது டீசர் வெளியாகும் நேரத்தை அறிவித்துள்ளது படக்குழு. இதன்படி நாளை மாலை 7 மணியளவில் தங்கலான் படத்தின் டீசர் வெளியாக இருக்கிறது. 

A tale of gold, forged in blood and tears

Unveiling the #ThangalaanTeaser✨ tomorrow at 7️⃣ PM ❤️‍🔥#ThangalaanTeaserFromNov1 #ThangalaanFromJan26#Thangalaan@Thangalaan @chiyaan @beemji @kegvraja @StudioGreen2 @officialneelam @parvatweets @MalavikaM_ @DanCaltagirone @gvprakash… pic.twitter.com/9PiLMm92Ms

— Studio Green (@StudioGreen2) October 31, 2023

துருவ நட்சத்திரம்

தங்கலான் படத்தைத் தவிர்த்து நடிகர் விக்ரம் நடித்துள்ள மற்றொரு படம் துருவ நட்சத்திரம். கெளதம் மேனன் இந்தப் படத்தை இயக்கியிருக்க விக்ரம் ரிது வர்மா, விநாயகன், ராதிகா சரத்குமார், திவ்யதர்ஷினி, ஆர் பார்த்திபன் உள்ளிட்டவர்கள் இந்தப் படத்தில் நடித்துள்ளார்கள். ஹாரிஸ் ஜெயராஜ் இந்தப் படத்திற்கு இசையமைத்துள்ளார். வரும் நவம்பர் மாதம் 24 ஆம் தேதி திரையரங்குகளில் துருவ நட்சத்திரம் வெளியாக இருக்கிறது.

சியான் 62

சு அருண்குமார் இயக்கத்தில் விக்ரம் நடிக்க இருக்கும் திரைப்படம் சியான் 62. அருண்குமார் இயக்கத்தில் சித்தர்த் நடிப்பில் சமீபத்தில் வெளியான சித்தா திரைப்படம் நல்ல விமர்சனங்களைப் பெற்ற நிலையின் சியான் 62 படத்தின் அப்டேட் வெளியிடப் பட்டுள்ளது. இந்தப் படத்தின் சிறு முன்னோட்ட வீடியோ ஒன்றும் இணையதளத்தில் வெளியாகி ரசிகர்களை கவர்ந்தது. நீண்ட நாட்களுக்குப் பிறகு கிராமத்து கதாபாத்திரம் ஒன்றில் விக்ரம்  நடிக்க இருப்பது ரசிகர்களை உற்சாகப் படுத்தியுள்ளது.