Ajith Kumar : அஜித்தின் பைக் சாகசம், பயணங்கள் குறித்து ஆவணப்படமா? மக்களே ஒரு செம அப்டேட்..

நடிகர் அஜித் குமாரின் பைக் பயணத்தைப் பற்றி ஆவணப்படம் எடுக்க இருக்கிறார் பிரபல ஒளிப்பதிவாளர் நிரவ் ஷா

அஜித், நிரவ்ஷா

நடிகர் அஜித்குமாரின் பைக் பயணம் பற்றிய ஆவணப்படம் ஒன்றை பிரபல ஒளிப்பதிவாளர் நிரவ்ஷா எடுக்க இருப்பதாக செய்தி வெளியாகி உள்ளது

நடிகர் அஜித் குமார்  பைக்கில் உலகம் முழுவதும் சுற்றிக்கொண்டு இருக்கிறார். அஜித் குமார் பைக்கில் உலகம் முழுவதும் பயணம் செய்ய இருப்பதாக அறிவிப்பு வந்தது. கடந்த ஆண்டு இந்த திட்டத்தின்படி கடந்த ஆண்டு இந்தியா முழுவதிற்குமான முதல் கட்டப் பயணம் முடிவடைந்ததாக தகவல் வெளியானது. இதற்கு அடுத்ததாக துணிவு படத்திற்கு அடுத்த படத்தின் வேலைகளுக்கு முன்பாக தனது இரண்டாம் கட்ட பயணத்தைத் தொடங்கினார் நடிகர் அஜித். இந்த முறை அவர் லே, லடாக், சத்தீஸ்கர், ஹரித்வார் ஆகிய இடங்கள் வழியாக பயணம் செய்துகொண்டிருக்கிறார்.

சில நாட்களுக்கு முன்பு நேபாளில் ஹோட்டல் ஒன்றில் ஒரு நாள் அஜித் chef-ஆக மாறிய வீடியோ வைரலானது. அதற்கு அடுத்து ரசிகர் ஒருவர் அஜித்தை நேபாளில் கண்டு அவருடன் வீடியோ வெளியிட்டிருந்தார். இந்த இரண்டு வீடியோக்களும் அஜித் ரசிகர்களிடையில் ட்ரெண்டாகின. இந்த பயணத்திற்கு பின்பு இன்னும் சில நாட்களில் அஜித் படத்தில் அப்டேட் வெளியிட இருப்பதாக லைகா நிறுவனம் தகவல் வெளியிட்டிருந்தது. இதற்காக பயங்கர ஆவலாக காத்துக்கொண்டிருந்த ரசிகர்களுக்கு போனசாக ஒரு செய்தி இப்போது கிடைத்திருக்கிறது. நடிகர் அஜித் குமாரின் பைக் பயணம் குறித்தான ஆவணப்படம் ஒன்றை எடுக்கவிருப்பதாக செய்தி வெளிவந்திருக்கிறது. இந்த ஆவணப்படத்தை பிரபல ஒளிப்பதிவாளரான நிரவ் ஷா எடுக்க இருப்பதாக தெரிவிக்கப்பட்டிருக்கிறது. எதிர்பார்க்காத இந்த செய்தியால் அஜித் ரசிகர்கள் சந்தோஷத்தில் துள்ளி குதிக்கிறார்கள்.

நிரவ் ஷா தமிழ், இந்தி, மலையாளம் ஆகிய மொழிப் படங்களிலும் ஒளிப்பதிவாளராக பனியாற்றியுள்ளார். தமிழில் இவர் 2.0, சூப்பர் டீலக்ஸ், மதராஸப்பட்டினம் என் நிறைய முக்கியமான படங்களில் ஒளிப்பதிவு செய்துள்ளார். நடிகர் அஜித்குமாருடன் துணிவு, வலிமை, நேர்கொண்ட பார்வை, பில்லா ஆகிய படங்களில் சேர்ந்து வேலை செய்திருக்கிறார் நிரவ்ஷா. இந்த படங்களில் நடிகர் அஜித், நிரவ்ஷா ஆகிய இருவருக்கிடையில் நல்ல நட்புறவு ஏற்பட்டதாக தெரிகிறது. நாம் அஜித்தை திரையில் பார்த்து ரசித்த இந்த படங்களில்  எல்லாம் நிரவ்ஷாவின் கண்களின் வழியாகத்தான்.

அஜித் குமாரின் பயணத்தைப் பற்றி எடுக்கப்போகும் இந்த ஆவணப்படத்தில் நிச்சயமாக நாம் அவரை புதிய ஒரு கண்ணோட்டத்தில் பார்க்க முடியும். அதே நேரத்தில் இதுவரை, அஜித்குமாரின் தனிப்பட்ட வாழ்க்கை குறித்து பெரிதாக நம் யாருக்கும் தெரியாது இல்லையா? இந்த ஆவணப்படத்தில் அஜித்தின் தனிப்பட்ட வாழ்க்கை பயணத்தில் அவர்  எந்த மாதிரியான ஒரு மனிதராக நடந்துகொள்வார் என்பதை பார்ப்பது நிச்சயம் புதிதான ஒரு அனுபவமாக இருக்கப் போகிறது என்பது மட்டும் நிச்சயம்..