![ABP Premium](https://cdn.abplive.com/imagebank/Premium-ad-Icon.png)
தந்தை - மகள் காம்போ... உன்னிகிருஷ்ணன் - உத்ரா குரலில் வெளியான நயன்தாராவின் ’கனெக்ட்’ ஃபர்ஸ்ட் சிங்கிள்!
கனெக்ட் படத்தின் ‘நான் வரைகிற வானம்’ எனும் ஃபர்ஸ்ட் சிங்கிள் பாடல் வெளியாகி நல்ல வரவேற்பைப் பெற்றுள்ளது.
![தந்தை - மகள் காம்போ... உன்னிகிருஷ்ணன் - உத்ரா குரலில் வெளியான நயன்தாராவின் ’கனெக்ட்’ ஃபர்ஸ்ட் சிங்கிள்! Nayanthra starrer connect movie first single out singers Unnikrishnan uthara Unnikrishnan gave a soulful rendition தந்தை - மகள் காம்போ... உன்னிகிருஷ்ணன் - உத்ரா குரலில் வெளியான நயன்தாராவின் ’கனெக்ட்’ ஃபர்ஸ்ட் சிங்கிள்!](https://feeds.abplive.com/onecms/images/uploaded-images/2022/12/16/c2a081cfe60ec824896519455ed6c7d31671201424475574_original.jpg?impolicy=abp_cdn&imwidth=1200&height=675)
கனெக்ட் படத்தின் ஃபர்ஸ்ட் சிங்கிள் பாடலான 'நான் வரைகிற வானம்’ வெளியாகி வரவேற்பைப் பெற்றுள்ளது.
விக்னேஷ் சிவனுடனான திருமணத்துக்குப் பிறகு நயன்தாரா வரிசைகட்டி தமிழ், தெலுங்கு, இந்தி, மலையாளம் என அனைத்து மொழிகளிலும் நடித்து வருகிறார். அந்த வகையில் 2015-ஆம் ஆண்டு தன் நடிப்பில் வெளியான சூப்பர்ஹிட் ஹாரரான ’மாயா’ படத்தின் இயக்குநர் அஸ்வின் சரவணன் உடன் மீண்டும் கைக்கோர்த்துள்ளார் நயன்தாரா.
முன்னதாக நயன்தாராவின் பிறந்த நாளை முன்னிட்டு இப்ப்படத்தின் டீசர் வெளியாகி நல்ல வரவேற்பைப் பெற்றது.
விக்னேஷ் சிவனின் ரவுடி பிக்சர்ஸ் நிறுவனம் தயாரித்துள்ள இப்படத்தில் நடிகர்கள் வினய், சத்யராஜ் ஆகியோ முக்கியக் கதாபாத்திரங்களில் நடித்துள்ளனர். நீண்ட இடைவெளிக்குப் பிறகு இப்படத்தின் மூலம் தமிழ் சினிமாவில் அனுபம் கெர் ரீ எண்ட்ரி கொடுத்துள்ளார்.
இத்திரைப்படத்துக்கு பிருத்வி சந்திரசேகர் இசையமைத்துள்ளார். ஒளிப்பதிவாளராக மணிகண்டன் கிருஷ்ணமாச்சாரியும் ரிச்சர்ட் கெவின் எடிட்டராகவும் பணியாற்றியுள்ளனர்.
இந்நிலையில் தற்போது கனெக்ட் படத்தின் ‘நான் வரைகிற வானம்’ எனும் ஃபர்ஸ்ட் சிங்கிள் பாடல் வெளியாகி நல்ல வரவேற்பைப் பெற்றுள்ளது. இந்தப் பாடலை பிரபல பாடகர் உன்னி கிருஷ்ணனும், தேசிய விருது பெற்ற பாடகியான அவரது மகள் உத்ரா உன்னிகிருஷ்ணனும் இணைந்து பாடியுள்ளது கூடுதல் சிறப்பாக அமைந்துள்ளது.
View this post on Instagram
கொரோனா காலக்கட்டத்தில் பேயின் பிடியிலிருந்து மகளைக் காக்க போராடும் வகையில் இந்தக் கதை அமைக்கப்பட்டுள்ளது. வரும் டிசம்பர் 22ஆம் தேதி இப்படம் வெளியாக உள்ளது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)